Ағымдағы жылдың 3 наурызында «Әлеуметтік-экономикалық» оқу-әдістемелік пән бірлестік оқытушылары, Г.Б Ильясова, Тұрғамбай А.Б, Е.Қ Қалышев, Ақтөбе облыстық тарихи –өлкетану музейі және Кеңес Одағының батыры Ә. Молдағұлованың Ақтөбе облыстық-мемориалды музей қызметкерлерін қатыстыра отырып, «Өлкенің тарихи – жәдігерлік материалдарын сабақтарда қолдану ерекшеліктері» тақырыбында облыстық семинар ұйымдастырды. Шара мақсаты - өлкетану материалдарын қолдану барысында оқу мен оқытуда ғылыми және әдістемелік деңгейін жетілдіру , заман талабына сай өлкетану жұмыстарын әдістемелік тұрғыдан қарастыру, насихаттау, тәжірибе алмасу.
Семинар барысында Ақтөбе өңіріндегі тарихи объектілерге шолу жасалып, Қазақстан тарихын оқытудағы өлкетану деректерінің орны, музейдің ұлттық құндылықтарын жас ұрпаққа дәріптеудің маңызы талданып, өлкетану материалдарын қолдану арқылы отаншыл жеке тұлғаны қалыптастыру жөнінде тәжірибе алмасты. Семинарға қатысушылар жоғары белсенділігін көрсете отырып, өз мақсатына жетті.
Ақтөбе гуманитарлық колледжі кітапханасында «Оқуға құштармын» оқырман бұрышы жобасы, «Бір ел-бір кітап» республикалық акция аясында Қазақстан Республикасы Тәуелсіздігінің мерейтойына арналған «Тәуелсіздігіміздің 30 жылдығына - 30 кітап» тақырыбында виртуалды кітап көрмесі ұйымдастырылды.
Көрменің мақсаты – қазақ әдебиетін насихаттау, тарихи мәдени және рухани мұраны сақтау, жастарға адамгершілік патриоттық тәрбие беру, ана тілін құрметтеу.
Акцияның міндеті – қазақ әдебиетін кеңінен насихаттап, халықтың оқуға деген қызығушылығын арттыру, Қазақстанның әдеби мұрасын зерттеуге деген қызығушылықты дамыту, сонымен қатар жас ұрпақтың интеллектуалды және рухани дамуына үлес қосу.
Қазақстанда « 2021 жыл -Тәуелсіздік жылы» деп жарияланды. Осыған орай «Бір ел – бір кітап» республикалық акциясы ел тәуелсіздігінің 30 жылдығына арналды. Аталмыш акция аясында «30 кітап - Тәуелсіздіктің 30 жылдығына» атауымен танымал қазақстандық авторлардың поэзия, проза, драматургия, балалар әдебиеті және аударма саласындағы 30 үздік шығармасы жалпыхалықтық оқуға іріктелді.
Кітапхана меңгерушісі: Ескарина Райла Жаксыбаевна
Ақтөбе гуманитарлық колледжі директоры Ералы Ғұбайұлы Нұрғалиев колледж ұжымын 1 наурыз – мейірімділіктің, бүкіл қазақстандықтардың бір біріне деген достығы мен махаббатының жарқын мерекесі - Алғыс айту күнімен құттықтап, ұжымның бірлігі мен берекесін нығайтуға үлес қосып отырған игілікті істері үшін барша ұжымға алғысын білдірді. Сонымен қатар колледж басшысы мерекелік құттықтау аясында колледждің «Мәдениет және саз» бөлімі оқытушысы Владимир Николаевич Рожковты мерейлі 60 жасымен құттықтап, отбасына бақ-береке, елімізге татулық пен тыныштық тіледі.
2021 жылдың 26 ақпан күні Қ.Жұбанов атындағы Ақтөбе өңірлік университетінің ғылыми кітапханасының ұйымдастыруымен «Кітапхана – рухани жаңғыру жолында» тақырыбында онлайн семинар өтті.
Семинардың өзектілігі - кітапханадағы жаңашылдықты ұсыну, электронды кітапханамен таныстыру.
Семинарға Ақтөбе гуманитарлық колледжінің «Кітапхана ісі» мамандығы бойынша арнайы пәндер оқытушысы Даулеткалиева Гулмирам Косымовна «Қазіргі кездегі «Кітапхана ісі» мамандығы бойынша мамандарды даярлау» тақырыбында баяндама жасады. Оқытушы маман даярлау ісіндегі жаңалықтар мен қазіргі таңдағы PLATONUS платформасымен ұйымдастырылып отырған оқу-тәрбие үдерісіне тоқталды. Сонымен қатар білім алушыларды жан-жақты бәсекеге қабілетті маман ретінде қалыптасулары үшін колледжі тарапынан және әлеуметтік серіктестер тарапынан қолдау түрлеріне тоқталды.
Семинарға ғылыми кітапхана қызметкерлері, колледж, мектеп кітапханашылары қатысты. Оқытушы болашақ мамандарды даярлау ісімен қатар, кәсіби бағдар беру жұмысын да қамтып өтті.
Ақтөбе облыстық ғылыми- тәжірибелік орталығы ұйымдастырған «Техникалық және кәсіптік білім беру ұйымындағы жалпы білім беретін, әлеуметтік- қоғамдық және арнайы пәндерді оқытудың ерекшелігі» тақырыбындағы облыстық шебер-класс бағдарламасы бойынша Ақтөбе гуманитарлық колледжінің арнайы пәндер оқытушысы Алмагуль Максутовна Канибекова «Математика және математиканы оқыту әдістемесі» пәнінен «Понятие множества. Действия над множествами» тақырыбына шебер-класс өткізді.
Оқытушы сабақтың әр кезеңінде оқытудың белсенді әдістерін қолданда отыры, қатысушылармен белсенді іс –әрекет қалыптастыруға алғы шарттар жасай білді. Жиын ұғымын оқыту әдістемесімен байланыстырып, оқу процесінде қызығушылығын арттырудың теориялық негіздерін көрсете білді. Арнайы пәнді оқытудың заманауи технологияларды шебер пайдаланды. Оқытушының әдістемелік біліктілігі, инновациялық тұрғыда ойлап, сабақты қызықты өткізуі және пәннің ерекшелігін ескере отырып оқытуы әріптестеріне ұнады.
Шебер -класс өткізген кезде оқу үдерісін оңтайлы, тиімді және мазмұнды басқара отырып танымдық іс – әрекетін практикалық жағдайда қолдана білуге көңіл бөле білді.
2021 жылғы 25 ақпан күні Сыбайлас жемқорлыққа қарсы Агенттігі тапсырмасымен келген Арнайы мониторингтік топ Ақтөбе гуманитарлық колледжінің сыбайлас жемқорлыққа қарсы іс-қимыл бойынша жасаған жұмыстарымен танысып, өз жұмысы барысында арнайы ақпараттық стендтер, Парасаттылық мектебі, Адалдық дүкені, жоспарлы өткізілген жұмыстар мен іс-шаралар құжаттарын қарады. Сонымен қатар «Саналы ұрпақ» клубы, жоспары және студенттермен жүргізілген іс-шаралар құжаттары, колледж сайтындағы Сыбайлас жемқорлыққа қарсы іс-қимыл бөлігі және онда орналастырылған ақпараттар көрсетілді. Сыбайлас жемқорлық тәуекелдерін анықтау мақсатына бағытталған бақылау барысында мониторингтік топ өкілдері колледж басшылығы және қызметкерлермен сұхбат жүргізіп, әдістемелік көмектерін ұсынды. #smg.aktoberegion
2021 жылдың 19 ақпанында Ақтөбе гуманитарлық колледжінде «Студент жетістігі-педагог жемісі» тақырыбындағы Музыкалық аспаптар оқу-әдістемелік бірлестік оқытушыларының мамандық онкүндігі аясында «CБ-405-топ студенттері, бітіруші түлектері» Сатмагамбетова Гульнара Найзабаевнаның ұйымдастыруымен онлайн лекция-концерті ZOOM платформасы арқылы өтті.
Шара барысында қазіргі таңда білім алып отырған және жоғары оқу орнында білім алып жатқан студенттер мен түлектер өз жетістіктерін көрсете отырып, шығармаларын орындады. Негізгі аспап фортепианода Сатмагамбетова Гульнара Найзабаевнадан 4 жыл бойы білім алып жатқан студенттер мен бітіруші түлектер өз өнерлерін, білімдерін жоғары деңгейде көрсетті.
Онлайн лекция-концерт барысында ұстаз бен шәкірт арасындағы жемісті еңбекті насихаттай отырып, болашақ жас мамандардың пәнге деген қызығушылығын арттырды. Абай атамыз айтқандай, «Ұстазсыз шәкірт – тұл, шәкіртсіз ұстаз тұл» деп адам баласының кісі болып қалыптасуы көбінесе ұстазға байланысты деп ерекше атап өткен.
Студенттерді білімге қызықтырып, өз әлеміне баурап алу үшін ұстазға дариядай терең білім, биік парасаттылық, талмас еңбекқорлық, таза ниетпен жұмыс жасалып отырғаны байқалды. Шара қатысушылар тарапынан жоғары баға алды.
Ақтөбе гуманитарлық колледжінің оқу бөлімі ZOOM платформасы арқылы студенттер арасында «Platonus жүйесімен онлайн анықтама алу туралы» түсіндірме жұмыстарын жүргізді. Студенттерге анықтаманың түрлерін түсіндірді, онлайн сұраныс берудің тәртібін көрсетті және онлайн анықтама алудың ережесімен таныстырды. Кездесу барысында студенттер маңызды ақпарат алып, өз сұрақтарына жауап ала алды.
Ағымдағы жылдың 19.02.2021 ж. күні «Бастауыш білім беру» бөлімінде Нурниязова Айбопе Нурлыхановнаның ұйымдастыруымен «Өзін-өзі тану» адамгершілік – рухани білім беру бағдарламасы аясында Бк-105 топ студенттерінің қатысуымен «Махаббат – сабағы» атты шығармашылық сабақ өтті.
Мақсаты: Студенттерді жалпы адамзаттық құндылықтар әлеміне тарту, өздерінің жақын адамдарының ізгі әрекеттерін бағалауға, ұлы тұлғалардың өнегелі істерінен үлгі алу, ізгі әрекеттерді насихаттау.
Кеш барысында студенттер сүйіспеншілік кұндылығы арқылы «Махаббат» ұғымының мәнін аша отырып, өзара ой бөлісті. Студенттеріміз жанына жақын жандар ретінде өз ата-аналарын үлгі тұта отырып, ата-ананы отбасының діңгегі, бастапқы дәнекері ретінде көретінін жеткізді. Дәстүрлі қазақ отбасында ата-ананың қадірі ерекше, тіршіліктің қайнар көзі,махаббаттың шуақ күні, мейірімнің кәусар бұлағы — әке мен ана есімдеріне қатыссыз дүниеде қасиетті ештеңе жоқ екенін шығармаларында көрсетіп, шын жүректерінен шыққан өлең жолдарын арнады. Сонымен қатар «Менің жанұям» тақырыбында бейнероликтер, презентациялық слайдтар көрсетілді. Кеш соңын студенттер «Аяулы ана» әнімен аяқтады.
Қайырымдылық – халқымыздың ең ізгі қасиеттерінің бірі. «Жанашырлыққа – жан риза» дегендей, қамқорлыққа алынған балалардың жанашыр қамқоршысы болып, аялы алақанға тосу, жүрек жылуын ұсыну, сауабы мол іс, әрбір адамзаттың азаматтық парызы.
Адам өміріндегі ең игі істерінің бірі – мұқтаж жандарға қамқорлық жасау.
«Өзін-өзі тану – махаббат пен шығармашылық педагогикасы» онкүндігі аясында «Мейірімділік жасауға асығайық» тақырыбында қамқорлыққа алған балалардың бойларындағы адамгершілік, қайырымдылық, сүйіспеншілік, ізгілік, инабаттылық, ақылдылық, әдептілік қасиеттерін оятып отырған қамқоршыларға алғыс айту мақсатында онлайн тәрбиелік іс-шара өткізілді.
Өткізілген тәрбиелік шарада ҚТ-115 тобының студенті Ажгереев Азамат Мұқағали Мақатаевтың «Қазақстан» өлеңін орындап, колледж психологы Сатаева Айгүл Ермековқызы психологиялық «Мен қандаймын?» атты ойын-жаттығуын жүргізді.
Шараға қатысушы қамқоршыларымыз Қалеш Балмуханова, Ажгереева Жаңагүл, Мукашева Мариналар колледж ұжымына өз ризашылықтарын білдірді.
17.02.2021 күні «Музыкалық аспаптар» оқу – әдістемелік бірлестігінің он күндік аясында «Білімді ұрпақ – ұлт болашағы» атты онлайн форматтағы әдістемелік сағат жоғары дәрежеде өтті. СБ-405 студенттері диплом алдындағы мемлекеттік іс – тәжірбиені қала және ауыл мектептерінде 22 студент онлайн және офлайн форматта, 2 студент Облыстық ғылыми – тәжірбиелік орталығында өтті.
Барлық студент талапқа сай іс құжаттарын тапсырып бағаланды. Студенттерді болшақ маман ретінде қолдау және ынталандыру мақсатында «Ең үздік қорғау», «Ең үздік құжат» номинациялары тағайындалды. «Ең үздік қорғау» видеороликтерін дайындағандар: Набиева Н,Тауманова А, Байсагизова А.
Осы топтың студенттері қатысып, болашақ мамандықтарына бастау алды. Осы шараны ұйымдастырған «Музыкалық аспаптар» ОӘБ оқытушылары әдіскер Жусупова М.М, Булекеева Н.С
17.02.2021 жылы Ақтөбе гуманитарлық колледжі "Музыкалық аспаптар"оқу әдістемелік бірлестігінің «Шығармашылық ізденіс және кәсіби даму" тақырыбыдағы мамандық онкүндігі аясында "Шырқа сырнай!" атты оқытушылар Абишева Элеонора Ажибаевна, Дюсова Шаттық Доскайровна жергілікті Ақтөбе өңірінің баяншылар триосымен онлайн лекция-концерт өткізді.
Лекция-концертке Ғ.Жұбанова атындағы облыстық филармониясының оркестр әртістері,баяншылар Жақсыбеков Ғарифолла Орынбасарұлы , Елубай Әсет Елеусізұлы, Қарымсақов Жеңісбек Төлеуұлылар қатысты. Кеш барысында қазақ, шетел композиторларының танымал шығармалары орындалды. Композиторлары мен орындалған шығармаларға аннотациялық түсінік берілді. Баяншылар ансамблінің орындаушылық шеберліктері ұстаздар мен студенттердің көңіліне керемет рухани әсер қалдырды.
Кеш қонақтары ұстаздық қызметіндегі іс-тәжірибелерімен бөлісіп,колледж ұстаздарына ыстық ықыластарын білдірді.Кеш жоғары деңгейде өтті.
Келешекте баяншылар шығармашылығымен оффлайн кезеңінде де сұхбат кешін өткізу жоспары көзделді.
Ағымдағы оқу жылының 15- ақпан күні музыкалық аспаптар оқу әдістемелік бірлестігінің "Шығармашылық ізденіс және кәсіби даму" мамандық онкүндік аясында қосымша музыкалық аспап (фортепиано) пәнінен "Қашықтықтан оқыту кезінде фортепиано аспабын меңгертудің тиімді жолдары " тақырыбында оқытушы Г.С.Ергалиева СБ 405 топ студенті Бахтиярова Мадинамен ашық сабақ өткізді. Сабақтың мақсаты - қашықтан оқыту кезінде студенттің музыкалық білімін жетілдіру, аспапта ойнау қабілетін дамыту, сүйіспеншілігін арттыру. Сабақ барысында оқытушы теориялық білімін іс-тәжірибемен ұштастыра білді. Жаңа технология элементтерін пайдалана отырып, арнайы пәндермен пән аралық байланыс жасады. Студенттің дайындығы өте жақсы, сабаққа белсенді қатысты.Сабақ «Бес саусақ»әдісімен қорытындыланып,кері байланыс жасалды.Қатысушы оқытушылар сабақтың жоғары деңгейде өткізілгендігін айтып пікірлерін қалдырды.
2020-2021 оқу жылындағы 16 ақпан күні Ақтөбе гуманитарлық колледжі «Қашықтықтан оқыту кезіндегі, дауыс қою сабағында кездесетін кедергілердің алдын алу тәсілдері» атты «Мәдениет және саз» бөлімінің «Дирижерлау және дауыс қою» пән бірлестігінің әдістемелік апталық аясында ұйымдастырылған республикалық онлайн дөңгелек үстел өткізілді.
Мақсаты: Қашықтықтан оқыту кезіндегі, дауыс қою сабағында кездесетін кедергілердің алдын алу тәсілдерімен тәжірибе алмасу.
Онлайн – кездесуде Астана халықаралық университеті ЖШС педагогикалық колледжінің музыкалық пәндер оқытушысы Жұмабаева Ғалия Аронқызы, вокал класының оқытушысы Минайдарова Ғалияш Альшуразовна, вокал класының оқытушысы Уразбекова Замзагуль Кенжегалиевна, Алматы облысы, Есік гуманитарлық – экономикалық колледжі «Үздік музыка пәні мұғалімі» төсбелгісінің иегері Досжанова Айсара Адамбековна құрметті қонақтары болып, пікір алмасу барысында өздерінің қашықтықтан оқыту кезіндегі қиыншылықтары, кедергілері және тиімді тәсілдерімен бөлісті. Алдағы уақытта да осындай кездесулердің жалғасуына, тәжірибелерімен алмасып, өзара тығыз байланыста болайық деген ниет тілектерін білдірді. Онлайн кездесу жоғары деңгейде өтіп, көптің көңілінен шықты.
Сапарғали Мерует
Мк-205
Асылбекқызы Тұмар
Бк-305
Сағиғалиева Гүлбану
Кт-105
Идиятулина Рустина
Бк-301
Анарбек Аиша
Бк-205
Музыкант Екатерина
Р-305
152
ОҚЫТУШЫ
1200
СТУДЕНТ
421
ТҮЛЕК
81
ҮЗДІК ДИПЛОМ
Ақтөбе қаласы, Есет батыр көшесі, 73-ші үй Телефон номері: +7 /7132/ 56-02-30 E-mail: aktobe_agk@mail.ru
Ақтөбе гуманитарлық колледжі
@aktobeagk #aktobeagk
