Ұстаздар мерекесі қарсаңында Ақтөбе гуманитарлық колледжі директоры Е.Нұрғалиев республикалық «Үздік педагог-2020» байқауы жеңімпазы, қазақ тілі мен әдебиеті пәні оқытушысы Адилова Жайнагул Мұстафақызын, облыстық деңгей жеңімпаздары қазақ тілі мен әдебиеті пәні оқытушысы Наменова Гулсим Жуматаевнаны, дене тәрбиесі пәні оқытушысы Сарин Утеген Жетибаевичті құттықтады.
Сонымен қатар колледж ұжымы колледж басшысы Ералы Ғұбайұлын «АҚТӨБЕ ОБЛЫСЫНЫҢ ҚҰРМЕТТІ ҰСТАЗЫ» құрметті атағымен құттықтап, өз лебіздерін білдірді. Құрметті ұстаздар! Білім саласындағы елеулі еңбектеріңіз бен мемлекеттің гүлденуі жолындағы абыройлы істеріңізге толымды табыс тілейміз. Ұстаздарымызды шын жүректен құттықтаймыз!
Жыл сайын Мұғалімдер күні қарсаңында республика бойынша үздік педагогтердің есімдері анықталып, ұстаздарға құрмет көрсетіледі. Ағымдағы жылы да үздік ұстаздарды марапаттау мақсатында мерекелік салтанатты шара өткізілді.
Республикалық оқу-әдістемелік құралдардың сарапшысы, оқу-әдістемелік құралдар авторы, республика, облыс, қала дәрежесінде студенттердің шығармашылық, ғылыми жобаларының жетекшісі, Ақтөбе гуманитарлық колледжінің қазақ тілі мен әдебиет пәні оқытушысы Адилова Жайнагул Мустафина «Үздік педагог-2020» республикалық байқауында жеңімпаз атанып, “Үздік педагог” белгісімен марапатталды. Құттықтаймыз! Шәкірттеріңіздің құрметі мен махаббатына бөленіңіз. Шығармашылық ізденістер, ғылыми жаңалықтарыңыз арта берсін.
Қазан айының бірінші жексенбісі ұстаздар қауымының кәсіби мерекесі - Мұғалімдер күні. 2020 жылғы ұстаздар күні – қала, облыс, республика көлемінде Ақтөбе гуманитарлық колледжі үшін абыройы асқақ, беделі зор болған қуанышты күн.
Білім беру саласына қосқан үлесі үшін, оқу-тәрбие үрдісінде оқытушылар мен шәкірттердің әр салада жетістікке жетіп, алдыңғы қатардан көрінуіне, тәуелсіз мемлекетіміздің дамуы мен көркеюіне және колледждің материалдық-техникалық базасының дамуына қосқан үлесі үшін колледж директоры Нұрғалиев Ералы Ғұбайұлы "АҚТӨБЕ ОБЛЫСЫНЫҢ ҚҰРМЕТТІ ҰСТАЗЫ" құрметті атағымен марапатталды. Құттықтаймыз! Ақтөбе гуманитарлық колледжінің ұжымы атынан еңбегіңіз еленіп, абырой-беделге ие бола беріңіз деп тілек білдіреміз.
Бүгін Ақтөбе гуманитарлық колледжінде Ұстаздар күні мерекесі қарсаңында дәстүрге айналған «Ұстаз.Жастар.Болашақ-2020» форумы сегізінші жыл және ерекше форматта өткізілді. Осы сегіз жыл ішінде колледж ұжымы 29 оқытушы мен 10 қызметкерді мамандар даярлаудағы табысты еңбектері мен қызметтерін бағалай отырып, құрметпен зейнеткерлікке шығарып салды. Биыл да колледж директоры Нұрғалиев Ералы Ғұбайұлы білім беру саласында абыройлы еңбек етіп, оқу орнымыздың дамуына елеулі үлес қосқан ұлағатты ұстаздарымыз - музыка пәні оқытушысы Каликов Малик Хусаинович пен қазақ тілі мен әдебиеті пәні оқытушысы Алдоңғарова Ақпатша Дәрібайқызына үлкен алғыс білдіре отырып, колледж директоры және кәсіподақ ұйымы атынан алғыс хатпен, ақшалай сыйлықпен марапаттады.
Сонымен қатар колледж басшысы ұстаздар қауымын кәсіби мерекемен құттықтап, шығармашылығымен және шәкірттерінің жетістіктерімен ерекше көзге түскен оқытушыларымызды кәсіподақ ұйымы атынан алғыс хат және сыйақымен марапаттап, зор денсаулық, қажымас қайрат, шығармашылық табыс тіледі.
Құрметті ардагер ұстаздар! Қадірлі әріптестер!
Сіздерді ұлы мереке Ұстаздар күнімен шын жүректен құттықтаймын! Ұстаз– ұлағатты есім. Шәкірттерін кәсіби біліммен сусындатып, үлкен өмірге бағыт-бағдар беруде және болашақ ұрпақты тәрбиелеуде ұстаздың еңбегі өлшеусіз екені анық. Ұстаз ел ертеңі жастарды, болашақ азаматтарды ғана емес, бүкіл болашақ қоғамды қалыптастырады. Сондықтан да ұстаз мәртебесі қашанда биік те қадірлі.
Құрметті ұстаздар, қоғам мен адамзат алдындағы ұстазға жүктелген маңызды міндетті ескере отырып, Сіздерге білім саласындағы елеулі еңбектеріңіз бен мемлекеттің гүлденуі жолындағы абыройлы істеріңізге толымды табыс тілеймін! Болашақ мамандар даярлаудағы ұстаздық жолдарыңыз тек өрлеу мен өсуге бастасын!
Нұрғалиев Ералы Ғұбайұлы
Ақтөбе гуманитарлық колледжі директоры,
Қазақстан Республикасының Білім беру ісінің құрметті қызметкері
Құрметті Ақтөбе гуманитарлық колледжінің ардагер ұстаздары!
Сіздерді 1 қазан – Халықаралық қарттар мен ұрпақтар ынтымақтастығы күні мерекесімен құттықтаймын.
Үлкенді сыйлау, оларға құрмет көрсету ата-бабадан келе жатқан салтымыз. Сіздердің өмірлік тәжірибелеріңіз бен ақыл - кеңестеріңіз, тәлім - тағылымдарыңыздың біз үшін орны бөлек. Талай жасты тәрбиелеп, ізбасарларыңызды өсірдіңіздер. Сіздер салған сара жолда бүгінгі ұстаздар талмай еңбектеніп, шәкірттерін қия шыңға өрлетуде.
Еліміздің дамуы мен өркендеуіне және жас ұрпақты тәрбиелеп, білім беру саласына зор үлес қосқан ардагер ұстаздарымызға айтар алғысымыз шексіз. Сіздерге зор денсаулық, ұзақ ғұмыр, жақындарыңызға амандық тілеймін.
Құрметті колледж ардагерлері, ұстаздар және студенттер! Жастар ісі жөніндегі комитеттің ұйымдастыруымен 1 қазан күні сағат 14:00-де өтетін "Шәкірттен Алғыс" атты онлайн концертіміздің көрермені болыңыздар!!! Онлайн концертті колледждің инстаграм парақшасы және YouTube каналынан тікелей эфирде тамашалай аласыздар!!!
Қ.Жазықовтың 100 жылдық мерейтойына орай Ақтөбе гуманитарлық колледжінде "Ер есімі ел есінде" тақырыбында ZOOM платформасында тәрбие сағаты өтті. Студенттеріміз ардагердің құрметіне арнау өлеңдерін, жыр-шумақтарын және Қазанғаптың "Құс қайтару" күйін орындады. Кеш қонағы батыр бабамыздың қызы Мақпал Жазықова тәрбиелік мәні зор шара өткізіп, батырдың мерейтойын тойлауды алғаш бастап отырған колледж ұжымына, студенттеріне ризашылығын білдірді.
Ақтөбе гуманитарлық колледжінің инстаграм парақшасында колледж директорының тәрбие ісі жөніндегі орынбасары Г.Ш.Жиенкулова кәмелетке толмаған жасөспірімдер жөніндегі инспекторы О.А.Андрейчукпен тікелей эфирде колледж студенттерімен онлайн кездесу өткізді. Сұхбаттасу барысында қатысушыларды колледждің ішкі талап, ережесімен, білім алушылардың міндеттемесімен таныстырып, қойылған сұрақтарға жауап берді. Қашықтықтан оқыту барысында онлайн кездесулер жиі өтетіндігі айтылып, студенттерді белсенділік танытуға шақырды.
Ақтөбе гуманитарлық колледжі студенттері барлық Қазақстандықтарды 30 тамыз - Қазақстан Респбуликасының Конституциясы күнімен құттықтай отырып, мықты денсаулық бейбіт тұрмыс, тұрақтылық тілейді! Береке-бірлігіміз мәңгілік болсын!
Ақтөбе гуманитарлық колледжі студенттері барлық Қазақстандықтарды 30 тамыз - Қазақстан Респбуликасының Конституциясы күнімен құттықтай отырып, мықты денсаулық бейбіт тұрмыс, тұрақтылық тілейді! Береке-бірлігіміз мәңгілік болсын!
Болашақ мамандарды білім алып жүрген кезден бастап кәсібіне бейімдеу мақсатында біздің оқу орнымыз да 2016 жылы 0101000 «Мектепке дейінгі тәрбие және оқыту» мамандығы бойынша дуальдық оқыту жүйесі бойынша эксперимент енгізді. Ақтөбе облысы «Атамекен» кәсіпкерлер палатасы, «Балақай» Балаларды оқыту орталығы мен колледж арасында үш жақты келісімшартқа қол қойылып, теориялық оқу мен кәсіптік практиканы тығыз ұштастыру нәтижесінде, топ студенттерін 100% еңбекке орналастыруға қол жеткізілді.
Қазіргі таңда 0101000 «Мектепке дейінгі тәрбие және оқыту» мамандығы мен 0105000 «Бастауыш білім беру» мамандығы бойынша барлығы 50 студент дуалдық оқу үрдісі бойынша білім алуда.
Ақтөбе гуманитарлық колледжі студенттерінен құрылған «Адал ұрпақ» командасы ҚР сыбайлас жемқорлыққа қарсы іс-қимыл агенттігінің Ақтөбе облыстық департаментінің ақпараттық ағартушылық үгіт-насихат облыстық штабының ұйымдастыруымен қоғамда сыбайлас жемқорлыққа қарсы мәдениетті қалыптастыру мақсатында ZOOM платформасында өткен «Брейн-ринг» интеллектуалды ойынына қатысты. Интеллектуалды сайыста білімдері мен білгерліктерін көрсете білген Кт-105 топ студенті М.Есенгельдинова, Мк-105 топ студенттері Ж.Қайдасов пен Ә.Мұратова, Шт-305 топ студенті М.Салимкереев, Бк-205 топ студенті А.Анарбек, Шт-105 топ студенті Ж.Қалиға және ұйымдастырушы ұстаздарға өз алғысымызды білдіреміз. Саналы, парасатты, адамгершілігі мол жастар – еліміздің жарқын болашағының кепілі.
Асылбекова Рауза
Бк-305
Әшір Ұлжан
Мк-215
Сапарғали Мерует
Мк-205
Нургалиева Гүлбақыт
Мк-105
Келдикова Аружан
Шт-405
Әбуталиева Айзат
Бк-315
152
ОҚЫТУШЫ
1200
СТУДЕНТ
421
ТҮЛЕК
81
ҮЗДІК ДИПЛОМ
Ақтөбе қаласы, Есет батыр көшесі, 73-ші үй Телефон номері: +7 /7132/ 56-02-30 E-mail: aktobe_agk@mail.ru
Ақтөбе гуманитарлық колледжі
@aktobeagk #aktobeagk
