Ақтөбе гуманитарлық колледжі

Коучингте бүгінгі күнде студенттермен қарым-қатынас деңгейінің тиімді тәсілдері жөнінде тәжірибе алмасты. Білім алушыларға әсер етудің негізгі әдістері – оқытушының жеке сүйкімділігінің әсерін жасауға бағытталған психологиялық-педагогикалық қасиеттер: комуникабельділік, эмпатиялық және визуалдық (мұғалімнің сыртқы түр тұлғасы мен жүріс-тұрысы, педагогикалық техникасы) жөнінде сөз қозғалып, педагогикалық қызмет стильдері: авторитарлық, демократиялық, либералдық стильдердің педагогикалық тактикамен қолдану шеберлігі талқыланды. Жас оқытушылар коучинг нәтижесінде өздеріне құнды ақпарат алғандарын айтып, өз алғыстарын білдірді.

Ақтөбе қаласының №52, №53, №59, №56, №60 жалпы білім беретін мектеп оқушылары үшін «Мәдениет және саз» бөлімі оқытушылары колледж мамандықтары бойынша презентация өткізіп, колледж базасымен таныстырды.

29 ақпан күні Ақтөбе қаласы Ж.Тәшенов атындағы №68 жалпы білім беретін орта мектеп базасында «Ағылшын тілі сабақтарында жаңа әдіс-тәсілдер арқылы оқушылардың қызығушылығын арттырудың жолдары» тақырыбына бірлескен семинар өтті.

Ағымдағы жылдың 28 ақпан күні Ақтөбе гуманитарлық колледжінде Қазақстанның еңбек сіңірген қайраткері, Жастар дарын сыйлығының иегері, ҚР құрмет орденінің иегері, дәстүрлі әнші Айгүл Қосановамен кездесу кеші өтті.

27 ақпан күні Ақтөбе гуманитарлық колледжінде Абай Құнанбайұлының 175 жылдығына орай «Абай-дара, Абай-дана қазақта» атты әдеби кеш өткізілді.Әдеби кештің мақсаты-ұлы ақынның рухани асыл-мұраларын насихаттау.
Әдеби кеш қонағы-Облыстық Сақтаған Бәйішев атындағы ғылыми-әмбебап кітапхана қызметкері,жергілікті ақын Талғат Тілеулесов Абай шығармашылығы туралы студенттермен ой бөлісіп, жастарды Абайды оқуға, білуге, терең тануға шақырды.

Ағымдағы жылдың 26 ақпан күні Ақтөбе гуманитарлық колледжінде «Өнер жолы – ұлы жол»тақырыбында кездесу кеші өтті. Іс-шара мақсаты: Облысымыздың мақтанышы болған өнер иесі,Қазақстанның еңбек сіңірген қайраткері, Ғазиза Жұбанова атындағы филармония солисі, Ахмет Жұбанов атындағы музыка колледжінің вокал класының оқытушысы, ұстаз Айтимов Марат Олжабайұлымен кездесу.

Ақтөбе гуманитарлық колледжінде 26 ақпан күні Қазақстан халқы Ассамблеясының құрылғанына 25 жыл толуына орай Ақтөбе облысының білім басқармасы бекіткен эстафеталар тізімі бойынша «Татулығымыз жарасқан елміз» тақырыбында дөңгелек үстел өткізілді.

2020 жылдың 25 ақпан күні Ақтөбе гуманитарлық колледжінің “Мәдениет және саз” бөлімі студенттері “Жүрегіміз мейірімділікке толы'' тақырыбымен қарттар үйіне концерттік бағдарламамен барып өнер көрсетті.

Ағымдағы жылдың 21 ақпан күні Ақтөбе гуманитарлық колледжінде «Менің өлеңім-өмірімнің ең бір ғазиз бөлшегі!» тақырыбында ақын Тұманбай Молдағалиев атындағы сыйлықтың иегері, С. Жиенбаев атындағы облыстық жасөспірімдер кітапханасының директоры Қалдина Гүлжайнар Нәренқызымен дара жол кездесу кеші өтті.

Ақтөбе гуманитарлық колледжінде 20 ақпан күні «Волонтер жылы» аясында «Ерікті болу-ерлік» кездесу кеші өткізілдіді. Кешке «Жас Отан» ЖҚ-ның, «Жүректен жүрекке» қайырымдылық ұйымының, «Leader-Q» жастар корпусының, «Қызыл Ай» қоғамының құрамында белсене қатысып жүрген колледжіміздің волонтер жастары қатысты.