Колледж қонақтарына «Музыкалық білім беру» мамандығы СБ-305 тобының студенттер хоры Е.Брусиловскийдің «Қыз Жібек» операсынан үзінді, зулу халық әні «Siyahamba»-ны ұсынса, «Әлеуметтік мәдени қызмет және халықтық көркем- өнер шығармашылығы» мамандығы 2 курс студенттерінен құрылған оркестр халық күйі «Тепеңкөк» пен Қазанқаптың «Учитель» күйін орындап берді. Сондайақ қонақтар ОД-205 тобының студенттерінен құралған «Сырғалым» бишілер ансамблінің орындауында халық биін тамашалады. Мектеп ұстаздары колледж мұражайындағы қонақтарға арналған кітапқа қолтаңбаларын қалдырып, тілектерін жазды. Ақтөбе қаласы №60 жалпы білім беретін мектептің психологі Изгалиева Нұрсауле Аманжоловна кездесу соңында өзінің де осы оқу орнының түлегі екенін тебірене еске алып, колледж студенттеріне, ұжымға ризашылығын білдірді.
