Ақтөбе гуманитарлық колледжі

      Студенттерге мәдени - білім беру жалпыұлттық дебаттық қозғалысы «Ұшқыр ой алаңы» жобасы аясында ҚР Тәуелсіздігінің 30 жылдығына орай «Мемлекеттік рәміздер – Тәуелсіздіктің нышаны» тақырыбында колледжде Жастар ісі жөніндегі комитеттің ұйымдастыруымен пікірсайыс ұйымдастырылды.
#Ақтөбеұшқыройалаңы
#Мемлекеттікрәміздер
#Тәуелсіздікнышаны
#ТУ

      2020 жылғы 6 ақпан күні «Өзін-өзі тану – махаббат пен шығармашылық педагогикасы» онкүндігі аясында колледждің барлық оқу топтарында «Мейірімділік-бұл жанның айнасы» тақырыбында бірыңғай тәрбие сағаттары өтті. Студенттерді адамгершілік, кішіпейілділік, ар-ұят, мейірімділік сияқты адам бойындағы асыл қасиеттерді бағалай білуге тәрбиелеу, рухани-адамгершілік қасиеттерді өз бойларында қалыптастыруға ықпал ету мақсатында өткізілген тәрбие сағаттарына топ жетекшілері мен студенттер белсене қатысты.

     2020 жылғы 6 ақпан күні «Өзін-өзі тану – махаббат пен шығармашылық педагогикасы» онкүндігі аясында колледждің барлық оқу топтарында «Мейірімділік-бұл жанның айнасы» тақырыбында бірыңғай тәрбие сағаттары өтті. Студенттерді адамгершілік, кішіпейілділік, ар-ұят, мейірімділік сияқты адам бойындағы асыл қасиеттерді бағалай білуге тәрбиелеу, рухани-адамгершілік қасиеттерді өз бойларында қалыптастыруға ықпал ету мақсатында өткізілген тәрбие сағаттарына топ жетекшілері мен студенттер белсене қатысты.

     «Қазақ тілі мен әдебиеті» оқу-әдістемелік бірлестігі мамандық онкүндігі аясында ағымдағы жылдың 05 ақпан күні «Бастауыш білім беру» мамандығының «ШТ-205»- тобында «Қазақ әдебиеті» пәнінен Адилова Жайнагүл Мустафина «Әбіш Кекілбаев өмірі мен шығармашылығы» тақырыбында ашық сабақ өткізді.
Сабақ барысында оқытушы Қазақстанның халық жазушысы, мемлекет және қоғам қайраткері Әбіш Кекілбаевтың өмірі туралы баяндап, бейнежазба арқылы туған жері, өзінің естелігі көрсетілді. Атақты қаламгердің шығармашылығын жоспар бойынша топ студенттері өз беттерімен топта жұмыс жасау арқылы меңгерді. «Өзіңізді анықтаңыз» тренингін, «ДЖИГСО-1», Quizizz.com тест, Jamboard тақтасын, т.б оқытудың тиімді әдіс – тәсілдерін қолданды.
«Әбіш Кекілбаев өмірі мен шығармашылығы» тақырыбындағы сабақ тест жұмыстарымен бекітілді.
Оқытушы Ж.М.Адилованың өткізген сабағынан әріптестерінің үйренері мол болды.     

      2021 жылғы 5 ақпан күні колледжде облыстық білім басқармасы жоспарына сәйкес дін мәселелері және қоғаммен байланыс орталығының теолог маманы Ильясов Бекжан Куанатұлы және психолог Надиршина Ләззат Халилуллинамен «Жастар арасында радикалды идеологияға қарсы тұрақты иммунитет қалыптастыру, студенттік ортада деструктивті идеологияның таралуына жол бермеу» тақырыбында онлайн кездесу өтті. Кеш барысында студенттерге діни адасушылықтың, радикалды идеологияға жол бермеу, сан түрлі ағымдарға үгіттейтін жат діндерге еріп кетуден сақтандыру жөнінде түсіндіріліп, психолог тарапынан қоғамдық ортада өзін-өзі ұстау, бөгде адамдарға тым сенгіш болмау, өз психикасын басқара алу жөнінде ақыл-кеңестер айтылды.

      Жаңартылған білім мазмұны – заман талабы» мамандық онкүндігі аясында 2021 жылының 03 ақпан күні Ақтөбе гуманитарлық колледжі «Қазақ тілі мен әдебиеті» оқу-әдістемелік бірлестік оқытушысы Шаматова Венера Куангалиевна Бк-101 тобында қазақ тілі мен әдебиет пәнінен «Саламатты өмір салтын ұстанамын. Денсаулықты сақтау өз қолымызда. Құрмалас сөйлемдердің түрлері. Құрмалас сөйлемдердің жасалу жолдары» тақырыбы бойынша ашық сабақ өткізді.
Сабақтың мақсаты: салауатты өмір сүруге көзқарастарын қалыптастыру, денсаулық сақтауға, спортпен шұғылдануға қызығушылықтарын ояту. Құрмалас сөйлемдердің (аралас) жасалу жолдарын білу, жазба жұмыстарында орынды қолдану.
Сабақ барысында интерактив тактасы қолданылып, оқытушыларға ZOOM платформасы арқылы көрсетілді. Сабақта жаңартылған білім беру мазмұны бойынша оқытудағы жаңа әдіс-тәсілдері «Миға шабуыл» мен «Мозайка» әдістері және іс-әрекет кезеңінде «Ассосияция» әдісдері пайдаланылса, кері байланыста «Сиқырлы доп» әдістері қолданылды. Сабақ барысында топ екі командаға («Ауыр атлетика тобы» және «Жеңіл атлетика» топтарына) бөлініп жарысты және сабақтың барлық тапсырмалары соған жоспарланған болатын. Студенттермен кері байланыс жасалып, чек-парағы критерияларға сәйкес бағаланды. Сабақбарысында білім алушылардың белсенділігі жоғары болды.

ы.

      2021 жылдың 3-ақпанында Ақтөбе гуманитарлық колледжінде «Жаңартылған білім мазмұны – заман талабы» тақырыбындағы қазақ тілі мен әдебиеті оқу-әдістемелік бірлестігінің мамандық онкүндігі аясында «Бастауыш білім беру» мамандығының Бк-105 тобында «Қазақ тілі» пәнінен Гүлсім Наменова Жұматайқызының ұйымдастыруымен ашық сабақ өтті.
Сабақ барысында оқытушы жаңартылған білім беру мазмұны бойынша оқытудағы жаңа әдіс-тәсілдерді «Миға шабуыл», «Денотатты граф», «Ашық, жабық, интерпретациялық сұрақтар», «Серпілген сауал» әдістерін қолданды. Сабақта мәтінге түсінік бере отырып, тезистің ерекшелігіне талдау жасалды. Студенттер кері байланыс жасалып, чек-парағы критерийлеріне сәйкес бағаланды.
Сабақ мақсаты бағалау критерийлеріне орай алынып, сабақ мазмұнында көрініс тапты. Студенттердің белсенділігі жоғары болды. Әріптестерінің сабақта үйренері мол болды.

      «Жаңартылған білім мазмұны –заман талабы» мамандық онкүндігі аясында
2021 жылдың 04 ақпан күні Ақтөбе гуманитарлық колледжі «Қазақ тілі мен әдебиеті» оқу-әдістемелік бірлестік оқытушысы Мухтарова Агипа Сағидуллина Балалар әдебиеті пәнінен «І.Жансүгіров өмірі мен шығармашылығы» тақырыбында ашық сабақ өткізді.
Сабақта жаңартылған білім беру мазмұны бойынша оқытудағы жаңа әдіс- тәсілдері «Миға шабуыл», «Сандар сөйлейді» ,«Серпілген сауал», «Теңгерім дөңгелегі», «Жалғасын тап», «Таза тақта» әдістерін тиімді қолдана отырып, суреткердің балалар әдебиетіне тән шығармаларының көркемдік ерекшелігі мен тәрбиелік мәніне нақты тоқталды. Өлеңдерін негізгі тақырыптарға топтастырып, мектепке дейінгі бала тәрбиесіндегі танымдық мәнін ашты.
Студенттермен кері байланыс жасалып, чек- парағы критерийлеріне сәйкес бағаланды. Білім алушылар сабақтың өн бойында жоғары белсенділік танытып, өз пікірлерімен бөлісті.
Қатысушы әріптестер тарапынан сабақтың ұйымдастырылуы жоғары өткендігі аталып, өз ризашылықтарын білдірді.

        2021 жылдың 4 ақпанында Қазақстан Республикасы Білім және ғылым министрлігі, БжҒМ Балалардың құқықтарын қорғау комитеті қолдауымен техникалық және кәсіптік білім беру ұйымдары үшін «Махаббат пен шығармашылық педагогикасы» тақырыбында онлайн-форматта Республикалық педагогикалық оқулар өтті.
        Педагогикалық оқу ТжКБ білім беру кеңістігіне "Өзін-өзі тану" РАББ бағдарламасының принциптері мен әдістерін тиімді енгізу түсінігін тереңдету бағытында ұйымдастырылды.
Аталған шараға Ақтөбе гуманитарлық колледжінен директордың оқу-әдістемелік ісі жөнінің орынбасары Б.М.Жамекова және «Өзін-өзі тану» пәнінің оқытушылары И.П.Умарова, Б.К.Жаркаева, Н.Т.Токсанбаев, С.Ж.Мураталиева және А.А.Тулеуовалар қатысты.
        Педагогикалық оқулар төмендегідей негізгі тақырыптарды қамтыды.
    I. Болашақ маманның рухани-адамгершілік дамуының гуманистік негіздері (өзін-өзі тануды арнайы пәндер мазмұнына интеграциялау).
    II. Заманауи жағдайда "Өзін-өзі тану" рухани- адамгершілік білім беру бағдарламасы негізінде тәрбие мен білім беру жүйесін жетілдіру (өзін-өзі тануды жалпы білім беру пәндерінің мазмұнына интеграциялау).
    III. Өзін-өзі тану тұлғаның өзіндік дамуының негізі ретінде (өзін-өзі тануды тәрбие процесінің мазмұнына интеграциялау).
       Республикалық деңгейде ұйымдастырылған оқуда «Өзін-өзі тану және арнайы пәндер» оқытушысы Ирина Петровна Умарова спикер ретінде Өзін-өзі тану тұлғаның өзіндік дамуының негізі ретінде (өзін-өзі тануды тәрбие процесінің мазмұнына интеграциялау) 3-секциясында «Общечеловеческие ценности- основа формирования будущего педагога» тақырыбында өз тәжірибесімен бөлісіп, құнды да мазмұнды жасалған баяндамаға ұйымдастырушылар тарапынан оқу орны әкімшілігіне және оқытушыға өз ризашылықтарын білдірді.

       2021 жылдың 04 ақпан күні Ақтөбе гуманитарлық колледіжінің «Педагогика және психология» оқу-әдістемелік бірлестігі оқытушылары, магистрлері Булебаева Райгүл Тынышбаевна мен Султанова Марина Орынбасаровна Қ.Дүтбаева атындағы Атырау гуманитарлық колледжі «Педагогика, психология, өзін-өзі тану және жеке пәндер әдістемесі» оқу-әдістемелік бірлестігі ұйымдастырған «Критериалды бағалау – білім сапасын таразылаудың инновациялық үлгісі» атты аймақтық семинарда ТжКБ ұйымдарында балдық-рейтингтік бағалауды жүзеге асырудың тиімділігі мен ерекшеліктері туралы өз іс- тәжірибелерімен бөлісті.
       Аймақтық семинарға Қ.Дүтбаева атындағы Атырау гуманитарлық колледжінің пән бірлестік жетекшілері, оқытушылар, студенттер және Ақтөбе гуманитарлық колледжінің оқытушылары қатысты.
Семинар барысында Ақтөбе гуманитарлық колледжі директорының оқу–әдістемелік жұмыстары жөніндегі орынбасары Жамекова Бибигуль Мустафиевна студенттердің оқу жетістіктерін балдық-рейтингтік жүйесін колледжде қолдану бойынша тәжірибе алмасу бағытындағы жұмыстарға тоқталып, семинар жұмысына сәттілік тіледі.
       Булебаева Райгүл Тынышбаевна «БЛУМ таксономиясына сәйкес педагогика пәнінен бағалау критерийлері мен тапсырмалары» тақырыбында ойлау мен танымның деңгейлеріне негізделген критерийлер және соған сайкес тапсырмалармен жұмыс жасаудың ерекшеліктерімен жолдары туралы өз іс –тәжірибесін көрсетті.
      Султанова Марина Орынбасаровна «Психология пәнінен жаңаша бағалау критерийлерін қолдану» тақырыбында қазіргі таңдағы жаңаша бағалауда критерийлердің маңызын көрсете отырып, іс- тәжірибесімен бөлісті.
Семинарға қатысушы оқытушылар мен студенттер бағалау тұрғысындағы өз пікірлерімен бөлісе отырып, көтерілген мәселенің маңыздылығын атап өтті.
Семинар соңында қатысушы спикерлерге ынтымақтаса жұмыс жасауда белсенділігі мен тәжірибе алмасудағы озық идеялары үшін арнайы Сертификат табысталды.