Ақтөбе гуманитарлық колледжі

Ағымдағы жылдың 28 ақпан күні Ақтөбе гуманитарлық колледжінде Қазақстанның еңбек сіңірген қайраткері, Жастар дарын сыйлығының иегері, ҚР құрмет орденінің иегері, дәстүрлі әнші Айгүл Қосановамен кездесу кеші өтті.

«Педагогика және психология», «Музыкалық аспаптар» ОӘБ «Педагогикалық жетістік – үйрену мен іздену нәтижесі» тақырыбындағы мамандық онкүндігінің аясында педагогика пәні оқытушылары Тулегенова Алтыншаш Мухтаровна, Бурибаева Назира Дуйсенбаевна, Булебаева Райгүл Тынышбаевнаның ұйымдастыруымен өзара тәжірибе алмаса отырып, ынтымақтастықты арттыру, педагог кадрлар даярлаудағы өзекті мәселелерді бірлесе отырып талқылау мақсатында «Педагог кадрлар даярлаудағы өзекті мәселелер және мұғалім мәртебесі» тақырыбындағы дөңгелек үстел өтті.

29 ақпан күні Ақтөбе қаласы Ж.Тәшенов атындағы №68 жалпы білім беретін орта мектеп базасында «Ағылшын тілі сабақтарында жаңа әдіс-тәсілдер арқылы оқушылардың қызығушылығын арттырудың жолдары» тақырыбына бірлескен семинар өтті.

Ағымдағы жылдың 2-сәуір күні «Педагогикалық жетістік-үйрену мен іздену нәтижесі» тақырыбыдандағы мамандық онкүндігі аясын «Тәсіл негізі-тәжірибе»тақырыбында кіріктірмелі ашық сабақ өтті.

Ақтөбе қаласының №52, №53, №59, №56, №60 жалпы білім беретін мектеп оқушылары үшін «Мәдениет және саз» бөлімі оқытушылары колледж мамандықтары бойынша презентация өткізіп, колледж базасымен таныстырды.

Коучингте бүгінгі күнде студенттермен қарым-қатынас деңгейінің тиімді тәсілдері жөнінде тәжірибе алмасты. Білім алушыларға әсер етудің негізгі әдістері – оқытушының жеке сүйкімділігінің әсерін жасауға бағытталған психологиялық-педагогикалық қасиеттер: комуникабельділік, эмпатиялық және визуалдық (мұғалімнің сыртқы түр тұлғасы мен жүріс-тұрысы, педагогикалық техникасы) жөнінде сөз қозғалып, педагогикалық қызмет стильдері: авторитарлық, демократиялық, либералдық стильдердің педагогикалық тактикамен қолдану шеберлігі талқыланды. Жас оқытушылар коучинг нәтижесінде өздеріне құнды ақпарат алғандарын айтып, өз алғыстарын білдірді.

2020 жылы 5 наурызда Ақтөбе гуманитарлық колледжі кітапханасының оқу залында Бейімбет Майлиннің 125 жылдығына орай «Ұлт мақтанышы - Бейімбет Майлин» тақырыбында әдеби кеш өткізілді.

Ақтөбе гуманитарлық колледжінде 8-наурыз Халықаралық әйелдер күніне орай арулардың сұлулығы мен әсемдігі сыналатын «Miss AGK-2020» байқауы өтті. Мақсаты – аруларымыздың көркемдік талғамын қалыптастыру, қазақ аруының бойындағы ізеттілікке, инабатталыққа тәрбиелеу және салт-дәстүрді насихаттау.

Қазақстан Республикасы мәдениет және спорт министрлігінің спорт және дене шынықтыру істері комитетінің ұйымдастыруымен Ақтөбе қаласында үстел теннисінен тірек-қимыл аппараты зақымданған жастар арасында өткен Қазақстан Республикасы Чемпионатында «Әдебиет және тілдер» бөлімінің ІІ курс Р-205 топ студенті Киндсфатор Марианна жүлделі ІІ орынға ие болды.

Ағымдағы жылдың 23 сәуір күні Ақтөбе гуманитарлық колледжінде «WorldSkills Kazakhstan Aktobe 2019» өңірлік чемпионатының «Мектепке дейінгі тәрбие және оқыту» құзіреттілігі бойынша ашылу салтанаты өтті. «Worldskills Kazakhstan Aktobe 2019» салтанатын колледж директоры Ералы Нұрғалиев ашып, қонақтар мен қатысушыларға сәттілік тіледі. Бас сарапшы Наталья Каюдина қатысушыларға сайыста батыл болуға, намысты қолдан бермеуге, барынша тырысуға жігерлендірді.

Колледжде Жастар ісі жөніндегі комитеттің ұйымдастыруымен «Ана деген тіршіліктің тірегі» атты ұстаздарымызға, аналарымызға, аруларымызға арналған мерекелік кеш өткізілді. Кеш барысында студенттеріміз өздерінің бойларында бар өнерлерін, әсем би, көңілді ән-күйлерін және жыр шумақтарын арнады.