Кештің мақсаты: студенттердің Бейімбет Майлин шығармашылығы туралы білімдерін кеңейту, тереңдету, студенттердің көркем эстетикалық қабілеттерін дамыту және оқырмандардың Бейімбет Майлиннің поэзиясына деген қызығушылығын ояту үшін ақынның өмірі мен шығармашылығы туралы толық мағлұмат беру. Әдеби кеш барысында «Самға» оқырмандар клубының мүшелері «Шұғаның белгісі» шығармасын толық талдап, өлеңдерін мәнерлеп оқыды. Жазушының әр жазған шығармасы ұрпақ санасын жаңғыртудағы еңбектері туралы айтылды. Сондай-ақ қатысушылар Бейімбет Майлин туралы естеліктермен бөлісіп, жастарға жазушының шығармаларын оқуға шақырды.
Аталмыш шарада «Көркем сөздің шебері» тақырыбында кітап көрмесі ұйымдастырылып, көрмеге библиографиялық шолу жасалды. Әдеби кешке студенттер белсене қатысты.
Қорытындысында колледж психологы: Айгул Сатаева, кітапхана меңгерушісі Райла Ескарина студенттермен ой бөлісіп, рухани білімнің, рухани мәдениеттің қажеттілігі мен маңыздылығын айтып, Бейімбет Майлиннің мол мұрасын танып білуге шақырды.
Error
