Ақтөбе гуманитарлық колледжі

1 - тарау. Жалпы ережелер

1.Білім беру ұйымдарындағы Қамқоршылық кеңесі туралы осы ереже (Бұдан әрі Ереже) Қазақстан Республикасының 2007 жылғы 27 шілдедегі «Білім туралы» Заңының 44 бабының 9 тармақшасына сәйкес және Қазақстан Республикасы Білім және ғылым министрлігінің 2017 жылғы 27 шілдедегі №355 бұйрығы негізінде әзірленді.

2. Білім беру ұйымдарындағы Қамқоршылық кеңесі оқу-тәрбие процесін коллегиялды түрде басқара отырып, оның әрі қарай дамуына ықпал етуші бірлестік.
3. Қамқоршылық кеңес білім беру ұйымының әкімшілігімен, ата-аналар комитетімен, жергілікті атқарушы органдармен, мүдделі мемлекеттік органдармен және өзге де жеке және/немесе заңды тұлғалармен өзара әрекет жасайды.
4. Қамқоршылық кеңес мүшелерінің өз өкілеттігін орындауы өтеусіз негізде жүзеге асырылады.

2 - тарау. Қамқоршылық кеңесті сайлау тәртібі және құрамы

5. Тиісті саланың уәкілетті органы немесе білім саласындағы жергілікті атқарушы органы өзінің интернет қорында және/немесе әкімшілік-аумақтық бірліктің аумағында таратылатын мерзімді баспасөз басылымында Қамқоршылық кеңестің құрылатындығы және оның құрамы бойынша ұсыныстардың қабылданатындығы туралы хабарландыру орналастырады.
6. Қамқоршылық кеңестің құрамын тиісті саланың уәкілетті органы немесе білім саласындағы жергілікті атқарушы органы бекітеді және Қамқоршылық кеңеске мүше болуға үміткерлердің жазбаша келісімімен алынған ұсыныстардың негізінде қалыптастырылады.
7. Қамқоршылық кеңестің құрамына мыналар кіреді:

1) жергілікті өкілдік, атқарушы және құқық қорғау органдарының өкілдері;

2) жұмыс берушілер мен әлеуметтік әріптестердің өкідері;

3) коммерциялық емес ұйымдардың өкілдері (бар болса);

4) ата-аналар комитеті ұсынған әрбір параллель сыныптан, курстан сол білім беру ұйымында білім алушылардың бір ата-анасы немесе заңды өкілі;

5) қайырымдылық жасаушылар (бар болса).

Білім беру ұйымының жанынан құрылған Қамқоршылық кеңес отырысына осы білім беру ұйымының басшысы немесе оның орынбасары қатысады.

Қамқоршылық кеңес құрамына "Білім туралы" 2007 жылғы 27 шілдедегі Қазақстан Республикасы Заңының 51-бабы 1-тармағының 2) және 3) тармақшаларында көрсетілген адамдар кіргізілмейді.

8. Қамқоршылық кеңес мүшелерінің саны тақ, бір-бірімен және сол білім беру ұйымының басшысымен ешқандай туыстық және жекжаттық қатынасы жоқ кемінде тоғыз адамнан құрылады. Қамқоршылық кеңес мүшелерінің өкілеттік мерзімі бір жылды құрайды. Қамқоршылық кеңес мүшелері сол білім беру ұйымы қызметкерлерінің штатына кірмейді.
9. Мемлекеттік органдардың өкілдері болып табылатын Қамқоршылық кеңес мүшелерінің саны үш адамнан аспайды.
10. Қамқоршылық кеңестің отырысында ашық дауыс беру жолымен дауыстар басымдылығымен сайланатын (қайта сайланатын) оның төрағасы Қамқоршылық кеңестің басшысы болып табылады.

Мемлекеттік органдардың өкілдері Қамқоршылық кеңестің төрағасы болып сайланбайды және оның міндеттерін жүзеге асырмайды.

11. Қамқоршылық кеңестің төрағасы болмаған жағдайда Қамқоршылық кеңестің шешімі бойынша оның қызметін Қамқоршылық кеңес құрамына кіретін мемлекеттік органдардың өкілдерінен басқа Қамқоршылық кеңес мүшелерінің бірі жүзеге асырады.
12. Төраға Қамқоршылық кеңестің атынан әрекет етеді және осы Қағидаларға сәйкес оның қызметін қамтамасыз етеді.
13. Қамқоршылық кеңестің жұмысын Қамқоршылық кеңес сайлаған хатшы қамтамасыз етеді.

3 - тарау. Қамқоршылық кеңестің өкілеттігі

14. Білім беру ұйымының Қамқоршылық кеңесі:

1) білім беру ұйымдарының білім алушылары мен тәрбиеленушілердің құқықтарының сақталуына, сонымен қатар білім беру мекемелерінің шотына түсетін қайырымдылық көмектің жұмсалуына қоғамдық бақылауды жүзеге асырады;

2) білім беру ұйымының жарғысына өзгерістер және/немесе толықтырулар енгізу туралы ұсыныстар әзірлейді;

3) білім беру ұйымын дамытудың басым бағыттары бойынша ұсынымдарды әзірлейді;

4) қазақстандық азаматтардың отбасына жетім және ата-аналарының қамқорлығынсыз қалған балаларды орналастыру мәселелері жөнінде шалаларды жетілдіру бойынша ұсыныстарды әзірлейді;

5) қайырымдылық көмек түрінде білім беру ұйымдарына түскен қаржыны бөлуге қатысады және оның мақсатты жұмсалуы туралы шешім қабылдайды;

6) білім беру ұйымының бюджетін қалыптастыру барысында ұсыныстарды әзірлейді;

7) тиісті саланың уәкілетті органына немесе білім саласындағы жергілікті атқарушы органына Қамқоршылық кеңестің білім беру ұйымының жұмысында анықтаған кемшіліктерді жою туралы ұсыныстар енгізеді;

8) білім беру ұйымы басшысының білім беру ұйымының қызметі туралы, оның ішінде білім беру қызметін ұсыну сапасы, қайырымдылық көмектің жұмсалуы және қазақстандық азаматтардың отбасыларына жетім және ата-аналарының қамқорлығынсыз қалған балаларды орналастыру мәселесі жөнінде шараларды қабылдау туралы есебін тыңдайды;

9) білім беру ұйымы қызметінің мәселелері бойынша конференцияларға, кеңестерге, семинарларға қатысады;

10) білім беру ұйымының қызметімен, білім беру ұйымындағы білім алушыларға және тәрбиеленушілерге жасалған жағдайлармен танысады, білім беру ұйымының психологын қатыстыра отырып, олармен әңгімелеседі.

Білім беру ұйымдарының (құрылымдық бөлімшесі) қызметкерлері Қамқоршылық кеңестің құзыретіне жататын мәселелер бойынша ақпараттарды ұсынуға ықпал етеді.

4 - тарау. Қамқоршылық кеңес жұмысын ұйымдастыру тәртібі

15. Қамқоршылық кеңестің отырысын оның төрағасы өз бастамашылығымен, Қамқоршылық кеңес мүшесінің жалпы санының үштен екісінің бастамасымен шақырады.
16. Қамқоршылық кеңестің отырысын шақыру туралы хабарламаға Қамқоршылық кеңес төрағасының қолы қойылып, хабарлама отырыс өткізілетін күнге дейін жеті жұмыс күнінен кешіктірілмей қажетті материалдармен бірге Қамқоршылық кеңестің мүшелеріне және Қамқоршылық кеңес қызмет ететін білім беру ұйымына жолданады.

Хабарламада отырыстың өткізілу күні, уақыты және орны жазылады.

Хабарламаға баяндамашы көрсетілген отырыстың күн тәртібі, күн тәртібіне қосуға себептерді көздейтін анықтамалық материалдар, Қамқоршылық кеңестің мүшелеріне ұсынылатын отырысқа қажетті құжаттар қоса беріледі.

17. Хабарламаны алған Қамқоршылық кеңестің мүшесі Қамқоршылық кеңестің отырысы өткізілетін күнге дейін бір жұмыс күнінен кешіктірмей өзінің Қамқоршылық кеңестің отырысына қатысатындығын немесе қатыспайтындығын Қамқоршылық кеңес хатшысына хабарлайды.
18. Қамқоршылық кеңестің төрағасы отырысты шақыру туралы ұсыныс түскен күнінен бастап бес жұмыс күнінен кешіктірмей Қамқоршылық кеңестің отырысын шақырады.
19. Қамқоршылық кеңестің отырысы қажеттілігіне қарай, тоқсан сайын кемінде бір рет өткізіледі.
20. Қамқоршылық кеңестің отырысы, егер қамқоршылық кеңестің барлық мүшелері отырыстың өткізілу уақыты мен орны туралы хабардар болса және оған мүшелерінің кемінде жалпы санының үштен екісі қатысса заңды болып табылады. Қамқоршылық кеңес мүшесінің өз дауысын Қамқоршылық кеңестің басқа мүшесіне немесе адамға сенімхат бойынша беруге жол берілмейді.
21. Білім беру ұйымы Қамқоршылық кеңесінің әрбір мүшесі дауыс беру кезінде бір дауысқа ие.
22. Қамқоршылық кеңестің шешімі ашық дауыс беру арқылы оған қатысқан мүшелердің дауыстар басымдылығымен қабылданады. Дауыстар тепе-тең түскен жағдайда Қамқоршылық кеңестің төрағасы, ал ол болмаған жағдайда Қамқоршылық кеңес төрағасының міндеттерін атқаратын тұлға дауыс берген шешім қабылданады.
23. Қамқоршылық кеңестің шешімі отырысқа қатысқан Қамқоршылық кеңестің барлық мүшесі қол қойылған хаттамамен ресімделеді.
24. Хаттама Қамқоршылық кеңестің отырысы өткізілгеннен кейін үш жұмыс күнінен кешіктірмейтін мерзімде тиісті саланың уәкілетті органына немесе білім саласындағы жергілікті атқарушы органына жолданады.
25. Тиісті саланың уәкілетті органы немесе білім саласындағы жергілікті атқарушы органы өзінің интернет-ресурсында Қамқоршылық кеңестің қабылдаған шешімдері туралы ақпаратты орналастырады.
26. Білім беру ұйымына қайырымдылық көмек ерікті түрде өтеусіз негізде көрсетіледі және осы Қағидаларда көзделген тәртіппен Қамқоршылық кеңестің шешімі бойынша жұмсалады.
27. Білім беру ұйымының қайырымдылық көмектен аударылатын кез келген түсімдері:

1) мемлекеттік мекеме ұйымдық-құқықтық нысаны түрінде құрылған білім беру ұйымдары үшін - Қазақстан Республикасының бюджеттік заңнамасына сәйкес бюджетті атқару жөніндегі уәкілетті органның аумақтық бөлімшеде ашылған қайырымдылық көмектің қолма-қол ақшасын бақылау шотына;

2) басқа ұйымдық-құқықтық нысаны түрінде құрылған білім беру ұйымдары үшін – екінші деңгейлі банкте ашылған шотына аударылады.

28. Қайырымдылық көмектерден түсетін түсімдер:

1) білім беру ұйымындағы білім алушыларға және тәрбиеленушілерге әлеуметтік қолдау көрсетуге;

2) беру ұйымының материалдық-техникалық базасын жетілдіруге;

3) спорттыдамытуға, дарындыбалалардықолдауға;

4) мемлекеттік жалпыға міндетті білім беру стандарттарының талаптарынан тыс білім беру процесін ұйымдастыруға шығыстарды жүзеге асыруға.

29. Білім беру ұйымы жыл сайын қаржылық жылдың қорытындысы бойынша сол білім беру ұйымының интернет-ресурсында, тиісті саланың уәкілетті органының немесе білім беру саласындағы жергілікті атқарушы органының өзінің интернет-ресурсында тиісті есепті орналастыру арқылы қайырымдылық көмек қаражатының пайдаланылуы және қозғалысы туралы жұртшылыққа ақпарат береді.

5 - тарау. Қамқоршылықкеңестіңжұмысынтоқтату

30. Қамқоршылық кеңестің жұмысын тоқтату:

1) тиісті саланың уәкілетті органының немесе білім саласындағы жергілікті атқарушы органдардың бастамасы бойынша;

2) білім беру ұйымын таратуға және қайта ұйымдастыруға байланысты жүзеге асырылады.

31. Қамқоршылық кеңестің мүшесі:

1) өз бастамасы бойынша;

2) білім беру ұйымындағы орнында үш ай бойы болмауы себепті Қамқоршылық кеңестің құрамынан шығуы мүмкін.

1. Жалпы ережелер

Колледждегі оқу топтары тәрбие жұмыстарының орталығы болып табылады. Студенттік топтардың жұмысының нәтижелі болуының қажетті шарты - оның тәжірибелі куратор, тәрбиеші және ұйымдастырушы педагогтармен үнемі тығыз байланыста болуы. Оқу тобының кураторы – студенттің ерекше рухани кеңесшісі. Ол студенттердің оқу орнындағы оқыту әдістерін меңгеруіне көмектесуі керек, тәлімгер өзінің әрекетін студенттердің рухани – адамгершілік қасиеттерін, Отанына деген сүйіспеншілігін, өзі таңдаған мамандығына құрметпен қарауын тәрбиелеуі қажет.

Куратор директордың оқу ісі жөніндегі орынбасары, бөлім меңгерушісінің ұсынысымен және колледж директорының бұйрығымен тағайындалады.

Кураторлық қызмет пен оның міндетін орындау – оқытушының қызметтік борышы.

Куратор жұмысы оқу орнының оқытушысы қызметінің нәтижелілігінің маңызды көрсеткіші болып табылады және оны аттестациялау мен қайта сайлауда есепке алынады. Кураторлық міндеттен босату үшін оның себептері көрсетіліп, колледж директорының бұйрығымен шешім қабылданады.

Кураторлар кеңесі өз қызметінде Қазақстан Республикасының «Білім туралы» Заңын, колледж Жарғысын, осы Ережені, педагогикалық кеңес шешімдерін, директордың бұйрықтарын, тәрбие жұмысының тұжырымдамаларын басшылыққа алады.

2. Кураторлардың мақсаты мен міндеттері
   • Кураторлардың басты мақсаты - жастардың тұлғалық дамуының

үйлесімділігін қалыптастыру, студенттерді азаматтық белсенділікке тәрбиелеу, білім алушылардың мамандықтың оқу жұмыс жоспары аясында өзін-өзі қалыптастыру және өзін-өзі көрсету қабілеттерін дамыту.

• Кураторлардың негізгі міндеті - оқу тобында тәрбие жұмысын ұйымдастыру, өзін-өзі басқаруды қалыптастыру және студенттерді колледждің қоғамдық және шығармашылық өміріне біртіндеп тарту және білім алу кезеңі барысында білім алу бағдарламаларын меңгерту болып табылады.

Куратор тәрбие жұмысын жүзеге асыру барысында төмендегідей қызметтерді атқарады:

1. Топ белсенділерін (активін) қалыптастыруға және студенттік топ пен топ белсенділері арасындағы өзара тиімді қарым-қатынастың орнауына; топтық ұйымшылдыққа, ынтымақтастыққа, қоғамдық ұйымдар және топ арасындағы өзара қарым-қатынасты реттеуге ықпал етеді.
2. Топ белсенділерімен бірлесе отырып, студенттік топтың оқу жылындағы мақсаттары мен міндеттерін анықтайды. Топ белсенділерімен бірлесе отырып, колледждің оқу-тәрбие жұмысының жоспарына сәйкес тәрбие жұмысының үзіліссіздігін және сабақтастығын, мақсатын сақтай отырып, оқу жылының жоспарын қалыптастырады.
3. Топ жұмысы жоспарының орындалуын қадағалайды, топ белсенділерінің қызметін үйлестіреді және колледж әкімшілігі және студенттік топ арасында байланыс орнатушы негізгі тұлға болып табылады. Ол студенттердің колледж бен қоғам өміріне қатысуын жандандыру үшін қоғамдық ұйымдармен ұдайы байланыста болады.
4. Топ студенттеріне оқу-тәрбие үдерісіне қатысты директордың бұйрықтары мен өкімдері туралы ақпарат береді. Студенттерді ішкі тәртіп ережелерімен, колледж Жарғысымен және ұйымдастырушылық құрылымдарымен таныстырады. Колледжде және бөлімдерде өткізілетін байқаулар, конференциялар, жарыстар, олимпиадалар туралы хабар береді. Колледждегі және бөлімдегі топтар мен студенттердің жұмысының үздік тәжірибесін насихаттайды.

5.Колледж әкімшілігіне, қоғамдық ұйымдарға студенттердің мүдделері, талаптары, ұсыныстары туралы ақпар береді.

6. Қажет болған жағдайда студент жастардың әлеуметтік-психологиялық мәселелері негізінде студенттерге психологиялық қолдау және көмек көрсетілуін ұйымдастырады.
7. Студенттердің өмірі мен тұрмыс жағдайларын және олардың мұқтаждықтарын зерттеп, жекелеген студенттердің тұрмыстық жағдайларын

жақсарту мақсатында көмек ұйымдастыру (оларды студенттер жатақханасына орналастыру, т.б.), студенттердің ата-аналарымен байланыста (мүмкіндігіне қарай кездесіп тұрады) болады.

8. Азаматтық, адамгершілік, эстетикалық, кәсіби және мәдени, спорттық және көпшілік жұмыстары бөлімдері бойынша өткізілетін нақты іс-шараларды анықтайды.
9. Жастардың патриотизмін арттыра отырып, студенттердің азаматтық белсенділігінің қалыптасуына ықпал етеді, болашақ мамандардың азаматтық, құқықтық және кәсіби ой-пікірінің қалыптасуына қатысады.
10. Жастардың салауатты өмір салтын қадағалауына ықпал етеді, ішімдік, темекі шегу, нашақорлықтың алдын алу бағытындағы іс-шараларды ұйымдастырады.
11. Құқық бұзушылықтың және студенттік ортадағы деструктивтік саяси құбылыстардың алдын алу бойынша іс-шаралар өткізеді.
12. Студенттердің колледжішілік,   бөлімдер арасындағы  байқауларына, олимпиадаларына, ғылыми семинарларына, конференцияларына және қоғамдық ұйымдардың басқа да іс-шараларына қатысуын жандандыруға ықпал етеді.
13. Студенттік өзін-өзі басқару, студенттер құрылыс жасағының қозғалысына, клубтарға, қоғамдық бірлестіктер және ұйымдардың жұмысына қатысуына ықпал етеді.
14. Бос уақытты тиімді өткізу формалары мен әдістері туралы студенттерге ақпарат таратылуын ұйымдастырады.
15. Студенттердің өздері таңдаған мамандықтарына қызығушылықтарын арттыруға ықпал ететін тақырыптық іс-шаралар ұйымдастыруға қатысады.
16. Өзі жетекшілік ететін топ студенттерінің ата-аналарымен тығыз байланыс орнатып, студенттердің тәртібін және үлгерімін бақылайды.
17. Студенттердің өзіндік жұмыстарын ұйымдастырады. Үлгерімі мен тәжірибе жинақтауына бақылау жасап, студенттердің сабаққа қатысудағы енжарлықтары мен нашар үлгерімдерінің себептерін анықтайды.
18. Колледж әкімшілігі тарапынан кездесулерге, жалпы жиналыстарға, Кураторлар кеңесінің жұмыс жоспары бойынша әдістемелік дәрістер мен семинарларға ұдайы қатысады.

Бірінші курстың кураторы міндетті:

1. Студенттерді сабақ басталған соң бір айдың ішінде колледж Жарғысымен және құрылымымен, ішкі тәртіп ережелерімен таныстыруы және аталған міндеттерді студенттердің орындауын құжатпен рәсімдеуі тиіс.
2. Колледждегі оқу үдерісінің ұйымдастырылу ерекшелігін көрсетуге, студенттерді оқытудың ерекшеліктерімен, аралық бақылау, семестрдің қорытынды бағалары туралы таныстыруы тиіс.
3. Студенттерді өзіндік жұмыстарды ұйымдастыру және орындау (жеке өзі және арнайы мамандарды тарту арқылы), еңбек және демалыс тәртібі, интеллектуалдық еңбекті орындау ережелерімен таныстыруы тиіс.
4. Студенттерді колледждің жастар ұйымдарының қызметімен және олардың қоғамдық белсенділігін қалыптастырудағы рөлімен, студенттердің әлеуметтік қорғалуымен (жеке өзі және арнайы мамандарды тарту арқылы) таныстырылуы тиіс.
5. Колледждің, бөлімнің, мамандықтың тарихымен, міндетімен және болашағымен, оқытушылармен, үздік студенттерімен таныстыруы тиіс.
6. Студенттерге оқу орнына, жатақхана өміріне бейімделуіне, қоғамдық қызметтерге атсалысуға көмек көрсетуі тиіс.

Куратордың құқығы

1. Колледждегі және бөлімдегі тәрбие жұмысының жоспарын, студенттердің мүдделері мен қызығушылықтарын ескере отырып, оқу тобындағы тәрбие жұмысының міндеттері мен мақсаттарын жүзеге асырудың әдістері мен құралдарын, формасын өз бетінше таңдауға;
2. Колледждің және бөлімнің барлық әкімшілік және қоғамдық ұйымдарына студенттердің тұрмыстық-мәдени жағдайын, тәрбие, ғылыми-зерттеу және оқу жұмысын жақсарту бойынша ұсыныстар беруге;
3. Алдын ала оқытушылармен келісе отырып, топта өткізілетін дәрістерге, семинарларға, практикалық және басқа да сабақтарға қатысуға;
4. Барлық пәндер бойынша ағымдық, аралық және қорытынды бақылау өткізу тәртібінің қадағалануын тексеруге;
5. Топ студенттерінің ата-аналарымен және туыстарымен байланыс жасау үшін барлық мүмкіндіктерді пайдалануға;
6. Топтағы және жекелеген студенттерге қатысты барлық мәселелерді талқылауға қатысуға;
7. Əрбір студент туралы электронды базаға енгізілетін ақпараттың дұрыс толтырылуын қадағалауға;
8. Студенттерді мадақтауға, жатақханаға орналастыруға және шығаруға ұсыныс жасауға;
9. Əлеуметтік жағынан аз қамтамасыз етілген студенттерге көмек беру үшін әкімшілік пен кәсіподақ ұйымына ұсыныс жасауға;
10. Студенттерді оқу, педагогикалық және өндірістік тәжірибе жинақтау үшін мекемелермен байланыс жасауға;
11. Оқу тобында оқу-тәрбие процесінің бір қалыпты жүргізілуіне кедергі жасайтын студенттерге жан-жақты әсер етуге;
12. Студенттік өзін-өзі басқару органдарының жұмысына қатысуға, олардың қызметін жақсарту бойынша ұсыныстар енгізуге, топ студенттерін аталған органдар жұмысына барынша белсенді тартуға, студенттік өзін-өзі басқару органдарына сайлау үшін студенттер кандидатурасын ұсынуға құқы бар.

Куратор келесідей құжаттарды жүргізуі тиіс:

• тәрбие жұмысының жоспары;
• кураторлар журналы;
• есептер: ағымдағы ақпарат (ай сайын), тоқсандық және жылдық;

Куратордың жауапкершілігі

Куратор бөлім меңгерушісі бекіткен, директордың оқу жұмысы және тәрбие жұмысы жөніндегі орынбасарларымен келісілген, оқу тобындағы оқу-тәрбие жұмысы бағдарламасының орындалуына жауап береді.

Кураторлар кеңесі басқармасының құрылымы

Колледждің кураторлар кеңесі мынадай құрамда қалыптасады:

- Кеңес төрағасы – директордың оқу-тәрбие ісі жөніндегі орынбасары;

- Кеңес төрағасының орынбасары - педагог-психолог ;

- Кеңестің хатшы-мүшесі;

- Кеңес мүшелері - кураторлар, студенттік өзін-өзі басқару, жастар ісі жөніндегі комитет, педагог-психолог, кәсіподақ комитетінің төрағасы, колледж оқытушылары.

16. Кураторлар кеңесінің төрағасы:

- Кураторлар кеңесіне жалпы жетекшілік етеді;

- Кураторлар кеңесі қабылданған шешімдердің орындалуын жүйелі түрде тексеруді ұйымдастырады;

- Кураторлар кеңесінің құрамын және оның өкілеттіктерін өзгерту туралы ұсыныстар енгізеді.

17. Кураторлар кеңесі төрағасының орынбасары:

- Кураторлар кеңесінің жұмысын ұйымдастырады, оқу жылына арналған жұмыс жоспарын әзірлейді;

- кураторлық жұмысты әдістемелік сүйемелдейді;

- колледжде жүргізілетін тәрбие жұмысы мен кураторлық жұмыстың күйі туралы ақпаратты талдайды, кураторлардың бір жыл ішіндегі қызметі туралы есеп құрастырады;

- Кураторлар кеңесінің отырыстарын дайындау бойынша жұмыс жүргізеді;

- Кураторлар кеңесінің отырысына құжаттардың, шешімдер жобаларының, мәселелердің уақытыл шығарылуын бақылайды.

18. Хатшы мынадай құжаттаманы жүргізеді:

- Кураторлар кеңесінің мүшелерінің тізімін;

- жылдық жұмыс жоспарын;

- кеңес отырыстарының хаттамаларын;

- кураторлардың тәрбие жұмысына қатысты нұсқамалық-әдістемелік құжаттар;

- жылдық есепті.

Өзгерістер енгізу тәртібі

Осы Ережеге өзгерістер мен толықтырулар енгізу жөніндегі ұсыныстар білім беру үдерісінің барлық қатысушыларынан: оқытушылардан, студенттерден және т.б. келіп түсуі мүмкін. Осы Ережеге өзгерістер енгізуді бөлім меңгерушілері, директор орынбасарлары, оқу-тәрбие жұмысына қатысы бар өзге тұлғалар мен алқалық органдар ұсына алады.

Кураторлар кеңесі өз отырыстарын екі айда 1 рет өткізіледі.

Ж А Л П Ы  Ш А Р Т Т А Р

1. Ақтөбе гуманитарлық колледжінің Жастар ісі жөніндегі комитеті колледждің оқу-тәрбиелік жұмысының міндеті және мемлекеттік жастар саясатын жүзеге асыру саласындағы өзін – өзі басқару, заңдылықтар және ашықтық негізінде құрылған және қызмет жасайтын ерікті қоғамдық бірлестік.
2. Жастар ісі жөніндегі комитет туралы Ереже, Ақтөбе гуманитарлық колледжі педагогикалық кеңестің шешімі, Конституция және басқада нормативті-құқықтық актілер негізінде жұмыс жасайды.
3. «Ақтөбе гуманитарлық колледжі Жастар ісі жөніндегі комитет туралы Ережеге» енгізілетін өзгертулер, толықтырулар Жастар ісі жөніндегі комитет Кеңесінде қарастырылады, колледж директорымен келісіледі, Педагогикалық кеңес және Жастар ісі жөніндегі комитет Кеңесімен белгіленген тәртіпте бекітіледі.

ЖАСТАР ІСІ ЖӨНІНДЕГІ КОМИТЕТ МАҚСАТЫ

1. Жастардың рухани, мәдениетті, білімді және физикалық дамуына, олардың шығармашылық мүмкіндіктерін жетілдіруге арналған ұйымдастыру жағдайларын жасау.
2. Жастардың әлеуметтік-маңызды бастамаларын жүзегеасыру.
3. Жастарды қоғамның әлеуметті белсенді азаматы ретінде тәрбиелеу.
4. Басқа жастар ұйымдарымен әріптестікті орнату.

5. ЖІК ұйымдастыру құрылымында қарастырылған:

• ЖІК Кеңесі,

Атқарушы органдар:

• Бұқаралық-мәдениет жұмыс секторы;
• Жеке тұлғаның интеллектуалды даму секторы;
• Сауықтыру-спорт жұмыстары секторы;
• «Мейірім» еріктілер орталығы;
• Патриоттық және қоғамдық-саяси жұмыстар секторы;
• Ақпараттық-техникалық сектор;
• Құқықтық жұмыстарсекторы;

Қажет жағдайда ЖІК басқа органдар, құрылымдарды құруға құқылы.

ЖАСТАР ІСІ ЖӨНІНДЕГІ КОМИТЕТ ТӨРАҒАСЫНЫҢ МӘРТЕБЕСІ

Төраға – жастар саясатын жүзеге асырудағы гарант ретінде директордыңтәрбие ісі жөніндегі орынбасарына бағынады, колледждің ЖІК қызметіне басшылық етумен қадағалауды жүзеге асырады және ЖІК Кеңесінде төрағалық етеді.

ЖАСТАР ІСІ ЖӨНІНДЕГІ КОМИТЕТ ТӨРАҒАСЫНЫҢ ӨКІЛЕТТІКТЕРІ

1. ЖІК басқарады және жалпы басқаруды қамтамасызетеді.
2. Кеңес отырысында төрағалық етеді, егер төраға Кеңес отырысына қатыспаған жағдайда оның міндеттерін уақытша ЖІК Кеңесінің бір мүшесіатқарады.
3. ЖІК Кеңесінің шешіміне, ұсынысына және басқа құжаттарға қол қояды. ЖІК Кеңесінің отырысында келіп түскен материалдарды қарастырады, ЖІК Кеңесінің мүшелерінің ұсыныстары бойынша қарастырылатын мәселелерді анықтайды және қалыптастырады және қажетті жағдайда материалдарды тексерудіұйымдастырады.
4. ЖІК Кеңесінің жұмысын ұйымдастыруды жақсартуға бағытталған шараларды, ЖІК Кеңесінің шешімінің орындалуын бақылауды жүзеге асырады.
5. ЖІК Кеңесінің отырысына шақырылатын тұлғалардың тізімінанықтайды

КЕҢЕС ҚҰРАМЫН ҚҰРУ ТӘРТІБІ

1. ЖІККеңесінің құрамы: ЖІК төрағасы, ЖІК төрағасының орынбасары, еріктілер жұмысына жауапты тұлға, ЖІК секцияларының жұмысына жауапты тұлға, жауапты хатшы және ЖІК төрағасы тағайындайтын басқа тұлғалардан құрылады.
2. ЖІК Кеңесі кезекті ЖІК төрағасын сайлау кезінде жаңаданқұрылады.
3. ЖІК Кеңесінің бос тұрған мүшесінің лауазымдық міндеттерін уақытша атқару бір ай мерзімдеқарастырылады.

ШЕШІМДЕРДІ ҚАБЫЛДАУ ТӘРТІБІ

ЖІК Кеңесінде қарастырылған мәселе бойынша шешім ашық дауыс беру тәсілімен, көп дауыс жинау бойынша қабылданады. Дауыс беру тең болған жағдайда, төраға дауысы шешуші рөл атқарады.

Егер ЖІК Кеңесінің бір мүшесі қабылданған шешіммен келіспеген жағдайда, өзінің жеке пікірін айтуға құқылы.

ЖАСТАР ІСІ ЖӨНІНДЕГІ КОМИТЕТ СЕКТОРЫНЫҢ ЖЕТЕКШІСІНІҢ ҚЫЗМЕТІ

1. ЖІК секторларына жетекшілік етеді және жалпы басшылықты қамтамасызетеді.
2. ЖІК мақсаттарын жүзеге асыру үшін жұмысшы топтықұрайды.
3. ЖІК, секция жұмысы бойынша келіп түскен материалдарды зерделейді, ЖІК Кеңесінің шешімін орындаудыұйымдастырады.
4. ЖІК секциясының қызметі туралы құжаттарын есепке алудыжүргізеді.
5. ЖІК секцияларының жұмысын жетілдіру бойынша ұсыныстар және іс-шараларды қабылдайды және басқа ұйымдастыру-өкімді қызметтердіорындайды
6. Жауапты хатшы жұмысты орындауды жақсартуға қажетті барлық материалды және ақпараттық құралдарды пайдалануғақұқылы.
7. Жеке жауапкершілікжүктеледі:

• ЖІК Кеңесі, ЖІК төрағасы алдында сектор шегінде ЖІК жүктеген міндетті және қызметтерді орындауүшін;
• өзінің лауазымдық міндеттерін сапасыз және уақытылы орындамағанүшін;
• қарамағындағы қызметкерлердің жұмысыүшін;
• ЖІК мақсаттарын жүзеге асыруға арналған бөлінген қаржы және материалды- техникалық ресурстарды тиімсіз пайдалану және бүлдірген жағдайда.

ЖАСТАР ІСІ ЖӨНІНДЕГІ КОМИТЕТТІҢ ЖАУАПТЫ ХАТШЫСЫНЫҢ ҚЫЗМЕТІ

1. ЖІК жауапты хатшысы төрағаның шешімі бойынша қабылданады жәнебосатылады.
2. Жауапты хатшы ЖІК Кеңесінің барлық шешімдерін орындауғаміндетті.
3. ЖІК секциясының қызметі туралы құжаттарын есепке алудыжүргізеді.
4. ЖІК ұйымдастыратын және өткізетін іс-шаралар туралы факультеттер кафедра және студенттеріне хабарлауға және ақпараттытаратуға.
5. ЖІК жұмысын жетілдіруге арналған ұсыныстардықабылдауға.
6. Жауапты хатшы ЖІК жұмысын және өзінің міндеттерін орындауды жақсарту мақсатында барлық мүмкіндікті материалды және ақпараттық құралдарды пайдалануға және ұсынуғақұқылы.

ЖАСТАР ІСІ ЖӨНІНДЕГІ КОМИТЕТ СЕКТОРЛАРЫНЫҢ МАҚСАТЫ ЖӘНЕ МІНДЕТІ

БҰҚАРАЛЫҚ – МӘДЕНИЕТ ЖҰМЫС СЕКТОРЫ

Студенттің жеке тұлға ретінде жан-жақты шығармашылықты мүмкіндіктерінің дамуына, жас ұрпақты рухани-адамгершілікті және маман ретінде қалыптастыруға бағытталған идеяларды басшылыққа алумен оның бойында мәдениетті құндылықтарды қалыптастырумен көркем шығармашылық әрекетке тартуға арналған.

Сектор міндеттері:

1. Қазақстан халықтарының мәдени-тарихи мұрасын, дәстүрлерін құрметтеу, азаматтық патриоттық, интернационалдық сезімдерді қалыптастыруға бағытталған жұмыстарды жүзегеасырады.
2. АГК студенттері арасында талантты және шығармашылықты жастарды анықтаумен, өзара қатынастар мәдениетіне арналған тәрбиелік жұмыстарды ұйымдастырады, қоғамдық және шығармашылық қызметке белсенді студент жастарды тартады.
3. Қызығушылықтар бойынша үйірмелер және клубтар жұмыстарын ұйымдастырады, олардың көркемөнер үйірмелеріне, фестивалдер, конкурстар және т.б. қатысуғадайындайды.
4. Студенттердің интеллектуалды, рухани, адамгершілікті дамуына байланысты бағытталған дөңгелек үстелдер, конференциялар, кездесу және әңгімелесу және т.б. іс- шаралардыұйымдастырады.
5. Мәдениетті-бос уақыт үрдісін жетілдіру және дамыту, сонымен бірге мәдени- демалыс іс-шаралар әдістемесін және мазмұнынының тиімділігін арттыру жәнеталдау.

ЖЕКЕ ТҰЛҒАНЫҢ ИНТЕЛЛЕКТУАЛДЫ ДАМУ СЕКТОРЫ

Белсенді студенттік жастармен құрылады және студенттердің ғылыми-практикалық конференциялар, семинарлар, дөңгелек үстелдер отырысы, ҚР мемлекеттік жастар саясаты саласындағы және қазіргі кездегі қоғамның әлеуметтік-саяси,экономикалық,мәдениетті өзекті мәселелері бойынша пікір-талас сайыстарына, жастар ұйымдары және бірлестіктер арасындағы өзара байланыстарды ұйымдастыру және осы іс-шараларға қатысу арқылы жүзегеасырылады.

Студенттік жастардың құқықтарын және әлеуметтік қорғалуын қамтамасыз ету, ҚР Мемлекеттік жастар саясатын іске асыру жөніндегі іс-шараны ұйымдастыру.

Діни экстремизмнің алдын-алу, студенттер арасында құқықбұзушылықтар мен сыбайлас жемқорлық көріністеріне қарсы күрес бойынша іс-шаралар ұйымдастыру

Өзінің қызметін қалалық, облыстық Жастар бастамасы орталығының жұмысымен үйлестіреді.

Сектор міндеттері:

1. Өзінің қызметін жеке тұлғаның жан-жақты дамуына, студенттердің ғылыми- зерттеу жұмыстарына белсенді қатысу, пікір-талас, дискуссиялы клубтарының жұмыстарын жүзеге асыру арқылы жүзегеасырады.
2. Қызмет түрлерін жетілдіру және дамыту, өзара тәжірибе алмасу мақсатында басқа оқу орындарымен жан-жақты байланыстыдамыту.
3. Есепті құжаттарды тұрақты жүргізу, ақпараттық сектормен бірге өткізілетін іс- шаралар жайлы жедел ақпараттыұсыну.

САУЫҚТЫРУ-СПОРТ СЕКТОРЫНЫҢ ЖҰМЫСЫ

Жастар арасында бұқаралық спорт түрлерін насихаттау, салауатты өмір сүру салтының мәдениетін қалыптастыруға ықпал ететін іс-шараларды ұйымдастырады.

Сектор міндеттері:

1. Денешынықтыру, спорт және салауатты өмір сүру салтын насихаттауды ұйымдастыру.
2. Денешынықтыру бірлестігімен бірге бұқаралық-спортты іс-шараларды жүзеге асырады.
3. Зиянды әдеттер, девиантты тәртіп, қауіпті инфекциялардың алдын-алуға бағытталған насихатату іс-шараларынұйымдастырады.
4. Ақпараттық сектормен бірге өткізілген іс-шаралар жайлы ортақ ақпаратты ұсынады.

«МЕЙІРІМ» ЕРІКТІЛЕР ОРТАЛЫҒЫ

Колледждің еріктілік орталығы Қазақстандық еріктілер қозғалысына студент жастарды тартуға арналған жағдайды жасайды, АГК еріктілер қозғалысын дамытады жәнебелсендіреді.

Еріктілік орталық қызметі:

1. жеке және заңды тұлғаларға көмек көрсету, азаматтар денсаулығын және қоршаған ортаны қорғау, денешынықтыру және спортты дамыту, сонымен бірге қоғамдық игіліктерді қамтамасыз етуге бағытталған басқа мақсаттарды жүзегеасырады.
2. азаматтық ұстанымды, қоғамдық жауапкершілікті сезіну, қоғамда өзара көмектесу және мейірімділіктіқалыптастыру

Еріктілік орталық міндеттері:

1. еріктілік қызметті ұйымдастыруға бағытталған азаматтар бастамасын қолдау және дамыту.
2. халықтың әртүрлі санаты және әртүрлі мақсатты топтармен өзара байланысты еріктілер қызмет рөлін арттыруға арналған іс-шараларды әзірлеу және жүзегеасыру.
3. студенттік ортада еріктілер идеясынтарату.
4. еріктілер қозғалысын ұйымдастыру және кеңес беру, ақпараттандыру және әдістемелік қолдау.
5. жоба іс-шараларын орындаушы – еріктілер тобын құру.

Еріктілік орталық қызметінің негізгі бағыттары:

• студент жастар арасында салауатты өмір салтыннасихаттау;
• әлеуметті маңызды іс-шараларды ұйымдастыру және өткізу мәселелері бойынша әлеуметтік орталықтар және қызметтермен ынтымақтастықтыорнату;
• колледждің еріктілер орталығы бұқаралық ақпараттық құралдар арқылы студенттік ортада өздерінің қызметіннасихаттайды;
• еріктілер қызметті жүзеге асыруға қызығушылық танытқан мемлекеттік және қоғамдық, коммерциялық ұйымдармен өзара әрекеттерді жүзегеасырады.

ПАТРИОТТЫҚ ЖӘНЕ ҚОҒАМДЫҚ – САЯСАТ ЖҰМЫСТАР СЕКТОРЫ

Жастармен заманауи технологиялар негізінде тәрбиелеу үрдісін қамтамасыз етеді, сонымен бірге студенттік жастардың жеке қасиеттерін дамыту және жүзеге асыру, қазақстандық қоғамның дамуына өз үлесін қосуға бағытталған жұмыстарды жүзеге асырады.

Сектордың негізгі міндеттері:

• қоғамдық-патриоттық, саяси, адамгершілікті, этномәдениетті тәрбиелеуге арналған іс-шаралардыұйымдастыру.
• толеранттылықты және т.б. қалыптастыруға бағытталған мемлекеттік тілдегі іс- шараларды тілдер кафедрасымен біргеұйымдастыру.
• қазақ ұлтының тілі және мәдениетіне, салт-дәстүріне мемлекетке, тарихқа қатысты құрмет негізінде студенттік жастар бойында патриоттық сезімді қалыптастыруға ықпал ету.
• жастар және қоғамдық бірлестіктер, жастардың қоғамды-саяси қызметін, қоғамды маңызды бастамаларынқолдау.
• қоғам өміріне және т.б. жас азаматтардың қатысуынбелсендіру.

ҚҰҚЫҚТЫҚ ЖҰМЫС СЕКТОРЫ

Құқықтық жұмыс секторы студенттік жастарға құқықты тәрбие беру үшін құрылған, сонымен бірге тәрбие жұмысының бағыттарының бірі келесі іс-шараларды өткізуді қарастырады:

• студенттерді (кураторлық сағаттар шеңберінде) ҚР «Білім туралы» Заңы, Колледж Жарғысы,студенттердіңміндетіжәнеқұқықтары,студентжәнеоқытушының«Адамгершілік Кодексі», Ішкі тәртіп ережелерімен таныстыру.
• құқық бұзушылықтың алдын алу және профилактикалық жұмыстарды (кураторлық сағаттар шеңберінде), оның ішінде тақырыптық әңгімелесу және дәрістер, «дөңгелек үстелдер»,пікір-таластар сайыстарын және т.б.ұйымдастыру.
• «Қазақстан-2050» Стратегиясын және Мемлекет басшысының Жолдауын жүзеге асыруға арналған тақырыптық іс-шаралар.
• ай сайын ақпараттық құқықтық бюллетендіәзірлеу.

АҚПАРАТТЫҚ- ТЕХНИКАЛЫҚ СЕКТОР

Ақтөбе гуманитарлық колледжі студенттерін ЖІК қызметінің барлық бағыттары бойынша уақытында ақпараттандыру, әртүрлі іс-шараларды өткізу кезінде ақпаратты-техникалық көмекті жүзеге асыру үшін құрылған.

Сектор міндеттері:

1. Басқа жастар ұйымдарымен, жеке және заңды тұлғалармен, мемлекеттік органдармен байланыстардыорнату.
2. ЖІК Кеңесін байланыстар жағдайы, мүмкіндікті әріптестік, достық байланыстар, АГК ЖІК жастардың өзекті мәселелерін практикалық шешуге арналған жүзеге асырылатын фестивальдер, ғылыми, спорттық және т.б. іс-шаралар жайлы ақпараттарды хабарлайды.
3. Ақпараттық (хабарландыру, газет және т.б.) басылымдарды басуды жүзеге асырады.
4. АГК студенттері арасында талантты және шығармашылықты жастарды анықтаумен, өзара қатынастар мәдениетіне арналған тәрбиелік жұмыстарды ұйымдастырады, қоғамдық және шығармашылық қызметке белсенді студент жастарды тартады.
5. Қызығушылықтар бойынша үйірмелер және клубтар жұмыстарын ұйымдастырады, олардың көркемөнер үйірмелеріне, фестивалдер, конкурстар және т.б. қатысуғадайындайды.
6. Студенттердің интеллектуалды, рухани, адамгершілікті дамуына байланысты бағытталған дөңгелек үстелдер, конференциялар, кездесу және әңгімелесу және т.б. іс- шараларды ұйымдастырады.

1. Жалпы ережелер

       Ақтөбе гуманитарлық колледжі студенттерінің Ар-намыс кодексі Қазақстан Республикасының Конституциясына, «Білім туралы» және «Мемлекеттік жастар саясаты туралы» заңдарына сәйкес олардың мінез-құлқының негізгі принциптері мен жалпы қабылданған моральдық-этикалық нормаларын анықтайды.

2. Студенттік кодекстің негiзгi қағидаттары мыналар болып табылады:
3. Ақтөбе гуманитарлық колледжі студенттері Қазақстан Республикасының лайықты азаматы және өз Отанының патриоты болуға тырысуы қажет. Студенттер өздерін адал және лайықты ұстайды, өзара және үлкендер арасындағы қарым-қатынаста әдеп пен өнеге талаптарын сақтайды, өзінде шығармашылық тұлғаның жақсы қасиеттерін дамытуға тырысады;
4. Студенттер өздерінің құрдастары мен үлкендерге құрметпен қарауы тиіс, айналасындағыларға дөрекілік көрсетпейді және әлеуметтік қорғалмаған адамдарға аяушылық білдіреді, мүмкіндігінше оларды қорғайды;
5. Студенттер адалдықтың, мәдениеттілік пен әдептіліктің үлгісі болып табылады, азғындықтың көрінуіне төзбейді және жыныстық, ұлттық немесе діни белгілері бойынша кемсітушілікке жол бермейді;
6. Мемлекеттік жалпыға міндетті білім беру стандартында көрсетілген білім, білік және дағдыны толық көлемде меңгеруге, оқу және практикалық сабақтарға қатысуға міндетті;
7. Дәлелді себеппен сабақ жіберген жағдайда өзі немесе ата-анасы арқылы оқу орнын хабардар етуі тиіс;
8. Амбулаториялық немесе стационарлық емделгенде оқу орнына хабар беруге, соңынан жазбаша түрде растайтын құжатын көрсетуге міндетті;
9. Колледж Жарғысын және Ішкі тәртіп ережелерін сақтауға және орындауға міндетті;
10. Классикалық стильде киінуге (денесін жартылай ашып жүруге, хиджаб киюге, көзге анық түсетін сәндік бұйымдар мен косметикалық бұйымдарды пайдалануға тыйым салынады) міндетті;
11. Студенттер салауатты өмір салтын қолдайды және зиянды әдеттерден толығымен бас тартады;
12. Колледж студенттері білім беру мекемесінің тәртібін құрметтеуі, оның мүлкін ұқыпты ұстап, тазалық пен тәртіпті қадағалауы, оқу орнында және жатақханада тұруға қалыпты жағдай жасауға қатысуға міндетті;
13. Әскери есеп ережесін сақтауы тиіс;
14. Оқу процесі кезінде студенттер тек оқу әрекетімен айналысуға және сабақтың өтілуіне кедергі жасамай, білім беру ұйымының оқытушыларына, қызметкерлеріне құрмет көрсетуге және студенттермен сыпайы қарым-қатынас жасауға міндетті;
15. Студенттерге білім беру мекемесінің аумағына кез келген мақсатта қару, жарылғыш немесе өртенгіш заттар, газды шынылар, спирттік сусындар, темекілер, есірткілер, тағы да басқа есеңгірететін немесе улы құралдар, оқу қызметіне қатысы жоқ және айналасындағы адамдардың денсаулығына зақым келтіретін заттар алып келуге тыйым салынады;
16. Білім беру мекемесінің аумағында темекі шегуге тыйым салынады;
17. Әдепсіз сөздер мен қылықтар қолдануға тыйым салынады. Студенттер ара қатынасты анықтау үшін ешқашан физикалық (дене) күш көрсетпейді және дөрекі сөздер қолданбайды. Дене күшін көрсету адамның абыройын қорлайды және аталған әрекетке  үзілді-кесілді тыйым салынады;
18. Студенттер шығармашыл белсенділікті дамытуға (ғылыми-білімді, спорттық, көркемдік және т.б.), бірлескен мәдениет пен білім беру ұйымының беделін көтеруге бағытталған әртүрлі әрекеттің қажеттілігі мен пайдалы екендігін мойындауы қажет;
19. Білім беру мекемесінен тыс жерде студенттер сол білім беру мекемесінің өкілі болып табылатындығын әрқашан есте сақтауы тиіс және оның абыройы мен беделін түсіріп алмау үшін барлық  күшін салып әрекет етуі қажет;
20. Студенттер білімді бақылау шаралары (мәнжазбалар, курстық, бақылау, дипломдық және басқа жұмыстар) барысында өз еңбегінің нәтижесінің сапасын көшіру немесе басқа тұлғалардан, Интернет-ресурстарды қоса алғанда көмек сұрау; жоғары баға алу үшін туысқандық немесе қызметтік байланыстарды қолдану; қыдыру, кешігу және дәлелсіз себептермен сабақ жіберу сынды академиялық жат қылықтардың барлық түрлерімен күресуі қажет;
21. Аталған Кодекс білім беру мекемесінің барлық студенттерімен міндетті түрде сақталуы тиіс;

Осы Кодексті бұзған студенттер жауап береді