Ұранды елдің ұрпағы қайсар

Сенбі, 11 Мамыр 2019 07:59

Ұранды елдің ұрпағы қайсар

2019 жылдың 6 мамыр күні Ақтөбе гуманитарлық колледжінде 7 мамыр Отан қорғаушылар және 9 мамыр Ұлы Жеңіс күні мерекесіне орай салтанатты шара өткізілді. «ҰРАНДЫ ЕЛДІҢ ҰРПАҒЫ ҚАЙСАР» тақырыбымен өткен шарада колледж директоры Ералы Ғұбайұлы Нұрғалиев ұжымды мерекемен құттықтап, еліміздің жетістіктерін және колледждің өркендеуіне үлес қосып жүрген ұстаз азаматтарды атап өтті.

Мерекелік концерт арулардың ер – азаматтарға арналған ән, күй, және қобыз, баян ансамбльдерінің өнеріне жалғасты. Құрметті әріптестер, ер-азаматтар! Сіздерді 7 мамыр - Отан қорғаушылар күні және 9 мамыр Ұлы Жеңіс күні мерекесімен шын жүректен құттықтаймыз! Еліміздің өркендеу жолында атқарып жатқан игі қызметтеріңізге табыс, отбасыларыңызға амандық, дендеріңізге саулық, мол бақыт және бейбіт ғұмыр тілейміз.