Ақтөбе гуманитарлық колледжі

Колледж жанынан құрылған «Leader-Q» жастар корпусы мен колледж еріктілері ҚР Сыбайлас жемқорлыққа қарсы іс-қимыл агенттігінің Ақтөбе облысы бойынша департаменті «Ақтөбе-адалдық алаңы» жобалық кеңесімен бірлесе отырып, Ақтөбе облысының көпбалалы отбасыларынан шыққан балаларға арналған жаңа жылдық мерекелік кешін өткізуге ат салысып, ертегілік қойылымдардың кейіпкері бола білді. Аталған шараларда белсенділік танытып, жауапкершілікпен ат салысқан жастарға алғыс білдіреміз! Баршаңызды келе жатқан Жаңа 2020 жылмен құттықтаймыз!

Колледжіміздің ерікті жастары Ақтөбе облысы әкімінің және облыстық білім басқармасының ұйымдастыруымен Жекпе – жек сарайында өткен «Біз – еліміздің жарқын болашағымыз!» атты жаңа жылдық шыршаға белсене қатысты.

2019 жылдың 23-25 желтоқсан аралығында колледж студенттеріне арналған «Жарқыра Жаңа жыл» атты ойын-сауық кеші өткізілді.

«ҚР колледждерінің ТОП 100 студенті» жобасы «Zhastar KZ» жобасы шеңберінде жүзеге асырылды. Жобаның құрылтайшылары Қазақстан Республикасы Білім және ғылым министрлігі және «Кәсіпқор» холдингі» КЕАҚ болып табылады.

2019 жылғы 23 желтоқсан күні Ақтөбе қаласы ІІБ Патрульдік Полиция Батальонының ұйымдастыруымен Ақтөбе гуманитарлық колледжі студеттері «Абайлаңыз, жаяу жүргінші!» акциясына қатысты.

2019 жылдың 20 желтоқсан күні Ақтөбе гуманитарлық колледжінде «Нұр Отан» партиясы «Құрмет» бастауыш партия ұйымы жоспарына сәйкес «Жастар - тәуелсіз елдің тірегі» атты дөңгелек үстел өтті. Дөңгелек үстелге "Өрлеу" біліктілік арттыру институтының бөлім бастығы, Нұр Отан партиясы «Құрмет» БПҰ бюро мүшесі Б.С.Утаров қатысты.

Қазақстанның тарих сахнасынан елеулі орын алып, Тәуелсіз ел болып құрылғанына 28 жыл болды. Қазақстан – бүгінде Еуразияның жүрегінде орналасқан, тату-тәтті өмір сүріп жатқан көп ұлтты мемлекет. Аз уақыттың ішінде еліміз бізден едәуір уақыт бұрын тәуелсіздіктерін алған мемлекеттерді қуып жетіп, спорт, білім, ғылым, мәдениет, өнер жағынан әлемнің алпауыт елдерімен терезесі теңелетүсуде.

Ағымдағы жылдың 13 желтоқсан күні Тәуелсіздігіміздің 28 жылдығына арналған «Елімнің бақытын тербеткен – Тәуелсіздік!» атты жас ақындардың жыр – мүшәйрасы өткізілді. Байқауға І және ІІ курс студенттерінен 10 жас ақын қатысты.

«Мектепке дейінгі тәрбие және оқыту» бөлімінде  2019 жылдың 12-желтоқсанда «Тәуелсіздік – еліміздің тірегі »  тақырыбында Ақтөбе гуманитарлық колледжінің МД-315 топ студенттері және топ жетекшісі  Ардақ Тұрғамбай жетекшілігімен танымдық-кеш өткізілді. Мақсаты: Студенттерге еліміздің тәуелсіздік алғалы  28 жыл ішіндегі жеткен жетістіктерімізбен таныстыру, білімдерін кеңейту. Отанды сүюге, ел байлығын қорғауға, болашақ Отанымыз Қазақстанды өркендетуге білімді адамдар керек екенін ұғындыру. Жаңа қазақстандық патриотизм және азаматтыққа тәрбиелеу, құқықтық тәрбиелеу, бүгінгі тәуелсіздікке қалай қол жеткенін зерделеу, оларды Отаны үшін отқа түсетін ел жанды, ел азаматы етіп тәрбиелеу.

2019 жылдың 12 желтоқсан күні Ақтөбе гуманитарлық колледжінде студенттердің өз мамандығына деген сүйіспеншілігін арттыру, болашақ жас мамандардың шығармашылық бастамаларын дамыту, оқу тәжірбиесінде алған білімдерін саралау мақсатында «Кітапханалық инновациялар көшбасшысы» атты “Кітапхана ісі” мамандығының студенттері арасында сайыс өтті.