Ақтөбе гуманитарлық колледжі

1.1. Ақтөбе гуманитарлық колледжінде студенттерді кәсіптік тәжірибеден өткізу оқу процесінің ажырамас бір бөлігі болып табылады. Оның негізгі мақсаты 1) білім алушылардың алған теориялық білімдерін тәжірибе жинақтау арқылы тереңдету, бекіту және мамандықтарына байланысты іскерлік дағдыларды қалыптастыру, 2) кәсіби бағдар беру жұмысын қамтамасыз ету; 3) еңбек нарығының сұраныстарына сәйкес теориялық оқыту мен өндірістік оқыту арасындағы өзара байланысты қамтамасыз ету; 4) қоғам мен еңбек нарығының өзгеріп отыратын сұраныстарына бейімделуіне ықпал ету; 5) еңбек ұжымы қызметіне тарту болып табылады. Білім алушылардың оқу-өндірістік тәжірибесі 27.07.2007 ж. Қазақстан Республикасы Білім туралы заңына, Қазақстан Республикасы Білім және ғылым министрлігінің 11.09.2013 жылғы №369 бұйрығы мен Қазақстан Республикасы Білім және ғылым министрлігінің 29.01.2016 жылғы № 107 бұйрығымен бекітілген «Кәсіптік практиканы ұйымдастыру мен өткізу қағидалары және практика базалары ретінде ұйымдарды айқындау қағидаларын» басшылыққа ала отырып, «Ақтөбе гуманитарлық колледжінде оқу, өндірістік  практиканы ұйымдастыру және өткізу туралы» Ережесіне және Мемлекеттік  жалпыға  міндетті   техникалық  және  кәсіптік  білім беру стандартына  және  оқу жоспарларына сәйкес   ұйымдастырылады.

Тәжірибенің мынадай түрлері бар:

1. Оқу тәжірибесі:
2. Өндірістік – технологиялық тәжірибе.

1.2. Тәжірибенің барлық түрінің мақсат-міндеттерін ҚР БҒМ  бұйрығымен   бекітілген кәсіптік  тәжірбие  үлгілік оқу  типтік бағдарламалар анықтайды.  Типтік бағдарлама негізінде тәжірибенің әр түріне сәйкес оқу жұмыс бағдарламалары жасалады. Оқу жұмыс бағдарламасы колледждің оқу-әдістемелік ұйымдастыру комиссиясы отырысында қаралып, директордың оқу -өндірістік ісі жөніндегі орынбасары бекітеді.

1.3. оқу жұмыс бағдарламасында тәжірибенің түріне байланысты түсінік беріледі, мақсат- міндеттері, өту мерзімі мен берілген сағат саны көрсетіледі, мүмкіндігінше тәжірибенің тақырыбы мен мазмұны жазылады (кейде мектеп бағдарламасының мазмұны салынады). Оқушылардың игеруге тиісті білім, білік, іскерлік дағдылары, білім алушылар мен әдіскерлердің міндеттері,    тапсыратын құжат түрлері, әдебиеттер беріледі. Типтік бағдарлама болмаған жағдайда адаптивтік жұмыс бағдарламасы жасалады.

1.4. тәжірибе бойынша оқу жоспарына, тәжірибе мерзіміне, өткізу орнына байланысты өзгерістер енгізуге болады,   енгізілетін өзгерістердің барлығына колледж директорының бұйрығы беріледі.

1.5. оқу, өндірістік тәжірибелерді  өткізу үшін оқу жылының басында база орны айқындалып, шарт жасалады. Шартта екі жақтың міндеттері, құқықтары көрсетіледі. Тәжірибе базасына материалдық-техникалық базасы, педагогтарының сапалық құрамы жоғары, колледж білім алушыларына әдістемелік көмек көрсетуге дайын мекеме алынады.

1.6. тәжірибе орнына білім алушыларды бөлу туралы колледж директорының бұйрығы тәжірибе басталатын күннен кемінде бір күн бұрын шығарылып, тәжірибе орнына бұйрық көшірмесі беріледі. 

1.7. өндірістік тәжірибелерді өту барысында қажеттілікке байланысты я  білім алушының өтінішіне сәйкес білім алушы базалық тәжірибе орны болып табылмайтын мекемеден тәжірибе өтуге ниет білдірсе, мекемеден сұраныс хат әкелу  немесе жеке оқушыны тәжірибеден өткізу туралы шарт жасасу арқылы көрсетілген мекемеге жіберілуі мүмкін.

1.8. тәжірибе қорытындысы бойынша сынақ баға қойылып, сынақ ведомосі толтырылады. Қойылған баға теория түрінде өтілетін пәндерге қойылатын қорытынды бағамен тең қарастырылып, білім алушының жалпы үлгеріміне әсер етеді.

1.9. тәжірибе қорытындысы бойынша қойылған сынақ бағасы  білім алушының сынақ кітапшасындағы «Оқу, өндірістік тағы да басқа тәжірибе түрлері» деген бөлімге түсіріледі.

1.10. тәжірибеге дәлелді себеппен (денсаулығына байланысты т.б.) қатыспаған білім алушы қатыспау себебі туралы анықтама қағазын әкелген соң тәжірибені сабақтан тыс уақытта өтейді. Ал делелсіз жіберген білім алушы үлгермеуші ретінде оқудан шығарылады.

1.11. тәжірибеге шықпас бұрын білім алушыларға тәжірибе түрі, мақсат-міндеттері, құжаттарды дұрыс толтыру, қорытындысы бойынша тапсыратын құжаттар тізімі айтылып, еңбекті қорғау, техника қауіпсіздігі және жол ережесі туралы инструктаж өткізіліп, арнайы журналға қол қойдырады.

1.12. тәжірибені қорытындылау үшін конференция өткізіліп, білім алушылардың жұмысы қорытындыланып, бағасы бекітіледі.

1.13. сырттай оқу білім алушылары үшін тек диплом алдындағы өндірістік тәжірибе қарастырылған (күндізгі оқу бөлімінде оқу жоспарында көрсетілген сағаттың 30% құрайды).

1.14. Мамандығы бойынша жұмыс жасайтын сырттай оқу білім алушысы жұмыс жасайтын орнынан анықтама әкеледі және жасаған жұмыстарының көшірмелерін тапсырады. Мамандығы бойынша не мүлде жұмыс жасамайтын білім алушылар өндірістік тәжірибе орнын өзі табады, тәжірибеден өтіп болған соң баға қойылған мінездеме, есеп, сабақ жоспары, т.б. құжаттар тапсырады.   

1.15. диплом қосымшасына практика түрлеріне байланысты бағалар қорытындыланып қойылады.

1.16. оқу орнында тәжірибе бойынша төмендегідей құжаттар жүргізіледі:

- оқу жылында тәжірибе уақыты көрсетілген оқу процесі кестесі (оқу орнының директоры бекітеді).

- еңбекті қорғау, техника және жол қауіпсіздігі ережесімен таныстыру туралы журнал.

- әр топқа арналған өндірістік оқытуды есепке алу журналы

- әр топтың тәжірибе қорытындысы бойынша  сынақ ведомостері.

- қорытынды конференция  материалдары.

- білім алушылардың тәжірибе құжаттары.

1.17. білім алушылардың тәжірибе құжаттары (мінездеме, есеп, күнделік, т.б) тексеріліп, бағаланған соң колледж мұрағатына сақтау үшін тапсырылады. Сақтау мерзімі іс номенклатурасына сәйкес.

1.18. базалық мекемелерге тәжірибе өткізгені үшін ақы төлеу бекітілген сметаға сәйкес жартыжылда бір рет  жүргізіледі.

1.19. тәжірибеге бекітілген колледж әдіскеріне ақы тарификация бойынша төленеді. Бекітілген әдіскерді басқа әдіскер ауыстырған жағдайда оқу бөлімі қосымша табель толтырып, заңда қарастырылған мөлшерде төленеді.

1.20. Фольклорлық практика ауыз әдебиеті үлгілерін жинау мақсатында практикалық жұмыс түрінде өткізілуі де, әдебиет тарихы, халық ауыз әдебиеті пәндерін тереңірек зерттеу мақсатында теориялық тапсырмалар орындау арқылы да өтілуі мүмкін. Фольклорлық практикаға ауыз әдебиеті үлгілерін жинау үшін ауылдық жерлерге (тұратын мекен –жайлары бойынша) жолдауға, өлкетану, этнографиялық, өнер мұражайларына саяхат ұйымдастыруға болады. 

ОҚУ ТӘЖІРИБЕСІ

Практика оқу жоспарына және оқу процесі кестесіне сәйкес колледж базасында немесе базалық тәжірибе орнында өткізіледі.  Мазмұны тәжірибенің оқу жұмыс бағдарламасына сәйкес ұйымдастырылады және өндірістік практиканың Ережесіне сәйкес жүргізіледі. Колледжде өтетін оқу тәжірибесі теориялық оқу түрінде өткізіледі, алдын ала кестесі жасалып, колледж директоры бекітеді. Өндіріс базасында өтілетін оқу тәжірибесі бұйрыққа сәйкес ұйымдастырылады, білім алушылар мұғалімнің, сыныптың қызметін бақылайды, талдайды, күнделік толтырады.

Оқу тәжірибесінің мақсаты:

А) оқушыларды бастауыш және негізгі мектепте оқу-тәрбие жұмыстарын жүргізе білуге үйрету.

Б) педагогика, психология және пән әдістемелерінен аған теориялық білімдерін жетілдіру, бекіту.

В) оқушылармен және жасөспірімдермен жұмыс істей білуге үйрету.

Г) мамандыққа деген сүйіспеншілікке тәрбиелеу.

Оқу тәжірибелері:

• медико- санитарлық дайындық ;
• табиғаттану және экология (жаратылыстану)  (табиғатпен, айналадағы құбылыстармен таныстыру);
• педагогикалық қызметке кіріспе
• сыныптан тыс жұмыс технологиясы
• жұмысшы мамандық бойынша (білім алушының таңдау пәні бойынша)
• интернетпен жұмыс (компьютерлік технология)
• байқау тәжірибесіне дайындық
• жазғы тәжірибеге дайындық;
• фольклорлық
• диплом алдындағы тәжірибеге дайындық;
• таныстыру,танымдық
• оқу тәжірибесі
• мамандандыру
• бағдарламалау
• Желілік технология
• Объектілі бағытты бағдарламалау
• Микропроцессорлық техника негіздері
• БҚ өңдеу технологиясы
• ЭЕМ операторы (Жұмыс кәсібі)
• АЖ ақпаратпен қамтамасыз етуін құру және жүргізу
• Unix ОЖ бойынша
• Программаны сүйемелдеу мен құру

ӨНДІРІСТІК –ТЕХНОЛОГИЯЛЫҚ ТӘЖІРИБЕ

Педагогикалық 0105000 «Бастауыш білім беру» (0105013 «Бастауыш білім берудің мұғалімі», 0105033 «Шетел тілінен бастауыш білім беру мұғалімі» біліктіліктері бойынша), 0101000 «Мектепке дейінгі тәрбие және оқыту», 0111000 «Негізгі орта білім» (0111063 «Математика мұғалімі», 0111013 «Қазақ тілі мен әдебиеті мұғалімі», 0111033 «Орыс тілі мен әдебиеті мұғалімі»), 0107000 «Технология», 0108000 «Музыкалық білім беру» мамандықтар үшін практиканың басты мақсаты:

1. Студенттерді жалпы білім беретін мектептерде, мектепке дейінгі ұйымдарда оқу-тәрбие жұмыстарын өз бетімен ұйымдастыру, өткізу, қарым-қатынас және тәрбиенің негізгі міндеттерін шешуде шығармашылық жол табуға, балалардың психологиялық ерекшеліктерін білу.
2. Балалар ұжымы мен жас өспірімдермен жұмыстануға, әдістемелік әдебиеттермен жұмыс істей білу және практикалық жұмыста қолдана білуге үйрету.
3. Педагогика, психология және пән әдістемелерінен алған теориялық білімдерін тереңдету, бекіту.
4. Педагогикалық мамандыққа сүйіспеншілікпен қарау.
5. Үздіксіз практика студенттердің болашақ жұмысына бағыт берудегі қорытынды теориялық, практикалық дайындығының соңғы кезеңі. Осы практика барысында студенттер өзбетімен жұмыстануға білік пен дағдыны меңгереді.

0401000 «Кітапхана ісі», 1304000 «Есептеу техникасы және бағдарламалық қамтамасыздандыру»   мамандықтары үшін:

 -  Мамандықтары бойынша жұмысты өз беттерімен ұйымдастыру.

 - мамандығы бойынша жұмыс жүргізудің әдет-дағдыларын, іскерліктерін игеру;

                               ТӘЖІРИБЕНІ БАСҚАРУ

Колледж әкімшілігінің міндеті:

1. Практиканы өткізуге қажетті жағдайлар туғызады, жалпы басшылық жасайды.
2. Практика базасын анықтайды, мекемелермен тәжірибеден өткізу туралы шартқа отырады.
3. Шартта қаралған міндеттерді орындайды.

Директордың оқу -өндірістік ісі жөніндегі орынбасары:

1. Оқу-өндірістік практиканы жоспарлайды, ұйымдастырады, өткізеді және нәтижелерін есепке алады;
2. Тәжірибе базаларын, педагогикалық практика өтетін мектептерді, мектепке дейінгі ұйымдарды таңдайды, келісімшарт жасайды.
3. Машықкерлерді тәжірибе орындарына, мектептерге бөледі, машықкерлерге нұсқау береді;
4. Білім алушыларды педагогикалық тәжірибеге жолдау туралы бұйрық жобасын әзірлейді;
5. Тәжірибе бойынша бастапқы және қорытынды конференция ұйымдастырады, қатысады ;
6. Тәжірибе базаларына барады, тәжірибе жұмысын бақылайды, жетілдіру және анықталған кемшіліктерді жою жұмыстарын жүзеге асырады.
7. Тәжірибеге ақы төлеу үшін сағаттарын есептейді, есеп бөліміне табель тапсырады.
8. Колледж әдіскерлері мен тәжірибеге бекітілген жетекшілердің жұмысына бақылау жасайды.
9. Тәжірибеден өтушілердің сабақтарына, сыныптан тыс шараларына қатысады, сабағын, өткізген шарасын талдайды, бағалайды.
10. Тәжірибеден өтушілердің құжаттарын тексереді, қорытынды бағасын қояды.

Практика жетекшісінің (әдіскердің) міндеті:

1. Машқкерлерді шағын топтармен сыныптарға, топтарға бөлу.
2. Мектептің оқу ісінің меңгерушісі мен мұғалімдеріне практиканың мақсаты мен мазмұны, ұйымдастырылуы туралы түсінік беру және өздеріне жүктелетін міндеттерімен таныстыру.
3. Практика басталар алдында машықкер-студенттермен нұсқау беру мақсатында жиналыс өткізу, мақсаты мен міндеттерін түсіндіру.
4. Машықкерлердің сабақтары мен шараларына қатысу, талдау барысындағы жетістіктері мен кемшіліктері туралы күнделіктерге жазу.
5. Үздіксіз практика аяқталғаннан соң студент-машықкер құжаттарын жинау, тексеру, құжаттарды тәжірибе бөліміне тапсыру.
6. Мұғаліммен бірлесе отырып машықкердің жұмысын бағалау.
7. Директордың ОӨ ісі жөніндегі орынбасарына мұғалімге төленетін ақы жөнінде есеп беру.
8. Практиканың қорытындысы бойынша өткізілетін конференцияға қатысу, машықкердің  жақсы баяндамаларын таңдау.
9. Практика аяқталғаннан кейін тәжірибе бойынша өндірістік оқыту  журналын, сынақ ведомосі мен сынақ кітапшасын толтыру.  
10. Машықкерлердің әрқайсысына жеке әдістемелік нұсқау және байқау сабақтары мен сыныптан тыс шаралардың конспект жоспарын бекітеді.
11. Машықкерлердің байқау сабақтары мен сабақтан тыс шараларына қатысады, талдау жасайды және бағалайды.
12. Мектеп мұғалімдеріне көрсету сабағы мен шарасын өткізуге көмек береді.
13. Тәжірибе уақытында білім алушылардың өмір қауіпсіздігіне жауап береді.

Бөлім меңгерушісі мен топ жетекшілерінің міндеті:

1. Директордың оқу- өндірістік ісі жөніндегі орынбасарына, әдіскерлерге қажет болған жағдайда тәжірибені ұйымдастыруға, өткізуге, көмек көрсетеді.
2. Оқу және өндірістік тәжірибе барысында өз бөлімінің білім алушыларының тәжірибеге қатысымын бақылайды, жоқ оқушылардың қатыспау себебін анықтайды, қатысым бойынша оқу бөліміне есеп береді.

Тәжірибе орны басшылары мен қызметкерлерінің міндеттері:

1. Машықкерлерді қабылдау, практика жетекшісімен бірлесе отырып топшаларға бөлу, жұмыс орнымен таныстыру.
2. Машықкерге тәжірибелі әдіскер бекіту, оқу-тәрбие жоспарымен таныстыру.
3. Көрсету сабақтарын өткізеді, әдістемелік, көрнекілік құралдарды табуға, жасауға, пайдалануға үйретеді.
4. Күнтізбелік тақырыптық жоспарға сәйкес сабақ тақырыбын анықтайды, сабақ жоспарын құруға көмектеседі, кеңес береді.
5. Тәрбие жоспарына сәйкес тәрбие сағаттарын, сыныптан тыс шаралардың тақырыбын береді, дайындауға көмектеседі.
6. Байқау сабақтарына, сыныптан тыс шараларына қатысады, талдайды және бағалайды.
7. Тәжірибеден өтушілерді сыныптың оқу құжаттарымен, оқушылардың жеке іс құжаттарымен таныстырады, оқушылармен, ата-аналармен жұмыс жасауға тартады.
8. Тәжірибе қорытындысы бойынша мінездеме береді, қорытынды конференцияға қатысады.

 Ақтөбе гуманитарлық колледжі білім алушылары- машықкерлердің міндеттері:

1. Мекеменің ішкі ережелеріне бағыну, мекеме басшысы, практика жетекшісі, сонымен қатар оқытушылар мен әдіскерінің тапсырмаларын тиянақты орындау.
2. практика бойынша күнделік жүргізу, тиісті құжаттарды уақытында дайындау, белгіленген мерзімде тапсыру.
3. Еңбекті қорғау, техника қауіпсіздігі ережелерін, еңбек тәртібін қатаң сақтау.
4. Практика бағдарламасына сәйкес қарастырылған барлық тапсырмаларды орындау.
5. Бекітілген кестеге сәйкес байқау сабақтарын, сыныптан тыс, тәрбиелік шараларды  өткізу.
6. Басқа машықкерлердің байқау сабақтарына, сыныптан тыс, тәрбиелік шараларына қатысу, талдау
7. Тәжірибе орнында кішіпейіл, әдепті болу

Үздіксіз практика аяқталған соң студент-машықкер төмендегі құжаттарды тапсыру керек 

1. Практика күнделігі.
2. Жасаған жұмыстары туралы жазбаша есебі.
3. Студентке мекеме басшысы бекіткен мінездеме.
4. Портфолио (тәжірибе түріне байланысты өткізілген іс-шаралар материалдары, сабақ жоспары, тәрбие сағаттарының жоспары мен көрнекіліктері, т.б.)

Кітап дегеніміз  – алдыңғы ұрпақтың артқы ұрпаққа қалдырған рухани өсиеті. Кітап оқудан тыйылсақ, ой ойлаудан да тыйылар едік.

Ғ. Мүсірепов

Ескарина Райла Жақсыбайқызы - кітапхана меңгерушісі, білімі жоғары,  жалпы жұмыс өтілі 14 жыл, соның ішінде осы колледждің кітапханасында 4 жыл.

Қобландина Найла Сенбайқызы – кітапханашы, білімі жоғары,  жалпы жұмысы өтілі 16 жыл, соның ішінде осы колледждің кітапханасында 3 жыл.

Колледж  кітапханасының қызметі туралы ақпарат

     Тәуелсіз елді өркениетті әлемге танытатын, дамыған елдер қатарында терезесін тең ететін күш-білім және білімді ұрпақ.
     

     Білімді ұрпақ – егеменді елдің берік тірегі. Біз білімді ұрпақ, білімді тұлға дегенде рухани жан - дүниесі бай, білім мен біліктілігі жоғары, талап - талғамы терең, салауатты өмір салтын дұрыс қалыптастырған тұлғаны айтамыз. Түбегейлі өзгерістерге бет бұрған жаңа қоғамда тек білімді болу, жеткіліксіз, сондықтан әрбір жеке тұлғаның бойында адамгершілік, ізгілік, кішіпейілділік, қайырымдылық, батырлық, отансүйгіштік, тағы басқа қасиеттер болу керек.

     Бүгінгі студент ертеңгі ел маманының еліне, жеріне деген сүйіспеншілігінің артуы, олардың бойында ұлттық намыс, отаншылдық, адамгершілік қасиеттерінің ұлғая түсуі жолында кітапхана қызметкерлері  халқымыздың қилы тарихын, өнегелі әдет - ғұрпы мен салт - дәстүрін, мәдени мұраларын, әдебиет қазыналарын, тереңнен толғайтын сөз өнерін оқырмандарға кітап арқылы насихаттай білуі қажет. Студенттермен жұмыс жасай отырып, кітапханаға деген құрметі мен сүйіспеншілігін қалыптастыру- кітапхана қызметінің негізгі міндеттерінің бірі.

     Ақтөбе гуманитарлық колледжі – Ақтөбе  аймағындағы беделді, қазіргі заман талабына сай бәсекеге қабілетті маман дайындайтын техникалық және кәсіптік білім беретін іргелі оқу орындарының бірі. Бүгінгі таңда оқу орны еңбек нарығында сұраныстағы 12  мамандық бойынша орта буын мамандарын даярлайды.   

Кітапхана сипаттамасы

    Ақтөбе гуманитарлық колледжі  кітапханасы 1922 жылы оқу орны құрылған уақыттан бастап жұмыс жасайды.  Кітапхананың жалпы ауданы 160,4 м², кітапханадағы отыратын орындардың жалпы саны  - 40.

Мақсаттары мен мінеттері:

• студенттер бойына ұлттық сана-сезім мен ұлттық рухани тәрбиені ұялататын мәдени-рухани бірегей орталығы болып табылуына қызмет ету;
• заманның ағымына ілесе отырып, көп салалы толыққанды ақпаратпен оқырман сұранысын, талаптарын қанағаттандыру;
• кітаптарды насихаттаудың түрлі формалары мен әдістерін ұйымдастыру арқылы оқырмандардың кітап оқуға  қызығушылықтарын арттыру, жан-жақты дамыған жеке тұлғаны қалыптастыруға көмектесу, кітапханамыздағы бай мұрамызды халыққа жүйелі, кәсіби түрде жеткізу;
• жаңашыл үрдістерді жұмыс барысында енгізу, озық іс-тәжірибелерді зерттеу және қолдану.

     Кітапхана – кітап арқылы жеке адамның жан-жақты білім алып, саяси санасын қалыптастырып, ғылыми, кәсіби, мәдени дәрежесінің дамуына әсер ететін бірден-бір әлеуметтік орын.

     Кітапхана – өзінің барша ізгі ниетті оқырмандарын қатпары терең білім қорымен сусындатып, іздегендерге ізгілікпен бағыт көрсететін ғылыми, мәдени орта.

     Қазіргі таңдағы колледж кітапханасы – колледждің ақпараттық ресурсы оқу-білім үрдесінде ақпараттық технологияларды кеңінен пайдалануға ықпал етіп және бұл іске жауапкершілікпен қарау – бүгінгі кітапхананың басты міндеті мен талабы;

     Колледж кітапханасы интернет желісіне қосылған, сондай-ақ, видео және  фотожабдықтар колледжде өткізілетін барлық шаралар үшін қолданылады.

     Колледжде  aktobeagk.edu.kz, This email address is being protected from spambots. You need JavaScript enabled to view it.   электронды поштасы қызмет етеді.  Сайтта кітапхананың арнайы AГК – парағы ашылған. АГК– парағынан кітапхана туралы барлық мәліметтерді тауып алуға мүмкіндік бар. Кітапханамызда 11 компьютер, 1 принтер және сканер орналасқан.  Кітапхана іс-қағаздарын жүргізу үшін электронды поштаны қолданады. Кітапхана  қажеттілігі үшін есептеу орталығы қызмет етеді. Кәсіптік бейімдеу жұмыстарын жүргізу аясында жарнама материалдары жасалады, ақпараттар сайтқа енгізіледі. Ақпараттың сақталуы, өзектілігі және тұтастығы сайтта жаңартылып отырылады. Ақпарат алмасу үшін электронды пошта, телефон, интернет, факс байланыс құралдары қолданылады.

Кітапхана құрылымы

• Абонемент
• Оқу залы
• Көркем әдебиет бөлімі 

 Колледж  кітапханасының  негізгі ұстанымы

• жоғарғы ақпараттылықпен  оқу орнының профиліне сәйкестілігінің болуына;
• баспа нарығында ақпараттық өнімдердің сапалы және толық іріктелуіне;
• қордың әрдайым жаңартылуына көңіл бөлу.

Кітапхана келбеті

 Колледж кітапханасы - пайдаланушылардың талаптарын толық және жедел қанағаттандыруға бағытталған қазіргі замандағы  ақпараттық технологиялар негізінде қызмет ететін инновациялық  ақпарат орталығы.

Біздің ресурстар:

Кітап қоры – 71 361дана

       Оның ішінде:

• Оқулық, оқу құралы – 53 228
• Оқу әдістемелік құралдары – 9 794
• Көркем әдебиеттер – 8 339
• Электрондық оқулықтар - 52
• Мерзімді басылымдар - 120

Кітапхананың ақпаратты іздестіру жүйесі 

• алфавиттік, жүйелік, пәндік каталогтар;
• мақалалардың жүйелік  картотекасы;
• тақырыптық және арнаулы картотекалар;
• Интернет желісі;

      Іскерлік байланыстар

• С.Бәйішев атындағы облыстық  әмбебап -ғылыми кітапханасы
• С. Жиенбаев атындағы жасөспірімдер кітапханасы
• Қ. Жұбанов атындағы Ақтөбе  өңірлік  мемлекеттік университеті
• Ақтөбе облыстық  ғылыми - тәжірибелік орталығы
• Ақтөбе қаласындағы колледж кітапханалары

Кітап  қорын толықтыру көздері

Кітапхана  кеңесі:  5 адамнан құралған.

Кеңес төрайымы: 

1. Б.М. Жамекова -директордың оқу-әдістемелік ісі жөніндегі орынбасары

Мүшелері:

2. Р.Ж. Ескарина  - кітапхана меңгерушісі;
3. Г.К. Даулеткалиева - «Кітапхана ісі» мамандығының оқытушысы;
4. Н.С. Қобландина – кітапханашы;
5. А.Б. Сақабаева - «Ктх -205»-топ студенті.

Кітапхана белсенділері  25 студенттен құралған.  

Ақпаратты  игерген ұтады   

Колледж кітапханасы уақытпен  қауымдасып дәстүрлі бағыттан инновациялық бағытқа көшуде. Оқу залында 10 компьютер жұмыс жасайды, барлығы интернет желісіне қосылған. Колледж оқытушылары мен студенттері өз білімін жетілдіруге түрлі ақпарат көздерін пайдалануға мүмкіндігі мол. Ақпаратты игерген кітапханалар ғана  көшбасшы  бола  алады.

Біздің  басымдықтар:

Интернет - әлемдік кеңістіктен ақпаратты іздестірудің басты ақпарат ортасы.

Біздің мақсат – сапалы қызмет

Кітапхана  Сіздің  ақпараттық қажетіңізді толық қанағаттандыруға,   Сіздің оқу және кәсіби біліміңізді  арттыруға, уақытыңызды  ұтымды пайдалануға мүмкіндік береді.

Пайдаланушылардың мүмкіндіктері:

• алфавиттік,  жүйелік, пәндік каталогтар;
• мақалалардың жүйелік картотекасы;
• тақырыптық және арнаулы картотекалар;
• Интернет желісі;
• библиографиялық көрсеткіштер, анықтамалар, энциклопедиялар;
• электронды пошта;
• ақпаратты электронды түрде жеткізу;
• анықтамалық библиографиялық қызмет көрсету;
• электрондық оқулықтар

2018-2019 оқу жылының жоспары бойынша жүргізілген көпшілік іс-шаралар

Колледж кітапханасында жоспарлы түрде  көпшілік іс-шаралар өткізіледі.

«Бір ел - бір кітап» акциясына байланысты Шәкәрім Құдайбердіұлының  «Шәкәрімнің – асыл мұрасы» атты әдеби кеш өтті.

Мақсаты: Жас ұрпақтың бойына ұлы бабамыз Шәкәрім Құдайбердіұлы шығармаларының көркемдік және әдеби құндылығын насихаттау. Ақын өлеңдерін жатқа айту арқылы мәнерлеп оқудың қыр – сырын аша білу. 

Қазақтың көрнекті ақыны Өтежан Нұрғалиевтің  80 жылдық мерей тойына арналған «Ақиқаттан айнымаған қалам»  тақырыбындағы поэзия кеші өтті.

Мақсаты: Өтежан Нұрғалиевтің өмірімен таныстыру, шығармаларының мазмұнын ашып, шығу тарихы туралы мәлімет беру. Ақынның туындыларын көрермендерге кеңінен таныстыру. Студенттерді кітап оқуға баулу.

«Кітап. Жастар. Ақпараттық технология» атты жоба  ұйымдастырылды.

Мақсаты: Колледж студенттеріне ұлттық әдебиетіміздегі ең үздік деген туындыны оқу және насихиттау, оқуды ілгерілету, рухани мұратымызды сақтау, сондай-ақ, жастарды отаншылдыққа әрі өнегелікке тәрбиелеу. Жоба студенттердің отандық әдебиетке, оның ішінде классикаға, әдебиетке деген қызығушылығын арттыру.  

23 сәуір- Дүниежүзілік кітаптар және авторлық құқық қорғау күніне орай ұйымдастырылған кітап инсталляциясынан көрініс

Колледждің оқу залында Қазақстан Республикасының Тұңғыш Президент күніне арналған «Әлем таныған кемел тұлға» атты кітап көрмесі ұйымдастырылып, көрмеге библиографиялық шолу өткізілді.

Мақсаты:  

1.Қазақ халқының тұңғыш президенті Нұрсұлтан Әбішұлы Назарбаевтың өмір жолы, туып-өскен, оқып білім алған, қызмет еткен жерлері туралы мағлұмат беру;

2.Елбасының өмір жолынан үлгі ала отырып Отанын, халқын сүюге, ержүректілікке, азаматтыққа, ұлттық патриоттық сезімге тәрбиелеу;

3.Шәкірт жүрегінде елбасына деген сүйіспеншілік сезімін ояту, құрметтеу.

Студенттердің  ой –өрісін дамытып,  біліктілігін, ізденімпаз шығармашыл тұлға болып қалыптасуына кітапхана қызметкерлерінің қосар үлесі мол. 

Қазіргі ақпараттандыру технологиясы дамыған заманда мемлекетіміздің болашағы - жас ұрпаққа заман талабына сай білім беру мен оқытудың озық технологияларын меңгеру қажеттілігі туындап отыр. Көп ізденуді және оқуды талап етеді. Осыған байланысты болашақта электронды кітапхана алу жоспарлануда. 

2016 жылдың 19 қараша күні облыс әкімі Бердібек Машбекұлы Сапарбаев колледжімізге келіп, материалдық-техникалық базасы, оқу-тәрбие үрдісіндегі қол жеткізген жетістіктерімізбен танысты. Әкімнің біздің оқу орнымызға келуі, жастар, болашақ иелері үшін үлкен мәртебе екенін атап өткен жөн.

Колледж хор ұжымының қол жеткізген жетістіктерімен облыс әкімін Бердібек Машбекұлы Сапарбаевқа жетекшісі М.Куспановтың таныстыруы

Студенттердің түрлі байқауларға ұсынып, жүлделі орындарды иеленген жұмыстарымен таныстыру сәтінен

Дәсүрлі оқу жылының соңында өтетін «Ұстаз. Жастар.Болашақ -2016 » марапаттау салтанатында колледж директоры Ералы Ғұбайұлы Нұрғалиев жетістікке жеткен оқытушыларды марапаттау кезі

Дәсүрлі оқу жылының соңында өтетін «Ұстаз. Жастар.Болашақ -2016 » марапаттау салтанатында колледж директоры Ералы Ғұбайұлы Нұрғалиев жетістікке жеткен студенттерді марапаттауы

Қазақстан Республикасы Тәуелсіздігінің 25 жылдығына арналған «Тәуелсіздік тұтқасы – бізге аманат» колледжішілік дебат- танымдық зияткрлік турнирі болып өтті. Талқыға салынған өзекті мәселе:«Қазіргі Қазақстан жастары патриот, патриот емес» Турнирдің мақсаты: Қазақстан Республикасы Тәуелсіздігінің 25 жылдық мерейтойын ауқымды түрде насихаттау, оқытушылар арасындағы саяси сауаттылығының артуына ықпал ету.

Дебатқа колледждің «Бастауыш білім беру», «Мәдениет және саз», «Мектепке дейінгі тәрбие және оқыту» «Математика және ақпараттық жүйелер» бөлімдерінің оқытушылары қатынасты. Бөлім бойынша 3 оқытушыдан құралған команда өзара сайысқа түсіп, алынған тақырып бойынша өздеріне берілген мәселені талқылауда асқан шеберліктерін көрсете білді. «Әділқазылар алқасы кеңесе отырып, «Мәдениет және саз» бөлімінің оқытушысы Куспанов Мербол Оразбекұлын «Үздік спикер» деп танып, жүлделі ІІІ орынды «Мәдениет және саз» және «Мектепке дейінгі тәрбие және оқыту» мамандықтары, жүлделі ІІорынды «Бастауыш білім беру» мамандығы, жүлделі І орынды «Математика және ақпараттық жүйелер» мамандығы иеленіп, марапатталды.

«ZIAT» Ғылыми – әдістемелік орталағымен «Ең үздік ғылыми жоба» атты ІІІ Республикалық ғылыми жұмыстар сайсында студенті жоғары жетістікке қол жеткізіп, жүлдегер атанғаны үшін Жанар Төрежанқызы марапатталды.

«ZIAT» Ғылыми –әдістемелік орталағымен «Ең үздік ғылыми жоба» атта ІІІ Республикалық ғылыми жұмыстар сайысында ІІ орынға ие болған Қалышева Аңсаған (жетекшісі Жанар Төрежанқызы) марапатталды.

Диплом и степени награждается Майлыбай Фариза Лауреат Республиканского творческого конкурса «Воды Казахстана: качество воды для жизни и отдыха» руководитель Құдайберген С.П.

Қазақстан Республикасының Тәуелсіздігінің 25 жылыдғына орай оқушылар мен тәрбиеленушілерге арналған «Тәуелсіздік -тұғырым» атты көркемсурет байқауында І орын С.Несипбаева, М.Сағынбай берілді.

Техникалық және кәсіби білім беру ұйымдарының студенттері арасындағы Қақастан Республикасының Президенті күніне арналған «Әлеуетті Қазақстанда Президентпен бірге» атты облыстық ғылыми конференцияда А.А.Сәлімкереева (жетекшілері Б.М. Жамекова, Ж.М.Адилова) марапатталды.

Ағылшын тілі пәні педагогтардың арасында ұйымдастырылған облыстық олимпиадада терең білімі мен кәсіби шеберлігін жоғары деңгейде танытқаны үшін колледжіміздің ағылшын тілі пәні оқытушылары І дәрежелі дипломмен Г.К.Дильмухамедова, А.Ж.Мулкаманова, Ж.С.Жаманкулова, К.А.Еспанова. марапатталды.

Қожа Ахмет Яссауидің өмірден озғанына 850 жыл толуына байланысты ұйымдастырылған «Қожа Ахмет Яссауидің өмірі мен еңбектерінің түркі халықтарының тарихында алатын орны мен ролі» атты студенттер арасында баяндама оқуларында жеңіске жеткені үшін І дәрежелі дипломмен Көлбаева Ақмарал (жетекшісі: Тұрғамбай Ардақ) марапатталды.

«Педагог – психолог портфолиосы» тақырыбындағы облыстық сырттай байқауында кәсіби шеберлігін танытқаны үшін колледж психологі Б.Б.Нурмукашева І дәрежелі дипломмен марапатталды.

Информатика пәнінің оқытушысы Ақтолқын Бөрібай мен Айгуль Курманбекованың ұйымдастыруымен «АКТ-ны кіріктірілген сабақтарда қолдану жолдары» тақырыбында коучинг сабағы өтті. Коучинг сабағының мақсаты: оқу-тәрбие үдерісін ұйымдастыруда ақпараттық технологияларды пайдалану жолдарын көрсету және білім беруде жаңа оқыту технологияларын қолдану, үздік ғылыми жетістіктерді пайдалану. Қатысушыларға Kahoot ойын платформасы көмегімен тест тапсырмасын құрастыру және оны орындау тәсілдерін көрсете отырып, жүргізді.

«Шетел тілі», «Информатика және ақпараттық жүйелер» оқу-әдістемелік бірлестіктерінің «Жаңартылғанбілімберумазмұны – оқытушыныңкәсіптік іс-әрекетінің негізі» тақырыбындағы онкүндігі аясында шетел тілі пәні оқытушысы Амантаева Заура “Complex object. Object with prepositions to, for” тақырыбында ашық сабақ өткізді.

«Жаңартылған білім беру мазмұны оқытушының кәсіптік іс – әрекетінің негізгі»  тақырыбындағы «Шетел тілі » «Информатика және ақпараттық  жүйелер» оқу – әдістемелік бірлестіктерінің онкүндігі аясында 25.10.18. шетел тілі пәні оқытушысы Жумашева Динара  «The famous actors in Kazakhstan. Pronounsmuch, many, little, few. »  тақырыбында ашық сабақ өткізді.

«Жаратылыстану, дене тәрбиесі және АӘД»,  «Әлеуметтік­экономикалық» оқу-әдістемелік пәндер бірлестіктерінің «Оқу мен оқытудағы жаңашылдық - жетістік көзі»   онкүндігіні аясында биология және география пәні оқытушылары Света Құдайберген мен Ботагөз Жаркаеваның ұйымдастыруымен «Бастауыш кластарда жаратылыстану, дүниетану пәндерін оқыту ерекшеліктері»  тақырыбында дөңгелек үстел өтті. Дөңгелек үстелдің мақсаты: «Бастауыш білім беру» бөлімі студенттері әлеуметтік серіктес мектептердің бастауыш сыныптарға сабақ беретін мұғалімдерімен бірлесе отырып, жаңартылған білім мазмұнындағы жаратылыстану, дүниетану пәнін оқыту ерекшеліктері туралы ой бөлісу, тәжірибе алмасу. Дөңгелек үстелге Ақтөбе қаласының орта мектептерден  директордың бастауыш сынып жөніндегі орынбасарлары мен  бастауыш сынып мұғалімдері қатысып, жаратылыстану, дүниетану пәндеріндегі тәжірибелік жұмыстардың жүргізілуі, топсаяхат, заттық сабақтар және тірі табиғат бұрыштарында, географиялық алаңда жүргізілетін жұмыстар және жаратылыстану, дүниетану пәндеріне бөлінген жүктеме сағаттар, қалыптастырушы, жиынтық бағалау туралы өз тәжірибелерімен бөліссе, Ақтөбе гуманитарлық колледжінің  «Бастауыш білім беру» бөлімінің IV курс   студенттері  байқау тәжірибесінен  өту  кезіндегі кездескен қиындықтары мен оларды шешу жолдары туралы айтты.

«Жаратылыстану, дене тәрбиесі және АӘД», «Әлеуметтік – экономикалық» оқу–әдістемелік пәндер бірлестіктерінің «Оқу мен оқытудағы жаңашылдық – жетістік көзі» тақырыбындағы онкүндік аясында семинар–практикум өтті. Химия пәні оқытушысы  Нұрбол Токсанбаев, тарих пәні оқытушысы Ғайса Нурманов, биология пәні оқытушысы Мереке Сейтен «Колледжге бейімделген қысқы мерзімді жоспар дайындаудың әдіс–тәсілдері» тақырыбында семинар – практикум өткізді. Семинардың практикалық бөлімінде оқытушылар өздеріне берілген материалдарды қолдана отырып колледжге бейімделген қысқа – мерзімді жоспарлардың үлгілерін жасады және талдады.

2018-2019  оқу жылынан бастап колледжде гуманитарлық және жаратылыстану бағытындағы оқу-әдістемелік бірлестіктер өзара біріктіріліп, жұмыстар қолға алына бастады. Солардың бірі  «Қазақ тілі мен әдебиеті», «Математика  және физика» оқу-әдістемелік  бірлестіктерімен  бірлескен  «Жаңашылдық - жаңа  талап» тақырыбында мамандық онкүндігі  жоспарына сәйкес «Математика және ақпараттық жүйелер» бөлімінің оқытушылары  Алмагуль Канибекова, Мейрамгуль Уразтаева,  Замзагуль Жолмағамбетова “STEAM технология” тақырыбында семинар сабақ ұйымдастырды. Оқытушылар STEAM технологиясы туралы ақпарат бере отырып, студенттердің сыни ойлауын және проблемаларды шешу дағдыларын дамыту туралы тәжірибелерімен бөлісті.

Ақтөбе облыстық ғылыми-тәжірибелік орталығының жоспарына сәйкес Ақтөбе гуманитарлық колледжінде бірлескен жоспар негізінде  Қазақстан Республикасының Елордасы – Астана қаласының 20 жылдығына орай ұйымдастырылған «Студенттердің ғылыми ізденіс нәтижелері: талдау және мәселелер» тақырыбында  студенттердің ІІІ республикалық ғылыми-практикалық конференциясы өтті. Конференция  жұмысы қазақ, орыс, ағылшын тілдерінде жүргізілді. Студенттердің жұмысы алты секция бойынша өткізілді. Конференцияға 200-ден аса студент қатысты, соның ішінде Қарағанды мемлекеттік Е.А.Букетов атындағы университеті, Х.Досмухамедов атындағы Орал педагогикалық  колледжі, Астана жоғары медициналық колледжі, Қ.Дүтбаева атындағы Атырау гуманитарлық колледжі, Көкшетау жоғары медициналық колледжі, Ақтау гуманитарлық колледжі студенттерімен қатар, Қарағанды жоғары медициналық колледжі, Маңғыстау индустриалды техникалық колледжі, Батыс Қазақстан инженерлік-технологиялық колледжі, Маңғыстау туризм колледжі, Бейнеу гуманитарлық-экономикалық колледжі, Ақтөбе қаласы мен облысының 14 колледж студенттері  қатынасты.

Ақтөбе облыстық ғылыми-тәжірибелік орталығы, Ақтөбе облысының «Рухани жаңғыру» жобалық кеңсесімен бірлескен жоспар негізінде  2018 жылғы 15 қарашада Ақтөбе гуманитарлық колледжінің ұйымдастыруымен «Латын әліпбиіне көшу - болашаққа табысты қадам» тақырыбында студенттердің ғылыми-практикалық конференциясы өтті.Конференцияға Ақтөбе облысының колледждерінен 50-ден астам студенттер қатысты. Шараға қатысқан студенттер қазақ, орыс, ағылшын тілдерінде жұмыстарын қорғады.Студенттердің ғылыми-практикалық бағыттағы ізденушілік қабілеттерін, оларды дамыту мен көтермелеу бағытындағы жұмыстарын сараптау үшін Қ.Жұбанов атындағы Ақтөбе өңірлік университетінен, С.Бәйішев атындағы Ақтөбе Университетінен филология ғылымдарының кандидаттары және Ақтөбе облысының тілдерді дамыту басқармасына қарасты Тілдерді оқыту орталығының мамандары, Ақтөбе облысының «Рухани жаңғыру» жобалық кеңсесінің мамандары комиссия мүшесі ретінде  шақырылды. Конференцияға қатысушылардың жұмыстары үш бағытта сарапқа салынды.

Ақтөбе облыстық ғылыми-тәжірибелік орталығы мен Ақтөбе гуманитарлық колледжінің жұмыс жоспарына сәйкес «Бастауыш сыныптарда  критериалды  бағалауды  жүргізудің  әдістемесі» тақырыбында  облыстық оқу-әдістемелік семинар өткізілді. Семинарға бастауыш сынып мамандарын даярлайтын колледж  оқытушылары және әдіскерлер қатынасты. Колледждің тәжірибелі оқытушылары жаңартылған бағдарлама бойынша бастауыш сыныпта критериалды бағалауды жүргізудің әдістемесі туралы құнды ақпараттар беру арқылы проблемаларды шешу жолдарын табуға әдістемелік көмек көрсетті.

«Өрлеу» біліктілікті арттыру ұлттық орталығымен бірлескен «Мәдениет және саз бөлімі» оқытушыларының  ұйымдастыруымен  «Жаңартылған білім-болашақтың кепілі» атты облыстық семинар өткізілді.Семинарға облыс мектептері мен мектепке дейінгі ұйымдардың  музыка пәні мұғалімдері қатысты.

Ақтөбе облыстық  ғылыми – тәжірибелік орталығымен бірлескен   «Шеберліктің маржан тамшылыры» тақырыбында облыстық дөңгелек үстел болып өтті.Дөңгелек үстелдің мақсаты -жаңартылған білім мазмұнына сәйкес болашақ педагог мамандарды даярлаудың жетістік және кемшілік тұстарын анықтау, жетілдіру бағытында жұмыстарды жоспарлау.  Дөңгелек үстел қазіргі білім беру жүйесіндегі өзекті мәселелердің талқылануы бағытында өрбіді. Аталған шараға  «Өрлеу» ҰБАО Ақтөбе филиалының кафедра меңгерушісі А.М.Токсанбаев, аға оқытушы Ж.Г.Займолдина, облыстық  ғылыми – тәжірибелік орталығынан М.К.Жубандыкова және  А.А.Искендировалар, сонымен қатар қала және аудан мектептерінің жаңартылған білім беру бағдарламасы бойынша жұмыс жасайтын мұғалімдері қатысты. Талдауда төмендегідей арнайы мәселелер ұсынылды: бастауыш сынып  пәндері бойынша жаңартылған білім беру бағдарламасының құрылымы, мазмұны және мақсаттары туралы, жаңартылған білім беру бағдарламасына сәйкес қолданылатын тәсілдер және оларды қолдану ерекшелігі, белсенді оқудағы мұғалімнің ролі, дайындығы, жаңартылған білім беру бағдарламасындағы оқу мақсаттарына қол жеткізуде критериалды бағалау жүйесінің қолданылуы, оқушылардың қажеттіліктерін қанағаттандыру және кері байланыс. Семинар соңы  дөңгелек үстел барысындағы талқыланған мәселелер төңірегінде айтылған пікірлерді  қорытындылап, ұсыныстар айтумен аяқталды.           

2017-2018 оқу жылынан бастап колледжде «Кәсіби шеберлік» мектебі эксперименттік алаңы жұмыс жасайды. «Кәсіби шеберлік» мектебінің мақсаты - шеберлік білімнің жаңа құбылыстарын түсінетін, көзқарастар жүйесіне ие,идеялық-адамгершілікті, мәдени және этикалық қағидаларды ұстанатын, әлеуметтік жауапкершілікті қызметке және тез өзгергіш әлемдегі үздіксіз білім алуға дайын болуды қамтамасыз ететін, жан-жақты, білімді, әлеуметтік белсенді шығармашылық тұрғыда дамитын тұлғаның қалыптасуына көмектесетін шыңдалған оқытушыларды дамыту, сонымен қатар оқытушылардың  өзара тәжірибе алмасуы, өздігінен білім көтеруі, кәсіби құзыреттілігін көтеру арқылы өз ісінің шеберін дайындау. «Кәсіби шеберлік мектебі» жоспарына сәйкес қазақ тілі пәні оқытушысы Ляззат Балгазиева мен Акпатша Алдонгарова «Оқыту мен оқудағы жаңа тәсілдер, диалогтік оқыту» тақырыбында әдістемелік семинар өткізді. Семинарға қатысушылар диалогтік  оқытуды сабақ беру барысында енгізудегі қолданылатын әдіс-тәсілдері туралы мол мағлұмат алды.

«Кәсіби шеберлік» мектебінің жоспарына сәйкес педагогика пәнінің  оқытушылары Назира Бурибаева мен Райгуль Булебаеваның ұйымдастыруымен «Сыни тұрғысынан ойлауға үйрету» тақырыбында  семинары өтті . Семинар барысында қатысушылар тәжірибеге сүйене отырып, сыни тұрғыдан ойлаудың педагогикалық әдіс тәсілдерді қолдануды меңгерді. Семинар мазмұны арқылы қатысушылар жаңартылған  білім беру жүйесіне орай біршама мағлұмат алды.

«Кәсіби шеберлік мектебі» жоспарына сәйкес орыс тілі пәні оқытушысы Гульзира Абдуллина және ағылшын тілі пәнінің оқытушылары Айгуль Курманбекова және Индира Амантаева «Оқушылардың жас ерекшеліктеріне сәйкес оқыту және оқу» тақырыбында семинар өткізді. Семинарға қатысушылар топпен жұмыс жасауда бастауыш, орта және жоғары сынып оқушыларын дамыту және тәрбиелеу ерекшеліктерін зерттеп, талқылады.

«Кәсіби шеберлік» мектебінің жоспарына сәйкес оқытушылар Б.К.Жаркаева мен Г.К.Изтлеуованың ұйымдастыруымен «Оқыту мен оқуда ақпараттық - коммуникациялық технологияларды қолдану» тақырыбында оқыту семинары өтті. Семинар барысында оқытушылар белсенділік танытып, ақпараттық материалдардың  пайдаланудың оңтайлы тәсілдерін  үйренді.

«Кәсіби шеберлік» мектебінің жоспарына сәйкес математика пәні оқытушылары Гайни Жунусова, Алмагуль Канибекова, Мейрамгуль Уразтаеваның ұйымдастыруымен «Оқыту үшін бағалау және оқуды бағалау» тақырыбында оқыту семинары өтті. Семинарда жаңартылған білім беру мазмұнына сай критериалды бағалаудың  маңыздылығы көрсетілді. Барлық жұмыс түрлері тиімді әдіс –тәсілдерді қолдана отырып жүргізілді. Семинарға қатысушылар жүргізілген іс-шара мен оның маңыздылығына оң бағаларын берді.

«Кәсіби шеберлік» мектебінің жоспарына сай педагогика пәнінің оқытушысы Ирина Умарова, орыс тілі мен әдебиеті пәнінің оқытушысы Эллина Карасаева деңгейлік бағдарлама бойынша «Жаңа білім мазмұны: топтық жұмыс» тақырыбындағы колледжішілік оқыту семинарын өткізді. Семинар барысында қатысушылар шағын топтарда бірлесіп жұмыс жасауды: формальды түрде жұмыс істейтіндер мен белсенді  жұмыс істейтіндер арасындағы айырмашылықты ескере отырып шағын топтарда жұмыс жасауды ұйымдастыру жұмыстарымен танысты.

«Кәсіби шеберлік» мектебінің жоспарына сәйкес оқытушылар Мейрамкүл  Жусупова, Рабиға Шаңғалаева,  Шолпан Шумакованың ұйымдастыруымен «Талантты және дарынды балаларды оқыту» тақырыбында  семинар өтті. Семинардың мақсаты   талантты және дарынды қабілетті ынталандыру арқылы, топтағы белсенділікті арттыру. Ұйымдастырушылар тірек сөздерге ұйқас өлең жолдарын құрастыру, түрлі түсті қағаздан тақырыпқа байланысты шығармашылық жұмыс жасау, есте сақтау қабілетін арттыратын ойын әдістерін қолданып, қатысушыларды қызықтыра білді.

«Кәсіби шеберлік» мектебінің жоспарына сәйкес Кабира Ниетбаева  «Сын тұрғысынан ойлауға үйрету» тақырыбында оқыту семинарын өткізді. Семинар барысында сын тұрғысынан ойлауды дамытудың  бірнеше әдіс - тәсілдері ұсынылды.

«Кәсіби шеберлік» мектебінің жоспарына сәйкес оқытушылар Анаргүл Нұрасқанова мен Гүлнар Бультенованың ұйымдастыруымен «Басқару және көшбасшылық» тақырыбында  оқыту семинары өтті. Оқыту семинарында қатысушылар топтаса жұмыс атқара отырып, көшбасшылықтың  ерекшеліктерін айқындаумен қатар, топтағы студенттердің қасиеттері мен қабілеттерін қолдана отырып, оларды көшбасшы мақсатын іске асыруға бағыттай алатын тиімді жолдары көрсетілді.

Педагогика кадрларыныңбіліктілігінарттырукурстарынұйымдастыружәнежүргізуқағидаларынбекітутуралыережесінен ҮЗІНДІ КӨШІРМЕ

Қазақстан Республикасы Білім және ғылым министрінің 2016 жылғы 28 қаңтардағы №95 бұйрығына  18.01.2017ж №18, 29.09.2017 №498, 12.06.2018 №266 бұйрықтарымен енгізілген өзгерістермен

Педагог кадрлар – біліктілікті арттыру бағдарламалары шеңберінде оқудан өтуші педагогикалық қызметкерлер мен оларға теңестірілген тұлғалар;

Педагог кадрлардың біліктілігін арттыру – бұрын алынған кәсіби білімін, іскерлігін, дағдысы мен құзыретін дамытуға, кеңейтуге, тереңдетуге және жетілдіруге мүмкіндік беретін кәсіби оқыту нысаны;

-сабақ беру мен оқыту сапасын арттыру үшін жаңадан және бұрын алынған кәсіби білімін, іскерлігін, дағдысы мен құзыретін дамытуға, кеңейтуге, тереңдетуге және жетілдіруге мүмкіндік беретін кәсіби оқыту нысаны;

Сертификат – маман біліктілігінің (кәсіби құзыреттілік деңгейінің) біліктілік талаптарына, оның ішінде нақты салаға арналған стандартқа сәйкестігін және кәсіби қызмет деңгейін растайтын белгіленген үлгідегі құжат;

Педагог кадрларды курстан кейінгі қолдау– педагог кадрлардың білім беру қызметіне әдістемелік, консультациялық қолдау көрсету бойынша іс-шаралар кешені, педагог кадрлардың кәсіби тапшылықтарын еңсеруге және кәсіби құзыреттіліктерін дамытуға бағытталған, курстан кейінгі кезеңде олардың педагогикалық қызметін қадағалау;

І. Ұйымдарда педагогика кадрларының біліктілігін арттыру курстарына (бұдан әрі – Курстар) қойылатын жалпы талаптар:
1) ұйымның жарғысында (ережесінде) біліктілікті арттыратын, оның ішінде педагог кадрларының біліктілігін арттыратын ұйымдарға арналған кадрлардың біліктілігін арттыру жайларының болуын;
2) педагогика кадрларының біліктілігін арттыру курстарының білім беру бағдарламаларының болуын қамтиды.

ІІ. Қағидалар педагогика кадрларын төмендегі курстарға іріктеу және қабылдау тәртібін айқындайды:
1) қысқа мерзімді және ұзақ мерзімді Курстар:
білім беру мазмұнын жаңарту шеңберінде білім беру бағдарламалары бойынша;
«Назарбаев Зияткерлік мектептері» дербес білім беру ұйымының Педагогикалық шеберлік орталығы (бұдан әрі – «НЗМ» ДББҰ ПШО) Кембридж университетінің Білім факультетімен бірлесіп әзірлеген білім беру бағдарламалары бойынша;
«НЗМ» ДББҰ ПШО әзірлеген Қазақстан Республикасы жалпы орта білім беру ұйымдардың басшыларының білім беру бағдарламалары бойынша;
«Бөбек» ұлттық ғылыми-практикалық, білім беру және сауықтыру орталығы Адамның үйлесімді даму институты (бұдан әрі - «Бөбек» ҰҒПББСО АҮДИ) әзірлеген «Өзін-өзі тану» адамгершілік-рухани білім беру (бұдан әрі – АРББ) бағдарламалары бойынша;
техникалық және кәсіптік білім беру (бұдан әрі – ТжКБ) ұйымдарының инженерлік-педагогикалық және басшы кадрларына арналған курстың білім беру бағдарламалары бойынша;
Қазақстан Республикасы жоғары оқу орындарының педагогика мамандықтарының оқытушыларына арналған Курстың білім беру бағдарламалары бойынша;
2) кәсіпорындарда, ғылыми-зерттеу және білім беру ұйымдарында тығылымдамадан өту (техникалық және кәсіптік, орта білімнен кейінгі білім беру, жоғары және жоғары оқу орнынан кейінгі білім беру ұйымдарының педагог кадрлары үшін).
ІІІ. Курстардың ұзақтығы

Курстардың ұзақтығы:
1) қысқа мерзімді Курстар – кемінде 36 академиялық сағат;
2) ұзақ мерзімді Курстар – кемінде 108 академиялық сағат;
3) кәсіпорындарда, ғылыми-зерттеу және білім беру ұйымдарында тығылымдамадан өту – кемінде 36 академиялық сағат;

ІҮ. Курстың бір академиялық сағаты 45 минутты құрайды.

Ү. Білім беру ұйымдарының педагог кадрларының біліктілігін арттыру бес жылда бір реттен сиретпей жүргізіледі.

ҮІ. Курстарда оқуға үміткер педагог кадрларға мынадай ең төменгі талаптар белгіленеді:
1) жоғары білім және білім беру ұйымында кемінде 1 жыл педагогикалық жұмыс өтілінің болуы;
2) техникалық және кәсіптік білім, білім беру ұйымында кемінде 2 жыл еңбек өтілінің болуы;
3) білім беру жүйесі қызметін регламенттейтін Қазақстан Республикасының заңнамаларын білу;
4) ақпараттық-коммуникациялық технологиялар саласындағы базалық білімді пайдаланушы деңгейінде меңгеруі.

Егер өз-өзіңді жетілдіре алмасаң, онда басқаларды қалай жетілдірмексің?
Конфуций

Колледждің оқу-әдістемелік қызметі оқытушылардың педагогикалық құзіреттілігін жетілдірудің бірізді жүйесін ұйымдастырады.

Әдістемелік тақырып: «Колледж білім беру кеңістігіне«Өзін-өзі тану» рухани- адамгершілік бағдарламасын ендіре отырып, жоғары шығармашылық деңгейдегі бәсекеге қабілетті жеке тұлғаны, білікті маманды қалыптастыру»

Методическая тема: «Интеграция программы нравственно-духовного образования «Самопознание» в единое образовательное просранство учебно-воспитательного процесса, формирование конкурентоспособной личности с целью повышения высокого творческого потенциала»

Әдістемелік өзекті мәселе: «Болашақ мамандардың кәсіби әрекетіне қажетті түсінік қалыптастыру арқылы рухани-адамгершілік мәдениетін көтеру, Тжәне КББ оқу орындарының жаңа моделін ендіру жағдайында колледж оқытушыларының кәсіби әрекетін жаңашылдықпен қамтамасыз ету»

Методическая проблема: «Повышение духовно-нравственной культуры с формированием ценностных установок и мотиваций обучающихся на профессиональную деятельность, а также инновационное обеспечение профессиональной деятельности преподавателя колледжа в условиях внедрения новой модели ТиПО ».

2016-2017 оқу жылындағы оқу-әдістемелік жұмыстардың мақсат-міндеттері

Мақсаты: әлеуметтік бейімделген және бәсекеге түсе алатын маманды даярлауға бағытталған педагогикалық ұжымның шығармашылық әлеуетін және әр оқытушының кәсіби шеберлігін дамыту үшін жағдайлар жасау

Міндеттері:

• 2016-2017 оқу жылында Қазақстан Республикасының жалпы орта білім беретін ұйымдарында оқу процесін ұйымдастырудың ерекшеліктері туралы әдістемелік нұсқау хатты басшылыққа алу;
• Педагог қызметкерлерді Қазақстан Республикасының «Білім туралы» Заңына сәйкес мемлекеттік жалпыға міндетті білім стандартының мазмұнын игерту бағытындағы жұмыстары жүйелі түрде жүзеге асыру;
• Педагогикалық ұжымның «Өзін-өзі тану» рухани-адамгершілік білім беру бағдарламасы моделін іске асыру бағытындағы қызметін жоспарлы түрде жалғастыру;
• Оқытушылардың кәсіби құзыреттілігін үздіксіз өз бетімен білім алуы мен кәсіби біліктілігін жетілдіру арқылы қамтамасыз ету;
• Оқытушылардың жобалық, инновациялық және тәжірибелік- эксперименттік жұмыстарын жандандыру, олардың кәсіби сайыстарға, педагогикалық қызметтерінің жетістіктерін зерттеу бағытындағы мониторингтер жүргізуге қызығушылықтарын арттыру;
• Аттестаттау кезеңінде жеке оқытушыларға теориялық та, практикалық та жағынан қолдау жасау, педагогикалық қызметтерін жоспарлауда, ұйымдастыру мен талдауда қазіргі заман ағымына орай педагогикалық ойлау стилдерін жетілдіруге көмек көрсету;
• Оқу-тәрбие үрдісіне озық педагогикалық тәжірибе мен қазіргі педагогикалық технологиялардың тиімді тұстарын енгізу;
• «Білім туралы», «Тіл туралы» Заңдарды, «Қазақстан-2030», «Қазақстан Республикасында білім беруді дамытудың 2011-2020 жылдарға арналған мемлекеттік бағдарламасын, Елбасының халыққа жолдауларын және т.б. нормативті-құқықтық құжаттарды және білім басқармасы бұйрықтарын басшылыққа алу және жүзеге асыруды ұйымдастыру;
• Оқытушылар мен студенттердің ғылыми-зерттеу жұмыстарымен айналысуына ықпал ету;
• Сабақтар мен пәндік сыныптан тыс шаралардың материалдарын электрондық жүйеге енгізу бағытында жұмыстарды жоспарлы түрде жүзеге асыру.
• Оқытушылардың кәсіптік білімін жетілдіру мақсатында базалық курстардан өтуін жоспарлы түрде жүзеге асыру;
• Біліктілік санатын көтеруде оқытушылардың жауапкершілігін арттыру;
• Халықаралық, республикалық және облыстық деңгейдегі студенттердің ғылыми-зерттеу жұмыстары мен пәндік олимпиадаларға қатыстыруға жауапкершіліктерін арттыру, нәтижесінің болуына мән беру;
• Озық тәжірибені облыстық деңгейде тарату мақсатында шығармашылық есеп беру жұмысын жалғастыру;
• Халықаралық, Республикалық деңгейде конференция, семинарларға қатынасу жұмыстарын жалғастыру.

2024 жылдың 25 маусымынан бастап 2024-2025 оқу жылына талапкерлерді қабылдау басталды.
Құжаттарды қабылдау колледж канцеляриясы арқылы жүргізіледі.
Құжаттар тізімі:
1) құжаттарды қабылдау туралы өтініш;
2) білімі туралы құжаттың түпнұсқасы;
3) 3x4 см көлеміндегі 4 дана фотосурет;
4) № 075-У - медициналық анықтама,флюра снимок;
5) жеке басын куәландыратын құжат көшірмесі;
Техникалық жұмыстарға байланысты егов.kz электронды үкіметі 2024 жылдың 1 шілдесінен бастап іске қосылады. ЭЦҚ міндетті түрде қажет.
Егер 18 ге толмаған жағдайда ата-анаңызды немесе заңды өкіліңіздің ЭЦК, егер 18 ге толған жағдайда өз ЭЦК.
Жұмыс регламенті: *09.00-18.00.*
Сенбі жұмыс күні