Ақтөбе гуманитарлық колледжі

    Колледжде "Құқықтық сауаттылық-заман талабы" тақырыбында "Мәдениет және саз" бөлімінің студенттерінің қатысуы мен колледж инспекторы Конусова Айжан Кеңесқызы мен кездесу өтті. Кездесуге "Мәдениет және саз" бөлімі тәрбие бірлестік жетекшісі Дюсова Шаттық Досқайрқызы және колледж психолі Сатаева Айгүл Ермекқызы қатысты. Кездесудің мақсаты-Студенттердің құқықтық сауаттылығын арттырып, құқық бұзушылық және қылмыс белгілерімен, түрлерімен таныстыру.Қоғамның заңдары мен нормаларын орындауға, құқықтарын біліп оны құрметтеуге тәрбиелеу.

     2022 жылдың 2 ақпаны күні Ақтөбе гуманитарлық колледжі "Әдебиет және тілдер" бөлімінің Кт-205, Кт-305 тобы студенттері, "Букклавер" үйірмесі оқырмандары және колледж кітапханшыларының бастамасымен «Оқыдың ба, басқаға бер» тақырыбында колледж кітапханасынан буккроссинг бұрышының ашылуы өткізілді. Буккроссинг бұрышын ашудағы мақсат- әр оқырман өзі ұнатып оқыған кітабын өзгелермен бөлісіп, кітабымен алмасу, жастардың кітапқа деген ықыласын ояту, рухани мәдениетін көтеру. Қатысушыларға «буккроссинг» сөзінің мағынасы және шығу тарихы туралы Кт-205 тобының студенті Нұрпейс Шаттық пен Кт-305 тобы студенті Кашкинбаева Аружан ақпартаттар берді. Колледж кітапханасы меңгерушісі Искарина Райла кітаптар қойылатын бұрышты көрсетті, қатысушылар қойылған кітаптармен танысты.
     "Буккроссинг" бұрышын ашу бастамасын колледж әдістемелік бөлімінің әдіскері Даулеткалиева Гулмирам Косымовна, "Әдебиет және тілдер" бөлімінің меңгерушісі Уәлива Венера Отарбаева, "Қазақ тілі мен әдебиеті" пәндері оқытушысы, Кт-305 тобының кураторы Балгазиева Ляззат Танатаровна қолдап, өз ұсыныстарын айтты. Студенттер де қызығушылық танытып отырғандықтарын айтты. Алғашқылардың бірі болып, Кт-305 тобы Есенгелдинова Мейрамгүл өзі оқыған бірнеше кітабын «Буккроссинг» бұрышына әкеліп тапсырды. "Букклавер" оқырмандар үйірмесінің жетекшісі, Кт-205 тобы кураторы Аманова Нургуль Бакытжановна ұйымдастырған "Буккроссинг" бұрышының ашылуын көпшілік қолдады.

     «Өзін-өзі тану – махаббат пен Шығармашылық педагогикасы» атты онкүндік аясында «Мәдениет және саз бөлімінің» бөлім меңгерушісі Ш.Шумакованың және өзін –өзі тану пәнінің оқытушысы Ә. Тулеуованың, ОД 305 тобының жетекшісі Г.Каринаның ұйымдастыруымен «Өзіңді тану – өмірді тану» атты концерттік шара өткізілді. Сонымен қатар барлық бөлімдерде ұлттық сана сезімі қалыптасқан ұлттық құндылықтар мен жалпы адамзаттық құндылықтарды ұштастыра алатын ұлтжанды тұлғаны тәрбиелеу мақсатында «Ұлттық тәрбие – ұлт болашағы» тақырыбында бірыңғай топ сағаттары өткізілді.

     Ақтөбе гуманитарлық колледжінде «Өзін- өзі тану – Махаббат пен Шығармашылық педагогикасы» атты онкүндік шараның аясында өзін-өзі тану пәнінің оқытушысы Ә.А.Тулеуова өткізген «Махаббатқа толы жүрек» тақырыбында Өзін – өзі тану рухани-адамгершілік білім беру бағдарламасының авторы С.А.Назарбаеваның өмірі мен қызметіне арналған ашық шара өткізді. Студенттер Сара Назарбаеваға ашық хаттар жасап, шығармашылық бұрышқа ілді. Ашық шараға студенттер белсене қатысты.

     Ақтөбе гуманитарлық колледж кітапханасының оқу залында, Сағи Жиенбаев атындағы облыстық жасөспірімдер кітапханасымен бірлесе отырып Қазақстан Республикасының Халық қаһарманы, қазақ ән эстрадасының ең биік шыңына көтерілген күміскөмей әнші Роза Бағланованың туғанына 100 жыл толуына орай «Күміс көмей әнші - Роза Бағланова» тақырыбында әдеби-музыкалық сағат өтті. Шараның мақсаты: Әнші Роза Бағланова туралы, оның өнердегі қоғамда алған орны туралы оқырмандарға мағлұмат беру;
     Аты аңызға айналып, ерлік істері барша ұлтты таң қалдырып, есімі тарих беттерінде алтын әріппен өрнектелген қазақтың әнші қызы арқылы үлгі етіп, өнеге ету болып табылады. Қазақ музыкасын дәріптеу, жастарға халқымыздың мақтанышына айналған халық әншілерін насихаттау, олардың өнердегі жолын үлгі ету. Шара барысында әншінің өмірінен тың деректер, сахна төріндегі жарқыраған жұлдызды сәттері жайында қызықты естеліктер айтылды. Қазақ мәдениеті мен өнерінің жарық жұлдызы Роза Бағланова өнерімен талай ұрпаққа үлгі болды. Көпшілікке танымал «Әдемі», «Ах, Самара –городок» әндерін оқырмандар әншінің видео естілігімен бірге шырқап, еске алды. Роза Бағланованың әні барда ол ешқашан өлмейді. Адалдық пен парасаттылық, әсемдіктің тұмарындай боп жарқырай бермек. Олай дейтініміз, халықтың сүйікті әншісі миллиондаған қазақстандықтың жүрегінде мәңгіге сақтаулы. Әншінің өмірі мен шығармашылығына арналған «Халықтың аяулы әншісі еді...» тақырыбында кітап көрмесі ұйымдастырылып, көрмеге библиографиялық шолу жасалды. Көрмеге әнші жайлы айтылған қанатты сөздері, кітаптар мен суреттер, естеліктер қойылды. Әрдайым жақсылықтың жаршысы іспетті игі істердің бастамасын қолға алып жүретін кітапхана ұжымы оқырмандарына арнап осындай танымдық, тәрбиелік бағыттағы кештерді жиі ұйымдастырып тұрады.

           Ұлағатты ұстаздар ордасы - Ақтөбе гуманитарлық колледжінің 100 жыл мерейтойына орай және «Ақтөбе облысының жастар мен балалар ұйымдарының қауымдастығы» ЗТБ-нің ұйымдастыруымен жарияланған «Біз біргеміз» акциясы аясында колледждің ерікті жастары №1 Әлеуметтік қызмет көрсету орталығының (Қарттар үйі) ауласын қардан тазалап, мекеме қызметкерлерінің алғысына бөленді. Адамдарға көмек қолын созу, нағыз адамгершілік пен парасаттылықтың белгісі.
#Бізбіргеміз

      2022 жылғы 19 қаңтар күні колледж студенттерімен директордың тәрбие ісі жөніндегі орынбасары, колледж психологтары, әлеуметтік педагог, жастар ісі жөніндегі комитет төрағасының қатысуымен онлайн кездесу ұйымдастырылды. Кездесу барысында студенттерге жасөспірімдер арасындағы құқықбұзушылықтарға жол бермеу, психологиялық және физиологиялық денсаулық сақтау жолдары, әлеуметтік көмек түрлері туралы ақпараттар беріліп, алдағы жартыжылдықта атқарылатын іс-шаралар жоспарымен бөлісті. Студенттермен пікір алмасып, сұрақтарға жауап берілді.

     Ақтөбе гуманитарлық колледжі күндізгі оқыту нысанының жалпы орта білім базасында 01140600 «Негізгі орта білім берудегі тіл мен әдебиетті оқытудың педагогикасы мен әдістемесі»                                            мамандығы 4S01140601 «Қазақ тілі мен әдебиеті мұғалімі»  біліктілігі бойынша мемлекеттік білім беру тапсырысы негізінде 1 (бір) бос орын және күндізгі оқыту нысанының негізгі орта білім базасында 03220100 «Кітапхана ісі» мамандығы  4S03220101 «Кітапханашы» біліктілігі бойынша мемлекеттік білім беру тапсырысы негізінде 2 (екі) бос орын бар екендігін жариялайды.

Оқу-тәрбие үрдісіне байланысты сұрақтарыңыз немесе ұсыныстарыңыз бойынша көрсетілген нөмірлерге хабарласуларыңызға болады

По вопросам или предложениям, связанным с учебно-воспитательным процессом, вы можете обращаться по указанным номерам

     Ақтөбе гуманитарлық колледжі күндізгі оқыту нысанының жалпы орта білім базасында 01140200 «Музыкалық білім беру» мамандығы  4S01140201 «Мектепке дейінгі, бастауыш және негізгі орта білім берудің музыка мұғалімі» бойынша мемлекеттік білім беру тапсырысы негізінде 2 (екі) бос орын бар екендігін жариялайды.

     23.12.2021 күні Ақтөбе гуманитарлық колледжі кітапханасынның оқу залында "Әдебиет және тілдер" бөлімінің Кт-205 тобы студенттері мен «Booklover» оқырмандар клубы мүшелері арасында проза жанры бойынша ұсынылған «Тәуелсіздігіміздің 30 жылдығына – 30 кітаптың»      бірі - Тобық Жармағамбетовтың «Отамалы» кітабын талдауға арналған «Отамалы» - озық туынды» атты оқырмандар конференциясы өтті.
Оқырмандар конференциясы қазақ тілі мен әдебиеті пәндері оқытушысы Аманова Нургуль және колледжі кітапханашылары Есқарина Райла, Қобландина Нәйланың ұйымдастырумен өтті.
Оқырмандар конференциясының мақсаты - талантты жазушы Тобық Жармағамбетовтың шығармашылығын таныту, "Отамалы" әңгімесіне талдау, кітапхана мен студенттер арасындағы байланысты нығайту, студенттерді аймақтық әдебиет өкілдерінің шығармаларын оқуға шақыру, оқырмандық мәдениетке тәрбиелеу, үйірме жұмысын жандандыру.
Студенттер "Отамалы" әңгімесін талдап, оқығаннан кейінгі әсерлерімен бөлісті. Әңгімедегі жазушы Жармағамбетов шымыр диалогтармен шебер өрнектеген бай мен қойшы арасындағы қақтығысын Кт-205 топ студенттері Болатбекұлы Ақберен мен Тыныштық Шыңғысхан шебер сахналады.
     «Booklover» оқырмандар клубы мүшелері Кт-305 тобы студенті Есенгельдинова Мейрамгүлдің ұйымдастастырумен Шт-105 тобы студенттері жазушы шығармаларын оқуға үгіттеп шығармаларының кейіпкерлері бейнесінде дефелье көрсетті.
Кітапхана меңгерушісі Ескарина Райла Жақсыбайқызы кітап көрмесімен таныстырды.
Студенттердің белсенділігі жоғары болды. Кейіпкерлерінің имани тазалығы, ізгілік ойлары студенттерді мейірімділікке тәрбиелейтін "Отамалы" әңгімесі - озық туынды екеніне оқырмандардың көзі жетті.

     22 желтоқсан күні облыс әкімінің орынбасары Бұлбұл Елеусінова мен басқарма басшысы Жолдас Батырхан «WorldSkills Kazakhstan 2021» чемпионатының жеңімпаздарымен кездесті. Еркін форматта өткен кездесуде облыс әкімінің орынбасары колледж студенттерін аймақ басшысы Оңдасын Оразалиннің атынан Қазақстан Республикасы Тәуелсіздігінің 30 жылдығымен құттықтап, білім саласындағы жетістіктер үшін алғыс айтты. Студенттерді қолдау мақсатында қаржылай сыйақы беріліп, жеңімпаздар мен жетекшілерге арнайы алғыс хаттар табыстады.
2021 жылдың 1 қарашасы мен 10 желтоқсан аралығында  «WorldSkills Kazakhstan 2021» VІ Республикалық кәсіби шеберлік Чемпионаты өтті. Еліміздің 17 аймағынан 450-ден астам жас маман (22 жасқа дейінгі) WorldSkills-тің 18 конкурстық алаңында 30-негізгі және серіктестердің алаңында 40-тан аса қосымша құзыреттіліктер (мамандықтар) бойынша республикамыздың бірнеше өңірлерінде бақ сынады.
Аталған чемпионатта Ақтөбе облысы 3 алтын, 5 күміс, 3 қола және 8 медальон жеңіп алды. Соның ішінде Ақтөбе гуманитарлық колледжі 1 алтын - Нәбиева Назкен Қадырбекқызы және 1 қола - Кононенко Юлия Викторовна жүлделі тұғырдан көрінді.