«ProEco» экологиялық жобалар байқауы
Экологиялық тәрбие қазіргі білім беру жүйесінің ажырамас бөлігіне айналуда, өйткені жаһандық экологиялық проблемалар жағдайында біздің планетамыздың болашағы үшін жауапкершілік әрқайсымызға жүктеледі. Экологиялық тәрбие адамда қоршаған ортаның құндылығы туралы хабардарлықты қалыптастырады, табиғатқа ұқыпты қарауға және экожүйелер үшін адам қызметінің салдарын түсінуге итермелейді.
Табиғат үшін жауапкершілік әр адамның күнделікті мінез-құлқы мен саясатының негізіне айналуы тиіс. Бұл - экологиялық апаттың алдын алудың және жер бетіндегі барлық тіршілік иелері үшін тұрақты болашақ құрудың тиімді шешімдерінің бірі.
2024 жылғы 12 желтоқсанда ғылыми-әдістемелік жұмыстар бағытындағы «Білім алушылардың Soft skills құзыреттін дамытуда топтық технологияларды қолдану» жобасы аясында колледж студенттері арасында «ProEco»экологиялық жобалар байқауы өткізілді. Байқаудың ұйымдастырушысы мектепке дейінгі бөлімнің арнайы пән оқытушысы шығармашылық топ жетекшісі Н.Ш.Курманбаева және шығармашылық топ мүшелері: С.П.Құдайберген, Г.К.Даулеткалиева, Г.Ж.Наменова, А.Ж.Бөрібай, Ж.М.Адилова. Мақсаты:Экологиялық проблемаларға қызығушылық танытатын,зерттеу қабілеті жоғары дарынды студенттерді аңықтау және қолдау.
Аталмыш шара колледж директоры, э.ғ.к. Ж.К. Алишеваның алғы сөзімен ашылды. Шараға келген директордың ғылыми-әдістемелік жұмыстар жөніндегі орынбасары С.Б.Ескалиева, директордың кәсіптік оқыту жөніндегі орынбасары, М.А.Казмукашева, әдіскер Б.К.Жаркаева байқауға ұсынылған 16 жобаны : зерттеу жұмысы тақырыбының толық ашылуы, зерттеу тереңділігі, жұмыстың тақырыпқа және конкурстың негізгі идеяларына сәйкестілігі, қойылған және шешілетін мәселелердің өзектілігі мен маңыздылығы критерийлері бойынша бағалады. Байқау қорытындысы бойынша студенттер I,II,III дипломдар және колледж директорының алғыс хаттармен марапатталды.
Директордың ҒӘЖЖ орынбасары
