Басты мақсаты- ақын шығармашылығына терең бойлай отыра, өз кәсіптерінде қолдана білуге, насихаттау бағытындағы жұмыстарға атсалысуға баулу.
Байқауға қатысқан жас оқытушылар Абайдың өлеңдерін, қара сөздерін жатқа оқып сахналық көрініспен көрермендер ықыласына бөленді. Қатысушы қонақтардың назарына «Әлемге танылған Абай» тақырыбында кітап көрмесі ұсынылды.
Қорытындысында директордың оқу-әдістемелік ісі жөніндегі орынбасары Бибігүл Мұстафақызы жас оқытушылармен ой бөлісіп, рухани білімнің, рухани мәдениеттің қажеттілігі мен маңыздылығын айтып, Абай Құнанбаевтың мол мұрасын танып білуге шақырды. Байқау соңында оза шыққан оқытушылар арнайы диплом, алғыс хаттармен және кәсіподақ ұйымы атынан сыйлықтармен марапатталды.
