Семинар мақсаты – болашақ педагог мамандарды даярлауда сабақта зерттеу үдерісін ұйымдастыру мен үйлестіру, зерттеу сұрағын құрастыру және зерттеу сабағы (LS): сабақты бақылау, қадағалау түрлері мен тәсілдері туралы мәліметтерді тәжірибеде қолдану жолдарын бірлесе жұмыс жасай отыра меңгерту.
Ұйымдастырушылар сабақты зерттеуді іске асыру бойынша қолдау көрсетудің тәсілдерін әзірлеудің, бірлесе жоспарлау, бақылау және сабақ бойынша ой жүгіртудің қаншалықты маңызды екенін, сабақтан соң талқылау: бақылаушылардың бақылау нәтижесінде бір-бірімен іс-тәжірибе алмасу мақсатында талқылау жүргізу немесе сабақты жақсарту үшін жаңа идеяларды ойлап шығару тәсілдерін колледж оқытушыларын қатыстыра отырып талқылады. Соның ішінде сабақты зерттеу мұғалімді бағамдауға емес, оқушының ойлауы мен оқуын зерттеуге бағытталған нұсқа екендігін бірлесе талқылай жүргізді.
Семинар барысында талқыланған мәселелер колледж оқытушыларына болашақта білім сапасын арттыру бағытында әдістемелік көмек болды.
Семинар соңы рефлексиямен аяқталып, тренерлер бұдан әрі бірлесіп, әріптестікті нығайту барысында тығыз қарым-қатынаста жұмыс жалғасатынын айтты.
