Ағымдағы жылдың 13 қарашасында Ақтөбе гуманитарлық колледжінде «Жаңашылдық – жаңа талап» мамандық онкүндігі аясында арнайы пәндер оқытушысы Жайнагүл Адилова «Бастауыш білім беру» мамандығының «ШТ-105»-тобында «№23 практикалық сабақ.
Сөз дұрыстығы» тақырыбында республикалық онлайн-сабақ өткізді. Сабақ мақсаты сөз дұрыстығы туралы мағлұмат беру, тілдегі сөз тіркесі мен сөйлемдерді дұрыс қолдану жолдарын меңгерту. І курс студенттері берілген тапсырмаларды орындау барысында жоғары белсенділік көрсетіп, өз ойларын ғылыми, шығармашылық деңгейде жеткізуге айрықша мән бере білді.
Сабақта белсенділік әдістері АКТ арқылы жүзеге асырылып, сабақ тақырыбына орай мақсатқа жетуіне жетелей білді. Онлайн-сабақ барысында Республикамыздың педагог мамандар даярлайтын оқу орындарымен қатар облыс колледждерінің оқытушылары қатысып, сабақ соңында кері байланысқа шықты. Әріптестер тарапынан сабаққа жоғары баға беріліп, ұжым мүшелерінің жаңаша бастамаларына сәттілік тіледі.
