Семинардың негізгі мақсаты: жаңартылған білім беру мазмұнының өзекті мәселелерін талқылау, құнды ақпараттар беру арқылы оқытушылардың тәжірибесін облыстық деңгейде тарату.
Семинарды колледж директорының оқу-ісі жөніндегі орынбасары Бибигул Екибасова ашты. Шараға «Өрлеу» біліктілікті арттыру ұлттық орталығы директорының орынбасары, педагогика ғылымының кандидаты Аскар Аймукатов, аға оқытушы Дана Кенжегалиева және курс тыңдаушылары қатысты. Аталған шарада оқытушылар шебер кластар, ашық сабақтар, коучингтер және библиографиялық шолулар өткізіп, өз тәжірибелерін облыстық деңгейде көрсете білді.
Семинар барысында жаңартылған білім беру бағдарламасы бойынша жаңашыл әдіс-тәсілдер қолданылып, инновациялық педагогикалық идеяларымен тәжірибе бөлісті.
Семинар соңында ашық микрофон беріліп, идея кілті арқылы кері байланыс өткізілді. Курс тыңдаушылары өткізілген шаралар туралы жылы лебіздерін білдіріп, педагог мамандарды даярлау ісінде толағай табыстар тіледі.
