Кездесу барысында "Ақтөбе қаласының ішкі саясат бөлімі" ММ-нің қызметкері Б.М.Марат келешектің іргетасын қалау үшін, ең алдымен сол елдің жастарының саналы ұрпақ болып жетілуіне күш салу керектігі туралы, «Аңсар» ақпараттық-талдау орталығының директоры Н.Б.Жаншин дін мәселесіне жалпылама түсінік бере отырып, жастардың дінге қатысты сұрақтар туындаған кезде бағыт-бағдар беруге дайын екендігін айтты. Дінге бет бұру ең алдымен терең білімді талап ететінін, ақыл-кеңесті білікті маманнан кеңес алу керектігін жеткізді. №2 қалалық емханасының екпеден бас тартқан ата-аналармен жұмыс жүргізетін дәрігер К.Ж.Омарова сәби дүниеге келген уақыттан бастап жұқпалы аурулардың алдын-алу шарасы бойынша екпе алудың маңызды екенін дәлелдеп түсіндірді.Кеш соңында келген қонақтар колледж жастарын болашақтың даңғыл жолын дұрыс қалау үшін білімді де білікті болуға шақырды.
