Мақсаты: Елбасы Н.Ә. Назарбаев «Интеллектуалды ұлт – 2020» ұлттық жобада оны іске асырудың басты бағыттарының бірі ретінде жастардың рухани адамгершілік тәрбиесін, негізінде «еңбексүйгіштік, намыс, парасаттылық, үнемі өзін-өзі жетілдіру мен оқуға ұмтылысы» сияқты қасиеттер жатқан құндылықтар жүйесін қалыптастыруды атап көрсетті. Басты мақсат – құндылықтар философиясының адамгершілік бастауларының негізі екенін ашып көрсете отырып, жас ұрпақтың бойына адамгершілік құндылықтарын дарыту, патриоттық және отансүйгіштік қасиеттерін нығайту болып табылады. Осы шараға қатысу үшін Қазақ-Орыс Халықаралық университетінің философия ғылымдарының магистрі, аға оқытушы Дусипова Айсана Сагинбаевна шақырылды. Сөз барысында Айсана Сагинбаевна жалпы философиялық құндылықтар жөнінде айтты. Студенттер құндылықтар философиясының адамгершілік бастауларының негізі екенін ашып көрсете отырып,бүгінгі тақырыбымызға қатысты өз ойларын ашық айтып, шараға белсенді ат салысты.
Бүгінгі шараны қорытындылай келе , Егеменді еліміздің тұғыры қашан да баға жетпес құндылықтарымен биік, адамгершілік бастаулары туралы айта отырып, өмірдің алмастай қырын, абзал сырын түсінетін - адами құндылықтарымызды сақтайтындығы айтылды.
Кеш соңында келген қонақтар колледж жастарын болашақтың даңғыл жолын дұрыс қалау үшін білімді де білікті болуға шақырды.
