Мақсаты: Студенттерді Ақтөбе қаласының тарихы, тарихи тұлғалар туралы мәліметтермен таныстыру. Ақтөбе өңіріне еңбегі сіңген даңқты тұлғаларды анықтау, ұлтжандылыққа, отансүйгіштікке тәрбиелеу.
Кеш барысында колледжіміздің Шет тілі, математика және ақпараттық жүйелер бөлімінің 2 - курс студенттері белсенділік танытты. Оқырман конференциясында студенттеріміздің баяндамалары тыңдалды. Жастар арасында ақындық өнерін шыңдап, поэзия саласында өлең жазып, жеке шығармашылығын ұсынып жүрген колледжіміздің жас ақындары МК-115, 205, ШТ- 205, БК-305 тобының студенттері Ербұланұлы Мирлан, Амангелді Жасұлан, Алдаризаева Рахат, Әшір Ұлжан жас ақындар Ақтөбеге арнап шығарған өлеңдерін тарту етті. «Туған өлкем» әнімен «Шет тілі-205» топ студенті Нұрланқызы Зарина орындады. «Туған өлкем - Ақтөбем, құтты болсын мерекең!» атты кітап көрмесі ұйымдастырылып, көрмеге библиографиялық шолу жасалды.
Шараға колледж әкімшілігі, «Тілдер және әдебиет» бөлімінің студенттері, кітапханашылар мен жыр сүйер қауым қатысты. Қорытындысында директордың оқу –әдістемелік ісі жөніндегі орынбасары Бибігүл Мұстафиевна студенттермен ой бөлісіп, рухани білімнің, руханни мәдениеттің ауадай қажеттілігі мен маңыздылығын айтып, Ақтөбе қаласының мол мұрасын танып білуге шақырды.
