Семинарға колледж оқытушылары, аталған мектеп мұғалімдері, бөлім меңгерушісі А.Ж.Бөрібай, колледж қабырғасында тәжірибеден өтіп жатқан Қ.Жұбанов атындағы АӨМУ студенттері және мектеп базасында өндірістік тәжірибеден өтуші «Бастауыш білім беру» мамандығының БК-310 топ студенттері қатысты. Семинардың І бағытында әдіскерлер Л.Т.Балғазиева, С.П.Құдайберген баяндама оқып, Р.Е.Даулетиярова «Түрлі түсті бояумен сурет салудың жолдары» тақырыбында шебер класс өткізді. ІІ бағытта колледждің машықкер БК-310 топ студенттері Ержигитова Назерке 4-кластың «Қазақ тілі» пәні бойынша «Көмектес септік» тақырыбында; Ондаған Еркебұлан 2-класс «Әдебиеттік оқу» пәнінен «Ұр, тоқпақ» ертегісі тақырыбында; Алдаризаева Рахат «Дүниетану» пәнінен «Қазақстанға саяхат» тақырыбында панорамалық сабақтар көрсетті. Семинардың соңында педагогика және психология пәндерінің оқытушысы Булебаева Райгүл Тынышбаевнаның жетекшілігімен Қ.Жұбанов атындағы АӨМУ-нің студенті Сәрсенбина Арухан «Маска» тренингін өткізді.
Семинар соңында № 47 мектеп мұғалімдері сөз алып, машықкерлер туралы жақсы пікірлерін білдірді. Өтілген шара студенттердің қазіргі заман талабына сай мұғалім болуына, өз мамандығын жан-жақты игеруіне көмектесетініне сенімдіміз.
