Шарамыздың мақсаты - қазақ поэзиясының ақиық ақыны, артына айрықша өшпейтін із қалдырған Мұқағали Мақатаевтың өмірі мен шығармашылығына шолу жасау, халық көңілін сусындатқан, тіршілікке тірек боларлық өмір шырағын, өмір жұпарын жырлайтын Мұқағали мұрасы, поэзиясымен танысу.
КТХ-105 топ студенттері ақынның шығармашылығы туралы ой бөлісіп, ақын өлеңіне жазылған әндерді орындап, жыр шумақтарын жатқа оқыды. Сондай- ақ жиналған оқырмандар ақын Мұқағали Мақатаевтың тәлімі мол өлеңдері мен әндерін тыңдау мүмкіндігіне ие болды.
Әдеби кеш аясында «Кітапхана ісі» мамандығының оқытушысы Гулмирам Даулеткалиева мен кітапхана меңгерушісі Райла Ескарина көрермендер арасында аталмыш тақырыпты арқау етіп, кеш көркін келтірді.
Кешке қатысқан оқырмандар мен кітапхана қызметкерлері, кеш соңында ақын шығармашылығын зерттеушілерге, оқырмандарға арнап Сағи Жиенбаев атындағы облыстық жасөспірімдер кітапханасының қызметкері «Жыр жүйрігі-Мұқағали Мақатаев» кітап көрмесін тамашалады.
