«Жаңартылған білім беру мазмұны бойынша оқытудағы әдіс-тәсілдер» атты коучинг «Жаратылыстану, дене тәрбиесі және АӘД», «Әлеуметтік экономикалық» оқу-әдістемелік пәндер бірлестіктерінің «Оқу мен оқытудағы жаңашылдық - жетістік көзі» атты мамандық онкүндігі аясында 2018 жылдың 7 желтоқсанында «Жаңартылған білім беру мазмұны бойынша оқытудағы әдіс-тәсілдер» тақырыбында Ақтөбе гуманитарлық колледжінің тарих пәнінің оқытушылары Ардақ Тұрғамбай, Гүлнур Ильясова және Ербатыр Қалышев коучинг өткізді. Коучингте оқытушылар сергіту сәтінен бастап, топтық жұмыстар, деңгейлік тапсырмалар, қызықты тренингтер өткізіп, бейнематериалдар көрсетіп, отырғандарға жақсы психологиялық ахуал туғызды.
Қатысушылар білім беру мазмұнын жаңарту, білім берудің қазіргі заманғы үрдістерін және қазақстандық білім берудің үздік практикасын кіріктіруге бағыттау сынды оқытудағы әдіс-тәсілдерді қалай ұйымдастыруға болатындығы жайлы тәжірибе алмасты. Оқытудың жаңа әдіс тәсілдерін пайдалану оқытушыларға оқу процесінің құрылымын түбегейлі өзгертуге, студенттердің дүниетанымдарын кеңейтуге және жеке қабілеттерін көре біліп, оны есепке ала отырып дамытуға, толық жағдай жасауға мүмкіндік беретінін түсінді. Ұйымдастырушылар өткен тәжірибені жаңа- мен ұштастырып, оқытудағы әдістемелік жаңалықтармен хабардар етті.
Коучинг соңы рефлексиямен аяқталды.
