Ақтөбе гуманитарлық колледжі

     2021 жылғы 20 мамыр күні Ақтөбе қаласының төтенше жағдайлар басқармасының офицері Дина Жаңбырбаевнаның қатысуымен "Суға шомылу кезінде қауіпсіздік шараларын сақтау" тақырыбында кездесу ұйымдастырылды. Төтенше жағдайлардың алдын алу, судағы қауіпсіздік шараларымен таныстыру, сақтық ережелерін түсіндіру мақсатында өткізілген шара барысында маман студенттердің сұрақтарына жауап беріп, ақыл-кеңесін ұсынды.
#Қауіпсізшомылу2021
#Ақтөбежазғыдемалыс2021

     19 мая 2021г. в колледже врачи центра ЗОЖ провели беседу со студентами о вреде курения, употребления алкоголя и наркотиков, и о мерах борьбы с распространением COVID-19.
Основная цель профилактических бесед – профилактика наркомании, курения и употребления спиртных напитков, предупреждение различного рода правонарушений, пропаганда здорового безопасного образа жизни, формирование осознанного и ответственного отношения к соблюдению профилактических мероприятий по предупреждению заражения и распространения вируса.

  Судағы қауіпсіздік ережелерін сақтаңыздар!
#Қауіпсізшомылу2021, #Ақтөбежазғыдемалыс2021

     Құрметті студенттер!
     Сіздердің назарларыңызға "PLATONUS" автоматтандырылған жүйесі арқылы емтихан тапсыруға арналған 4 қадамды ұсынамыз!

Құрметті АГК студенттері!
♦️ Емтихан сессиясы жойылмайды!
Емтихандар академиялық күнтізбеге (оқу процесінің кестесі) сәйкес "Platonus" платформасында өткізіледі. Емтихан кезінде сізде интернетке қосылған ноутбук немесе смартфон болуы керек және қажетсіз гаджеттер болмауы керек. Емтихан өткізу кезінде студенттің бөлмесінде емтихан тапсырушыдан басқа ешкім болмауы керек.
♦️ Студент емтихан тәртібін бұзған жағдайда, емтихан алушы емтиханды тоқтата алады, бұл студентті емтиханнан қанағаттанарлықсыз бағамен алып тастауға тең.
   Техникалық мәселелер туындаған жағдайда "колледждің CALL CENTER"(WhatsApp) 8707 456 02 30-ға жазыңыз немесе қоңырау шалыңыз.

♦️ Емтихан:
 Тест тапсырмаларындағы сұрақтар саны: 30
 Бір студенттің емтихан тапсыру уақыты: 45 минут.

♦️ Бағалау:
3 - "қанағаттанарлық" - 15-22 сұрақ (50 баллдан бастап)
4 - "жақсы" - 23-26 сұрақ (70 баллдан бастап)
5 - "өте жақсы" - 27-30 сұрақ (90 баллдан бастап)
______________________________________________________________________________________________________________________________
     Уважаемые студенты!
     Предлагаем вашему вниманию 4 шага для сдачи экзамена через автоматизированную систему "PLATONUS"!

Уважаемые студенты АГК!
♦️ Экзаменационная сессия не отменяется!
Экзамены проводятся на платформе "Platonus" в соответствии с академическим календарем (графиком учебного процесса). Во время экзамена у вас должен быть ноутбук или смартфон, подключенный к интернету, и у вас не должно быть ненужных гаджетов. Во время проведения экзамена в комнате студента не должно быть никого, кроме экзаменатора.
♦️ В случае нарушения студентом дисциплины экзамена экзаменатор может отменить экзамен, что равносильно исключению студента из экзамена с неудовлетворительной оценкой.
   В случае возникновения технических проблем "Call CENTER колледжа" (WhatsApp) 8707 456 02 30-пишите или звоните в КА.

♦️ Экзамен:
 Количество вопросов в тестовых заданиях: 30
 Время сдачи экзамена одним студентом: 45 минут.

♦️ Оценка:
3 - "удовлетворительно" - 15-22 вопроса (от 50 баллов)
4 - "хорошо" - 23-26 вопросов (от 70 баллов)
5 - "отлично" - 27-30 вопросов (от 90 баллов)

     Топ жетекшісі жұмысының негізгі мақсаты - шәкірттерін қоғамның белсенді және саналы азаматы етіп тәрбиелеуге барынша ықпал жасау. Топтағы әрбір жеке тұлғаның ғылыми дүние танымының қалыптасуын, адамгершілік қасиеттерін, еңбекке деген сүйіспеншілігін қамтамасыз етіп, жан-жақты жарасымды дамуына жағдай туғызу. Қашықтықтан білім беру барысында студенттер тәрбиесінде зор үлес қосып, үздіксіз байланыста жүрген колледж топ жетекшілеріне алғыс білдіреміз, жұмыстарыңызға шығармашылық табыс тілейміз.

     2021 жылғы 12 мамыр күні Ақтөбе гуманитарлық колледжі Ақтөбе облыстық ғылыми-тәжірибелік орталығымен бірлесе отырып, «Қоғам құндылығы» жобасы аясында «Діни сауаттылық - қоғамдағы тұрақтылық факторы» тақырыбында техникалық және кәсіптік білім беру ұйымдарының тәрбие ісі жөніндегі орынбасарлары мен топ жетекшілеріне арналған облыстық шара өткізді. Студенттердің діни сауаттылығын көтеру арқылы рухани-адамгершілік қасиеттерге тәрбиелеу мақсатында ұйымдастырылған шара барысында Ақтөбе облыстық ғылыми-тәжірибелік орталығы техникалық және кәсіптік білім беру бөлімінің меңгерушісі М.К.Жубандыкованың алғы сөзін айтып, әрі қарай «Діни сауаттылық заманның басты талабы» тақырыбында Ақтөбе гуманитарлық колледжі директорының тәрбие ісі жөніндегі орынбасары Г.Ш.Жиенкулова, Дін мәселелері және қоғаммен байланыс орталығының теологы Б.К.Ильясов, «Қазіргі жастардың санасы мен дүниетанымына діннің әсері» тақырыбында колледж педагог-психологы А.Е.Сатаева, «Студент тұлғасын қалыптастырудағы діни тәрбие рөлі, маңызы» тақырыбында топ жетекшісі Ж.Төрежанқызы, «Дін және жастар» тақырыбында жастар ісі жөніндегі комитет төрайымы Қ.І.Құдабай және әлеуметтік педагог А.Ю.Ыбрайым жұмыс тәжірибелерімен бөлісті. Іс-шара соңында әріптестер өздерін толғандырған сұрақтарға жауап алып, колледж ұжымына тілектерін білдірді.

     6 мамыр күні әдеттегідей «Таза бейсенбілік» шарасы барысында Ауған соғысы жауынгерлеріне арналған ескерткіш алаңы, «Жастар» сквері, жатақхана айналасын қоқыстан тазарту жұмыстары жүргізілді. Сонымен қатар биылғы оқу жылын бітіруші Шт-405 топ студенттері топ жетекшісі А.Б.Курманбекованың ұйымдастыруымен естелік ретінде колледждің оқу ғимараты ауласына 26 ағаш және түймедақ гүлдерін отырғызды. Колледж директоры Е.Ғ.Нұрғалиев студенттерге оқу орнымыздың әсемденуіне үлес қосқаны үшін алғыс білдірді.

     Мемлекеттік рәміздер- кез келген мемлекеттің егемендігі мен біртұтастығын бейнелейтін ажырағысыз атрибуттарының бірі.
4 маусым мемлекеттік рәміздер күніне орай және азаматтық және патриоттық білім беру, рәміздерге деген құрмет қалыптастыру, оның маңызы мен сипатын түсіндіру мақсатында "Ту- тұтастық пен бірліктің белгісі", "Мемлекеттік рәміздер-ұлт мақтанышы", "Рәміздерім-елдігімнің белгісі" тақырыптары бойынша танымдық тәрбие сағаттары өткізілді.

     Өткен ғасырдың 60-жылдарында адамзат алдында өсімдіктер әлемінің қорғауға тікелей кірісу туралы мәселесі туындады. Дүние жүзі көлемі мен жекелеген мемлекеттер ішінде жануарлар мен өсімдіктерді қорғау туралы комиссиялар құрылып, сирек кездесетін және құрып бара жатқан түрлер тізімі жасалды. Қызғалдақ- "Қызыл кітапқа" енген өсімдік. Бұл кітапқа енгізілуі- оны ерекше көңілмен қорғау керек екендігін білдіреді. Студенттерді жерімізде саны азайып бара жатқан түрлерді қоруға шақыру мақсатында 1 курстар арасында "Қазақстан- қызғалдақтың отаны", "Қызғалдақ жұлсаңыз, қылмысты боласыз", "Қызғалдақ- достық пен берекенің нышаны" тақырыбында онлайн тәрбие сағаттары өткізілді.

     Құрметті колледж ардагерлері, студенттер, әріптестер!
Сіздерді татулық пен келісім мерекесі 1 мамыр – Қазақстан халықтарының бірлігі күнімен шын жүректен құттықтаймыз! Бір шаңырақ астында жиналған ұлт пен ұлыс өкілдерінің ынтымағы–ырысы, байлығы–берекесі болып, татулығы жарасқан біздің елде өмір сүріп жатқаны жүректерге сенім, көңілдерге қуаныш ұялатады. Қоғамдық келісім мен саяси тұрақтылық – біздің ең маңызды байлығымыз, мемлекетіміз – молшылыққа, ал әрбір шаңырақ бақыт пен шаттыққа кенелсін!