Ақтөбе гуманитарлық колледжі

     Ақтөбе гуманитарлық колледжінде Мемлекет басшысы Қ.Тоқаевтың «Халық бірлігі және жүйелі реформалар – ел өркендеуінің берік негізі» атты Қазақстан халқына Жолдауын қолдау мақсатында оқытушылар мен студенттерге арналған отырыс өткізілді. Жолдауда алға жаңа мақсат-міндеттер қойылды. Әлеуметтік-экономикалық пәндер бірлестігі оқытушылары Ғ.Нұрманов, Г.Ильясова жолдаудың әр бағытына тоқтала отырып, мемлекеттік қызметтерді цифрландыру, әлеуметтік мәселелерге көңіл аудару, тағы бір маңызды мәселе - зейнетақы жинағының бір бөлігін баспана алуға жұмсай алу мүмкіндігі берілетініне тоқталды.
Сонымен қатар ел Президенті алдағы қаңтар айында педагогика саласы қызметкерлерінің жалақысы 25 пайызға көбейетіні мен ұстаздарға жасалатын жағдайлардың жалғасатынымен қуантты. Ұстаздар қауымы мемлекет тарапынан жасалып отырған әрбір қолдаудың әр адамды жігерлендіретінін және көңілге сенім беретіні туралы пікірлерін білдірді.

2021 жылы  9 қыркүйек күні «Адалдық алаңы» жобасы аясында Ақтөбе гуманитарлық колледжі «Қазақ тілі мен әдебиеті»   мамандығының 3-курс студенттері, С.Жиенбаев атындағы облыстық жасөспірімдер кітапханасымен бірлесе отырып,  «Күшіңе сенбе, адал ісіңе сен!» тақырыбында  пікір алмасу  сағаты өткізілді.

Шараның мақсаты -жастарға адам құқығы, бала құқығы, құқықты алаң туралы мағлұмат бере отырып, өз құқықтарын жете білуге, өмірде қолдана білуге үйрету. Адамгершілікке, адалдыққа, әділдік пен мейірімділікке баулу, таным белсенділігін арттыру. Еліміздің Ата Заңын құрметтеуге, сыйлауға тәрбиелеу, патриоттық тәрбие беру. Шара барысында студенттерге түрлі ситуациялық сұрақтар қойылып, психологиялық тренингтер жүргізілді.

Кітапхана меңгерушісі:  Ескарина Р.Ж.

Қазақстан  Республикасы Білім және ғылым министрінің 2020 жылғы 4 мамырдағы №180 бұйрығының негізінде техникалық және кәсіптік, орта білімнен кейінгі және жоғары білім беру ұйымдарында білім алатын және тәрбиеленетін жекелеген санаттағы азаматтарға, сондай-ақ қорғаншылықтағы (қамқоршылықтағы) және патронаттағы адамдарға тегін тамақтандыруды ұсыну тәртібін айқындайды.  2021-2022 оқу жылы бойынша жетім және ата-анасының қамқорлығынсыз қалған, көп балалы және аз қамтылған отбасынан шыққан, мүгедектер және бала кезінен мүгедек студенттер үшін  төмендегі көрсетілген құжаттар тізбесі жинақталады.

Құжаттар тізбесі

1. Белгіленген нысандағы өтініш;
2. Туу туралы куәлік - көп балалы отбасылардың балалары үшін;
3. Қорғаншылықты (қамқоршылықты), патронаттық тәрбиелеуді бекіту туралы анықтамалар - жетім балалар мен ата-анасының қамқорлығынсыз қалған, отбасыларда тәрбиеленетін балалар үшін;
4. Мүгедектігі туралы анықтамалар - мүгедектер және бала кезінен мүгедектер үшін немесе психологиялық-медициналық-педагогикалық консультацияның қорытындысы - даму мүмкіндіктері шектеулі балалар үшін;
5. Өтініш берушінің (отбасының) жергілікті атқарушы органдар ұсынатын мемлекеттік атаулы әлеуметтік көмек алушыларға тиесілілігін растайтын анықтамалар - атаулы әлеуметтік көмек алуға құқығы бар отбасылардан шыққан балалар үшін;
6. Табысы туралы мәліметтер (жұмыс істейтін ата-аналардың немесе оларды алмастыратын адамдардың еңбекақысы, кәсіпкерлік қызметтен және басқа да қызмет түрлерінен түсетін табыстар, балаларға және басқа да асырауындағыларға алимент түріндегі табыстар) - мемлекеттік атаулы әлеуметтік көмек алмайтын, жан басына шаққандағы табысы ең төменгі күнкөріс деңгейінен төмен отбасылардан шыққан балалар үшін.

   Ескерту: Тапсырған құжаттарыңыз арнайы құрылған комиссия тексерісінен өткен соң тегін тамақтандыруды ұсыну қаржылай түрде жеке есеп-шоттарыңызға жіберіледі.

   Жоғарыда көрсетілген санаттың біріне жататындығын растайтын анықтамаларыңыз әр тоқсан  сайын тексеріліп отырылады.

   Әлеуметтік педагог: Ыбраймова Ардак Юсуповна

   Байланыс тел: 87022524682

     Ақтөбе гуманитарлық  колледжінде отбасы күні мерекесіне орай "Отбасы-ұлт болашағының кепілі" тақырыбында мерекелік шара өтті. Шараға отбасында  көп бала тәрбиелеп отырған педагог аналар мен әкелер қатысты. Колледждің тәрбие ісі жөніндегі орынбасары Г.Жиенкулова мен кәсіподақ төрайымы Р.Булебаева келе жатқан мерекемен құттықтап, оқытушыларға толағай табыстар тіледі. Колледж психологтары А.Сатаева, Н.Жармұханбет қатысушылармен қызықты тренингтер ұйымдастырып, отбасы бақыты туралы әсерлі пікір алысу өтіп, жадынамалармен бөлісті. Кеш соңында көпбалалы педагог әке-аналар кәсіподақ ұйымының қаржылай сыйақысымен марапатталды.

Ақтөбе гуманитарлық колледжіне өтініштерді қабылдау келесі мерзімде жүргізіледі:
- оқудың күндізгі нысаны, мемлекеттік тапсырыс бойынша негізгі орта білім базасында күнтізбелік жылдың 25 маусымы мен 18 тамызы аралығында;
- жалпы орта, техникалық және кәсіптік, орта білімнен кейінгі білім базасында күнтізбелік жылдың 25 маусымы мен 20 тамызы аралығында;
- ақылы негізде 25 маусымы мен 25 тамыз аралығында;
- сырттай нысанына - күнтізбелік жылдың 25 маусымы мен 20 қыркүйегі аралығында;
- шығармашылық дайындықты талап ететін мамандықтар бойынша -күнтізбелік жылдың 25 маусымы мен 20 шілдесі аралығында;
- педагогикалық мамандықтар бойынша - күнтізбелік жылдың 25 маусымы мен 15 тамызы аралығында жүзеге асырылады.

Call центр 87074560230
talapker.aktobe-agk.kz

#талапкер #абитуриент

Ақтөбе гуманитарлық колледжіне өтініштерді қабылдау келесі мерзімде жүргізіледі: - оқудың күндізгі нысаны, мемлекеттік тапсырыс бойынша негізгі орта білім базасында күнтізбелік жылдың 25 маусымы мен 18 тамызы аралығында; - жалпы орта, техникалық және кәсіптік, орта білімнен кейінгі білім базасында күнтізбелік жылдың 25 маусымы мен 20 тамызы аралығында; - ақылы негізде 25 маусымы мен 25 тамыз аралығында; - сырттай нысанына - күнтізбелік жылдың 25 маусымы мен 20 қыркүйегі аралығында; - шығармашылық дайындықты талап ететін мамандықтар бойынша -күнтізбелік жылдың 25 маусымы мен 20 шілдесі аралығында; - педагогикалық мамандықтар бойынша - күнтізбелік жылдың 25 маусымы мен 15 тамызы аралығында жүзеге асырылады. ----------------------------------------------------------------------------------------------------------------------------------------------------------- Прием заявлений для поступления в Актюбинский гуманитарный колледж осуществляется в следующие сроки: - на очную форму обучения по госзаказу – с 25 июня по 18 августа календарного года на базе основного среднего образования; - с 25 июня по 20 августа календарного года на базе общего среднего образования; - на платной основе – с 25 июня по 25 августа календарного года; - на заочную формы обучения – с 25 июня по 20 сентября календарного года; - по специальностям, требующим творческой подготовки, – с 25 июня по 20 июля календарного года; - по педагогическим специальностям – с 25 июня по 18 августа календарного года. #Талапкер #Талапкер2021 #20212022оқужылы #aktobeagk #Talapkeragk #абитуриент #aktobeagk #абитуриент2021 #колледже

#Талапкер
#Талапкер2021
#20212022оқужылы
#aktobeagk
#Talapkeragk
#абитуриент
#aktobeagk
#абитуриент2021
#колледж

     2021 жылдың 3-4 маусым күндері Мемлекеттік рәміздер күніне орай оқу топтарында тәрбие сағаттары өткізілді. Мақсаты- студенттерді Отансүйгіштікке тәрбиелеу, рәміздердің пайда болу тарихын, маңызын ұғындыру және тәуелсіздіктің символына айналған рәміздерімізді қастерлеп, құрметтеу.
#4маусымрәміздеркүні

     Ақтөбе облысы білім басқармасының ұйымдастыруымен 2021 жылдың 18-20 мамыр аралығында Ақтөбе гуманитарлық колледжі базасында «Мектепке дейінгі тәрбие және оқыту» және «Бастауыш сыныптарды оқыту» құзыреттіліктері бойынша өңірлік «Worldskills Kazakhstan Aktobe -2021» чемпионаты өтті.
Чемпионат мақсаты – жас мамандардың кәсіби білімі мен біліктерін іс-тәжірибеде көрсету, техникалық және кәсіптік білім алу жүйесін қолдау және бәсекеге қабілетті кадрлар даярлау.
Жастарға қолдау жасау және кәсіби білігін көрсету барысындағы реттілікті анықтау мақсатында аталған шараның ашылуы ұйымдастырылды. Чемпионатты «Қазақстан Республикасының білім беру ісінің Құрметті қызметкері», Ақтөбе гуманитарлық колледжінің директоры Нургалиев Ералы Губаевич құттықтау сөзімен ашты.
     Екі құзіреттілік бойынша 10 білім алушы қатысты: Ақтөбе гуманитарлық колледжінен Кононенко Юлия Виктровна, Турманова Каламкас Дөненқызы Рустина Ришатовна Идиятулина, Хромтау жоғары тау-кен техникалық колледжінің студенті Коблабай Аида Қасқырбайқызы, Ақтөбе көпсалалы Болашақ колледжінен Мейрамбекова Айгерим Мейрамбековна, «М.Тынышбаев атындағы транспорт және коммуникация Қазақ академиясы» Ақтөбе колледжінен Куасова Айгерим Жанибекқызы, Есенгельді Нурай Ержанқызы, Ақтөбе өңірлік университеті жанындағы жоғары колледжінен Қорқытбаева Сұлушаш Темірғалиқызы, Жумартбаева Акжибек Шыбықбайқызы, Ақтөбе қаласы ҚазГЗУ колледжі студенті Егорцева Анастасия Александровна.
Студенттерге аталған құзыреттіліктер бойынша кәсіби бағыт-бағдар беретін колледждердің білікті мамандары, арнайы пәндер оқытушылары жетекшілік етті. Сарапшы-компатриоттар чемпионат талабы бойынша білім алушылардың іскерліктерін бағалап, негізгі сарапшылар қорытындысын шығарып отырды.
     Чемпионатқа әлеуметтік серіктестік өкілдері «Мектепке дейінгі тәрбие және оқыту» құзыреттілігі бойынша «Балақай» мектепке дейінгі орталық директоры Каюдина Наталья Григорьевна, «Ботақан» мектепке дейінгі ұйымы ЖШС әдіскері Аяпова Бауыржан Жаксыбаевна және «Бастауыш сыныптарды оқыту» құзыреттілігі бойынша №13 орта мектеп директоры Куштаев Аскар Тулебаевич, №30 орта мектеп директоры Терекова Жанар Утегуловналар сарапшылық етті.

Чемпионат қорытындысы төмендегідей:
«Мектепке дейінгі тәрбие және оқыту» құзыреттілігі бойынша 
- Ақтөбе гуманитарлық колледжі білім алушысы Кононенко Юлия Виктровна  (жетекшісі Умарова Ирина Петровна) - І орын;
-«М.Тынышбаев  атындағы  транспорт және коммуникация  Қазақ академиясы»   Ақтөбе колледжінің студенті Есенгельді Нурай Ержанқызы(жетекшісі Тулкебаева Айкумис Алиевна)-ІІ орын;
- Ақтөбе гуманитарлық колледжінің студенті Турманова Каламкас Дөненқызы (жетекшісі Жакебаева Айнур Танатаровна) – ІІІ орын;
        - Ақтөбе  өңірлік университеті жанындағы жоғары колледжі студенті Қорқытбаева Сұлушаш Темірғалиқызы(жетекшісі  Серғали Жангүл  Бектуғанқызы)-ІІІ орын.
« Бастауыш сыныптарды оқыту» құзыреттілігі бойынша :
- Ақтөбе гуманитарлық колледжінің  студенті Рустина Ришатовна Идиятулина (жетекшісі Максимча Виктория Сергеевна) –І орын;
- Ақтөбе қаласының ҚазГЗУ колледжі студенті Егорцева Анастасия Александровна(жетекшісі Медыева Акмайра Тлектесовна)  - ІІ орын;
- «М.Тынышбаев  атындағы  транспорт және коммуникация  Қазақ академиясы»   Ақтөбе колледжінің студенті Куасова Айгерим Жанибекқызы(жетекшісі Кунаева Бахтыгуль Акжурековна) –ІІІ орындарды иеленді. 
Жеңімпаздарымызды жеңісімен құттықтап, Республикалық чемпионатта кәсіби дайындықтарын жоғары деңгейде көрсетулеріне сәттілік тілейміз!!!