Шараның мақсаты: жерлесіміз Оймауыт ауылынан шыққан лирик ақынның өмірбаяны мен шығармашылығын студенттерге, оқырмандарға насихаттау. Ақынның шығармашылығын оқырмандарға кеңінен таныстыру. Шара барысында ақынның өмірі туралы видеоролик көрсетіліп, таныстырылды.
Шығармашылығындағы өлеңдердің тақырыбына кеңінен тоқталып, талқыланды. «БК-105»- топ студенттері ақынның шығармашылығы туралы ой бөлісіп, ақын өлеңіне жазылған әндерді орындап, жыр шумақтарын мәнерлеп оқыды. «Даланың сыршыл жүрегі» атты кітап көрмесі ұйымдастырылып, көрмеге библиографиялық шолу жасалды.
Ақынның шығармашылығынан Әбілтай Айнара «Достарым», Төлемісіова Арай «Ауылға барғанда» сынды өлеңдері оқылды. Ақтөбе гуманитарлық колледжінің «Саз бөлімі» студенттері Оспанғали Алан «Елім менің», Телмен Досжан «Айналдым елім» атты әндерін орындап берді.
Шара өз мақсатына жетіп, ақын шығармаларына деген оқырмандар қызығушылығын тудыруға мүмкіндік болды.
