2021 жылдың 1 қараша мен 10 желтоқсан аралығында Қазақстан Республикасы Білім және ғылым министрлігі «Таlap» коммерциялық емес акционерлік қоғамының ұйымдастыруымен «Worldskills Kazakhstan-2021» Республикалық VI кәсіби шеберлік чемпионаты өтті. Чемпионатқа еліміздің 17 аймағынан 450-ден астам 22 жасқа дейінгі жас маман қатысты. Біздің колледжден «Бастауыш білім беру» құзіреттілігі бойынша Буреш Елена, «Музыкалық білім беру» құзіреттілігі бойынша Набиева Назкен, «Мектепке дейінгі тәрбие және оқыту» құзіреттілігі бойынша Кононенко Юлия республикалық чемпионатта бақ сынасты.
10 желтоқсан күні Нұр-Сұлтан қаласында өткен «Worldskills Kazakhstan-2021» Республикалық VI кәсіби шеберлік чемпионат қорытындысы бойынша «Музыкалық білім беру» құзіреттілігі, Набиева Назкен жүлделі І орын және алтын медаль, жетекшісі М.М.Жусупова, «Мектепке дейінгі тәрбие және оқыту» құзіреттілігі, Кононенко Юлия, жетекшісі И.П.Умарова жүлделі ІІІ орын және қола медальді жеңіп алды.
Жүлделі орын иегерлерін колледж әкімшілігі және ұжымы атынан құттықтай отырып, зор денсаулық, шығармашылық табыс тілейміз. Бағындырар биіктеріңіз, алар асуларыңыз көп болсын!!!
2021 жылғы 9 желтоқсан күні Ақтөбе облысының білім басқармасының кестесі негізінде ата-аналар арасында 12-18 жас аралығындағы студенттерге «Pfizer-BioNTech Comirnaty (Комирнати)» вакцинациясын жүргізуге арналған ақпараттық түсіндіру жұмыстары жүргізілді. Күн тәртібінің І мәселесі бойынша келген мамандар вакцина туралы ақпараттар берді. Әрі қарай директордың тәрбие ісі жөніндегі орынбасары Г.Ш.Жиенкулова колледждің ішкі тәртіп ережесі және қыздар тәрбиесі, жатақханада жататын студенттердің тәртібі туралы айта келіп, жастар арасында құқық бұзушылықтарды, келеңсіз оқиғаларды болдырмау мақсатында жасалған жұмыстармен, алдағы жоспарлармен бөлісті. Колледж психологы А.Е.Сатаева ата-анарға арналған кеңестерін ұсынып, сауалнама жүргізді.
Ктх-105 тобында «Сыбайлас жемқорлыққа жол жоқ!» тақырыбында тәрбие сағаты өтті. Сыбайлас жемқорлықтың алдын алу профилактикалық жұмыстарын насихаттау, сыбайлас жемқорлыққа қарсы күрес туралы заңдарды негізге ала отырып, құқықтық білімдерін нығайту мақсатында өткен тәрбие сағаты барысында студенттерге адалдық, адамгершілік және жағымсыз әрекеттерден бойларын таза ұстауға дағдылану туралы айтылды. Топ жетекшісі Кушкинбаева Сайрагүл Бексұлтанқызы.
«Тәуелсіздік толғамдары» тақырыбында кездесу
2021 жылғы 7 желтоқсан күні ҚР Тәуелсіздігінің 30 жылдығына орай «Қоғамдық келісім» КММ мен Ақтөбе гуманитарлық колледжінің ұйымдастыруымен «Тәуелсіздік толғамдары» тақырыбында кездесу өткізілді.
Іс-шара барысында Халықаралық «Қазақ тілі» Ақтөбе облыстық ұйымы төрағасының орынбасары, ҚР Ақпарат саласының үздігі Қабақбаев Жанғабыл Жұмағалиұлы мемлекеттік тілді қастерлеу, құрметтеу туралы, «Қоғамдық келісім» КММ сарапшы маманы Сапаров Түлкібай Тынышұлы «Тәуелсіздіктің басты айшықтары» тақырыбы бойынша деректер келтірді.
ҚР Президенті Қасым-Жомарт Тоқаевтың «Тәуелсіздік бәрінен қымбат» мақаласы негізінде ҚР Тәуелсіздігінің 30 жылы ішінде қол жеткен жетістіктерге тоқталу мақсатында өткізілген шара колледж студенттеріне тәрбиелік мәні зор сабақ болып табылады.
#Тәуелсіздіктұмарым
#ТәуелсіздіктұмарымАқтөбе
Ақтөбе гуманитарлық колледжі кітапханасының оқу залында - Қазақстан Республикасының Тұңғыш Президенті күніне арналған "Ғасырдың керемет азаматы" тақырыбында кітап көрмесі ұйымдастырылды. 70-тен астам кітаптар мен мерзімді басылымдар, фото - құжаттар, библиографиялық көрсеткіштер ұсынылды.
Мақсаты:
а) Жас ұрпаққа Елбасының сан қырлы талант иесі, құдіретті тұлға екенін таныту.
ә) Елімізге еңсе тіктетіп, мемлекетімізді мығымдап берген, халқымызды әлемге танытып, алаш баласының абыройын асқақтатып Елбасының кісілік келбетін меңгеру.
б) Елін сүйген, елі сүйген Елбасынан үлгі алуға тәрбиелеу. елімізге деген сүйіспеншіліктерін арттыру.
Қазақстан Республикасының Тұңғыш Президенті күніне ұйымдастырылған Колледж кітапханасының қорынан "Ғасырдың керемет азаматы"атты кітап көрмесіне Н.Ә.Назарбаевтың өмірбаяны мен қызмет хроникасын: металлург, қоғам және партия жетекшісінен саяси көшбасшыға дейінгі жолын, сондай-ақ егемен Қазақстанның қалыптасуы мен дамуының негізгі кезеңдерін, ішкі және халықаралық аренадағы экономикалық және саяси жетістіктерін, сіңірген еңбегі және Тәуелсіз елдің дамуына қосқан үлесі туралы мәліметтерді қамтиды.
Құрметті оқырмандар, оқытушылар, студенттер! "Ғасырдың керемет азаматы" тақырыбындағы ашық көрнекілі түрде жасалған кітап көрмесіне шақырамыз!
«Арыстандай айбатты, Жолбарыстай қайратты – Қырандай күштi қанатты. Мен жастарға сенемiн!», - деп Мағжан Жұмабаев ағамыз жырлағандай, Тұңғыш Президент күніне орай Қ.Жұбанов атындағы АӨУ мен Ақтөбе пікірталас орталығы ұйымдастырған «Мен жастарға сенемiн» атты пікірсайыс турнирінде колледжіміздің «Jana Gasyr» дебат клубының «Жұрттың баласы» фракциясы ерекше шешендік өнерімен көзге түсіп, ІІ дәрежелі дипломға ие болды. Дебат – бұл тәртіп пен тәрбиені, білімділік пен біліктілікті, шешендік пен тапқырлықты ұштастыратын интеллектуалдық ойын. Осындай интеллектуалды тартыста жүлделі орынды иеленген пікірсайысшыларымызды құттықтаймыз. Өнерлері өрге жүзе берсін!!!
2021 жылдың 2 желтоқсан күні басқарма басшысы Жолдас Нұрланұлы Батырхан Ақтөбе гуманитарлық колледжінде өтіп жатқан «Музыкалық білім беру» құзіреттілігі бойынша «WorldSkills Kazakhstan – 2021» республикалық чемпионатының барысымен танысып, білім аламанында сайысқа түскен жас таланттарға сәттілік тіледі. Аталмыш чемпионатқа Нұр-Сұлтан қаласынан және Ақтөбе, Ақмола, Павлодар, Батыс Қазақстан облыстарынан келген қатысушылар үш модуль бойынша бақ сынайды.
2021 жылдың 2-5 желтоқсан аралығында Ақтөбе гуманитарлық колледжінде «Музыкалық білім беру» құзіреттілігі бойынша «WorldSkills Kazakhstan – 2021» республикалық чемпионатыны өтіп жатыр. Аталмыш чемпионатта Нұр-Сұлтан қаласынан және Ақтөбе, Ақмола, Павлодар, Батыс Қазақстан облыстарынан келген қатысушылар үш модуль бойынша өз шеберліктерін көрсетуде. Чемпионаттың негізгі мақсаты – Қазақстанның кәсіби білім беру жүйесіне әлемнің үздік тәжірибесін енгізу әрі техникалық және кәсіптік білім беру жүйесін жетілдіру. Осындай білім додасында бақ сынайтын жүйріктерге сәттілік тілейміз!
Ағымдағы жылдың 30 қараша күні Ақтөбе гуманитарлық колледжінде ағылшын тілі пәнінің оқытушысы Гульжан Алиева шт-106 тобында “we shall overcome” тақырыбында сыныптан тыс ашық тәрбие сағатын өткізді.
Сабақтың мақсаты: ел Тәуелсіздігінің 30 жылдығын атап өту, білім алушыларды қазақстандық патриотизмге, елін, жерін сүюге және халқын құрметтеуге тәрбиелеу. Басқа ұлт өкілдерінің мәдениетін, әдет-ғұрпын сыйлауға үйрету.
Кеште қажырлы еңбектің, төзімділік пен жеңістің куәсі болған ел Тәуелсіздігінің 30 жылдығы атап өтілді.Сонымен бірге Қазақстан- көпұлтты мемлекет,келісім мен бірліктің аясында 130 –дан астам ұлт өкілдері бір шаңырақтың астында өмір сүріп, барлық ұлттар мен ұлыстар үшін ортақ мемлекет екені айтылды. Көп ұлттар елімізде тату тәтті бір үйдің баласындай өмір сүріп жатырғандығы туралы Шт-106 тобының білім алушылары Қазақ,орыс,ағылшын тілдерінде ән шырқап өз туындыларын паш етті.
Іс-шараға колледж оқытушылары мен 1 курс студенттері қатысты. Осыншама халықты бір арнаға тоғыстырған,тақымы биік қазақ халқы әрдайым биікте тұрары сөзсіз екенін .Үш тілде өткен кеш өте тартымды өтті. Шара соңында «Мен-қазақпын» әні шырқалды.
Колледж жатақханасында 1 желтоқсан - Тұңғыш Президент күніне арналған тәрбие сағаты өткізілді. Жас ұрпаққа Тәуелсіздіктің іргетасы қандай жағдайда қалыптасқаны туралы ақпарат беру мақсатында өткен тәрбие сағатында Тәуелсіз Қазақстанның бүгінгі жетістіктері – Елбасының халқымыздың игілігі жолындағы қажырлы еңбегінің нәтижесі екені айтылды.
Ақтөбе гуманитарлық колледжі «Еуропалық экономикалық, бизнес және құқықтық жоғарғы колледжімен бірлесіп, «Тәуелсіз Қазақстанның 30 жылдығына 30 қайырымдылық игі іс» акциясы аясында «Дина Нұрпейісова мұрасының бірегейлігі мен өзіндік ерекшелігі» атты мәдени шара өткізілді. Бағдарлама барысында колледж оқытушылары А.Қарғабаева мен Н.Салықова және "Назқоңыр" домбырашылар ансамблі Динаның шығармашылығы мен күйлерінің шығу тарихына тоқталып, өз өнерлерімен көпшілік қауым ризашылығына бөленді.
Қазақстан Республикасы тәуелсіздігінің 30 жылдығы мен Ақтөбе гуманитарлық колледжінің 100 жылдық мерейтойына арналған «Сұлу сөз көркем ойдың кемеңгері» атты көркем сөз оқу шеберлерінің байқауы өткізілді.
Байқаудың І кезеңі онлайн түрде «Ақын шығармаларын жатқа оқу» (қашықтықтан бейне жазба (видео) нұсқада, төмендегі тақырыптар бойынша өлең оқу), ІІ кезең офлайн форматта өткізілді. Жалпы колледж бойынша І кезеңге 42 білім алушы қатысып, ІІ кезенге 18 білім алушы жолдама алды және арнайы дипломдармен, алғыс хаттармен марапатталды.
Менің тұңғыш Президентім
«Мектепке дейінгі тәрбие» бөлімінің ІІ курс студенттерімен 1 желтоқсан - Тұңғыш Президент күніне арналған «Менің тұңғыш Президентім» атты ашық тәрбие сағаты өткізілді.
Қазақ мемлекетінің тарих сахнасында көк байрағын желбірете көтерілуіне аянбай еңбек еткен тұлға-Елбасы Нұрсұлтан Әбішұлы Назарбаевтың өмір жолы, туып-өскен, оқып білім алған, қызмет еткен жерлері туралы ақпарат берілді. Студенттер Елбасының елге сіңірген зор еңбектерін және тәуелсіз Қазақстан жетістіктерін айтып, пікір алысты.
2021 жылғы 29 қараша күні 1 желтоқсан - Президент күніне орай "Мәдениет және саз бөлімі" СБ-215 тобының ұйымдастыруымен "Елін сүйген Елбасы" тақырыбында мерекелік шара өтті. Топ жетекшісі Телмағанбетов Тұрар Боранбайұлының жетекшілігімен өткен шарада СБ-215 топ студенттері өз өнерлерін көрсетіп, белсене қатысты. Шара соңында арнайы пән оқытушысы Ажар Қожабергенқызы мен бөлім меңгерушісі Шолпан Ахметқызы студенттерге ыстық ілтипатын білдіріп концертті қорытындылады.
Длимбетова Амина
Р-405
Сағиғалиева Гүлбану
Кт-105
Онайбергенова Әмина
Мд-405
Бозакова Дария
Мк-405
Фоменко Елизавета
Мд-201
Амангос Мадина
Мд-315
152
ПРЕПОДАВАТЕЛЬ
1200
СТУДЕНТ
421
ВЫПУСКНИК
81
ДИПЛОМ С ОТЛИЧИЕМ
г. Актобе, ул. Есет батыра, д. 73 Номер телефона: +7 /7132/ 56-02-30 E-mail: aktobe_agk@mail.ru
Ақтөбе гуманитарлық колледжі
@aktobeagk #aktobeagk
