Ақтөбе гуманитарлық колледжі

Ақтөбе-Дарын өңірлік ғылыми-тәжірибелік қосымша білім беру орталығының ұйымдастыруымен өткен Техникалық және кәсіптік білім беру ұйымдарының білім алушылары арасында ХХІ облыстық спартакиадада үстел теннисі жарысынан Ақтөбе гуманитарлық колледжі жүлделі І орын иеленді. Команда жетекшісі, дене тәрбиесі пәні оқытушысы А.Идирисовті және команда мүшелерін құттықтаймыз, спорт саласында жеңістеріңіз көп болып, биік шыңдарды бағындыра беріңіздер!

       Ақтөбе гуманитарлық колледжі Ақтөбе облысының білім басқармасының бекітілген кестесіне сәйкес 2021 жылдың 1 ақпаны күні аудандық білім беру ұйымдарының 9-11 сынып оқушыларымен «Кәсіптік бағдар беру -2021» тақырыбында онлайн кездесу ұйымдастырды. Аталған шараны директордың оқу-өндірістік ісі жөніндегі орынбасары Қ.Баянов және қабылдау комиссиясының жауапты маманы Е.Қалышев кәсіптік бағдар беру бағытындағы онлайн кездесуді екі лекте өткізді.
       Кездесуге Әйтеке би, Ырғыз, Байғанин, Ойыл, Темір, Хромтау және Алға, Мұғалжар, Қарғалы, Қобда, Мәртөк, Шалқар аудандарынан 200-ге жуық мектеп оқушылары қатысты. Шара барысында Ақтөбе гуманитарлық колледжі туралы бейнеролик таныстырылып, 2021-2022 оқу жылына қабылдау жүргізілетін мамандықтар туралы нақты мәліметтер беріліп, құжаттар тізбесі мен оқуға қабылдаудың жүзеге асырылу жүйесі түсіндірілді. Сонымен бірге колледждің материалдық-техникалық базасы, жатақхана, оқу платформалары, әлеуметтік желідегі парақшалары туралы ақпараттар берілді. Кездесу соңында мектеп оқушыларымен сұрақ-жауап форматында сұқбаттар жүргізілді.

    «Ұшқыр ой алаңы» дебаттық қозғалысы аясында колледж студенттеріне «Пікір-сайыс ойындарын өткізудің ережелері мен кеңестері» тақырыбында дөңгелек үстел өткізілді. Студенттердің интеллектуалды дамуына көңіл бөлуге көзделген кеште белсенді азаматтық ұстанымды қалыптастырудағы және қоғамда дұрыс саяси бағдарларды таңдаудағы дебаттық турнирлердің әсері жайлы айтылды. Осы орайда жастардың шығармашылық белсенділігі мен көшбасшылық қасиеттерін дамытуға, олардың өз ұстанымын, шешендік шеберлік дағдыларын, толерантты диалог жүргізе білуін қалыптастыру мақсатында колледжішілік «Ақиқат» пікірталас клубы құрылды. Құрамы студенттермен жасақталып, клубтың мақсат-міндеттері мен жоспарлары талқыланды.

      ЧАС КОЛЛЕКТИВНОГО ТВОРЧЕСТВА
     28 января 2021 года на базе Актюбинского гуманитарного колледжа совместно с Актюбинским областным научно-практическим центром состоялся областной семинар-практикум «Организация работы с текстом на уроках профессионального русского языка». Цель семинара – оказание практической помощи преподавателям русского языка и литературы ТиПО в эффективной организации самостоятельной работы с текстом и формировании основ смыслового чтения у обучающихся в учебном процессе.
     Работа семинара была проведена преподавателями Актюбинского гуманитарного колледжа в 3 этапа: Абдуллиной Г.Е.(этап предтекстовой работы), Еркебаевой Г.Т. (этап текстовой деятельности), Бисемалиевой Б.Б.(этап послетекстовой деятельности). Практическая работа осуществлялась в коллективной, индивидуальной и групповой форме с применением различных методов и стратегий. После выполнения заданий каждого этапа участникам семинара был представлен разработанный чек-лист.
     В преддверии 100-летнего юбилея в нашем колледже проводятся различные виды работ: внеклассные мероприятия, публикации статей об истории колледжа, ветеранах педагогического труда, достижениях лучших преподавателей и студентов. А на уроках профессионального русского языка преподаватели предлагают обучающимся разные виды текстов о славной истории колледжа, о замечательных педагогах, выпускниках разных лет. Главное, нужно сохранить память, преемственность поколений. Ведь память священна.
     Формат семинара «Час коллективного творчества» дал возможность участникам семинара применить свои профессиональные знания в практической деятельности, выстроить смысловую цепочку, сравнить применяемые способы и методы.

ҚР Тәуелсіздігінің 30 жылдық мерейтойына орай «30 қайырымды іс» акциясы аясында колледжіміздің «Мейірім» еріктілер тобы жалғыз басты қала тұрғыны Валентина әжейдің үйіне барып, аула қарын тазалап, көмек көрсетті. Колледж студенттерін алдағы уақыттағы қайырымдылық акцияларына өз үлестерін қосуға шақырамыз.

#Тәуелсіздікке30жылАқтөбе #BIZBIRGEMIZ #АГК #Мейірімеріктілертобы

Ақтөбе гуманитарлық колледжінде ҚР Тәуелсіздігінің 30 жылдық мерейтойына орай студенттердің құқықтық сауаттылығын арттыру, ой-өрісін кеңейту, ынтымақтастық және қысқа мерзімде дұрыс шешімді қабылдай отырып, стресске орнықтылық дағдыларын қалыптастыру мақсатында «Ой - LIKE» интеллектуалды-зияткерлік сайысы өткізілді. Сайыс қорытындысы бойынша «СБ-115» және «Мейірім» топтары - ІІІ орын, «ШТ-106» тобы – ІІ орын, «Мерген» тобы – І орындарға ие болды.
Қатысқан топ студенттеріне өз алғысымызды білдіреміз!

     Ақтөбе гуманитарлық колледжінде 14 қаңтар күні «Парасаты биік жемқорлықсыз қоғам» тақырыбында Ақтөбе облыстық сыбайлас жемқорлыққа қарсы іс-қимыл департаментінің ақпараттық-ағартушылық штабының мүшесі Каумешов Бекзат Болатұлымен онлайн кездесу өтті. Кездесуде сыбайлас жемқорлыққа қарсы мәдениетті қалыптастыру, сыбайлас жемқорлық көріністерінің алдын-алу, адал, парасатты қоғам орнатудың қағидаттары айтылды. Кеш барысында колледж студенттері пікір алмасып, өз шығармашылықтарымен бөлісті. Кеш қонағына өз алғысымызды білдіреміз, саналы ұрпақ біздің болашағымыз!

     Техникалық және кәсіптік білім беруді дамыту ісіндегі табысты еңбегі мен асқан шеберлігі, педагогикалық еңбек жолында болашақ мамандарға кәсіби білім мен тәлім-тәрбие, адамгершілік рухта бағыт-бағдар берудегі халықаралық, республикалық, облыстық деңгейдегі жеткен жетістіктері және колледж дамуына қосқан зор үлесі үшін Жаңа жыл мерекесі қарсаңында «Ақтөбе гуманитарлық колледжінің ЖЫЛ АДАМЫ-2020» байқауы қорытындысы бойынша Адилова Жайнагүл Мұстафақызы марапатталды.
     Бұл байқау колледж директоры Нұрғалиев Ералы Ғұбайұлының бастамасымен алғаш рет 2018 жылы жарияланып, жыл сайын үздіктер қатарымен толығып келеді. Құрметті колледж ұстаздары болашақ маман дайындауда шеберліктеріңіз шыңдала берсін!
     Баршаңызды Жаңа 2021 жыл мерекесімен құттықтаймыз, жаңа жыл жаңа табыстар мен бақ-береке, отбасыларыңызға амандық әкелсін!

АБАЙ МҰРАСЫ-ХАЛЫҚ ҰЛАҒАТЫ
(Абай Құнанбайұлының 175жылдық мерейтойына орай)

     Абай мұрасы – біздің ұлт болып бірлесуімізге, ел болып дамуымызға жол ашатын қастерлі құндылық. Жалпы, өмірдің қай саласында да Абайдың ақылын алсақ, айтқанын істесек, ел ретінде еңселенеміз, мемлекет ретінде мұратқа жетеміз.
     Қасым-Жомарт Тоқаев 2020 жылдың 25 қараша күні Ақтөбе гуманитарлық колледжі кітапханасы және №6 Қарғалы селолық «модельді» кітапхана ұжымының ұйымдастыруымен ұлы ақын, ағартушы, қазақтың жазба әдебиетінің негізін салушы, аудармашы Абай Құнанбаевтың–175 жылдығына орай, «Абай мұрасы-халық ұлағаты» тақырыбында онлайын кітап көрмесі ұйымдастырылып, көрмеге библиографиялық шолу жасалды. Көрмеге халық данышпанының өмірін, шығармашылығын насихаттайтын құнды дүниелер қойылды.
Мақсаты: қазақтың ұлы ақыны Абай Құнанбайұлы туралы мәлімет бере отырып, ақынның даналығын, асыл мұрасын насихаттау, құрмет ету, өнегелі өмірі мен шығармашылығына шолу жасау, 175 жылдық мерейтойын тойлауға ат салысу, студенттенерімізді адамгершілікке, өнерге, әдебиетке баулу.
     Осындай өмірге қайта келмес данышпаны бар халықтың қашан да білім көкжиегі кең болары хақ. Ең бастысы өзіміздің ғұлама, данагөй тұлғаларымызды біліп жүргеніміз жөн.
     Абайдың философиясы мен даналығы – қазақ халқының философиясы. Ақынның рухани мұрасы жыл сайын бүгінгі күннің өзекті мәселелерінде жаңа қырымен ашылып келеді. Абайдың армандары мен оның еңбектері темірқазық секілді қазақстандықтардың барлық болашақ ұрпақтарын даму мен жасампаздыққа жетелейді.

     «Мұрагер» еріктілер тобының мүшелері, өз қорлары атынан әлеуметтік аз қамтылған, көп балалы жанұяға ұялы телефон тарту етті. Волонтерлардың біріге жасаған жақсылығы бір отбасы мүшелерін шаттыққа бөледі, әсіресе қашықтықтан оқитын мектеп жасындағы балаларға үлкен жеңілдік болғандығы сөзсіз. Біз біргеміз!

     "Қазақстан Республикасы колледждерінің ТОП-100 студенті" жобасына қатысып, облыстық деңгейге өткен Шт-405 топ студенттері Нұрланқызы Зарина, Нышан Ақмарал, Мк-315 топ студенті Әшір Ұлжан, Мк-205 топ студенті Қайдасов Жасұланды Ақтөбе облысының білім басқармасы басшысы Л.Уразбаева алғыс хатпен марапаттады. Жетекшілерді, студенттерімізді шын жүректен құттықтаймыз, алар асуларыңыз биік болсын!